LinkBack URL
About LinkBacks
كان سالت عن طيران التركية.
وفيه باصات تودي للستي سنتر ب ٧ يورو امس جيت عليها
وانا لي يومين بدبلن الله يعين
7 " وفيه باصات تودي للستي سنتر ب ٧ يورو امس جيت عليها
وانا لي يومين بدبلن الله يعين
تقرير تجربة مرافق الى دولة ايرلندا ..
تقرير تجربة مرافق الى دولة ايرلندا ..
تنبيه: هذا الموضوع قديم. تم طرحه قبل 3489 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- الحياه مدرسه وانا اخوكـ ...7 "
الحمدالله على كل شي - مافيه شك اخوي بدر ان الحياة تجارب7 "
وكيف وضعك الان وممكن تتواصل معي تويتر abumohrh - أبشرك الامور تحت السيطره ... بس وانا اخوكـ الظاهر راح نودع حياة الرفاهيا اللي كنا عايشينها بالسعودية ..7 "
تم اضافتك
- ^^^7 "
الله يسهل امووورك ويسخر لك عباده - اللهم آمين .. وياكــ7 "
- مساكم الله بالخير نعود لكم من جديد ..7 "
واخيرا حصلنا شقه في دبلن 8 طبعا بمساعدة (( أبو سفيان الله يجزاه الجنه )) بس اتمنى ما يطلب عموله كثيره لان الوضع المادي قرب من الخط الاحمر
طبعا 10 دقائق مشي الى معهد CES وافتكينا من حوسه الباصات والمواصلات ..
الملحقيه قريبه والحديقه قريبه وجميع الخدمات قريبه
طبعا الشقه اعجبتني نفس المجمع باب خارجي رئيسي بمفتاح خاص لك تدخل المجمع فيه 6 كاميرات مراقبه .. تتوجه داخل المجمع اسفل البناية باب محكم الاغلاق كلن معاه مفتاح خاص
تطلع للشقه الباب له مفتاحين هههههههههههه
طبعا الشقه صغيره بس حليلة غرفة نوم .. صالة مع بلكونه المطبخ فاتح ع الصاله دورة مياه الله وانتم بكرامه .. مخزن للاغراض .. سعر الشقه 1050 يورو شهري مع تأمين 1050
= 2100 يورو ..
يااااااااااااااااااااازين الاستقرار .. واحلااا عشى كبسسه الان وبعدها فنجال قهوى يرد الروح
نوافيكم بالجديد عما قريب ..
دعواتكم تجينا البعثة ..
واي خدمة انا حاضر لوجة الله تعالى
تمنياتي بالتوفيق للجميـــــــــــــــــع
اخوكم / بدر الحامد
- السلام عليكم اخوي بدر ممكن تفيدني ابي مكتب يسوي لي اجرات الفيزا انا زوجتي ومعي طفله طبعا الدوله ايرلندا انتظر ردك الله يعطيك العافيه7 "
- هلا بك اخوي7 "
بصراحه انا ما تعاملت مع مكاتب لاني ما اثق فيهم ..
في وحده عملت لنا اجراءات الفيزا ..
October 7th, 2014, 02:21 PM
هنا اكتب لكم تجربتي كامرافق الى دبلن ..
بالبداية اقلعنا من مطار الملكة عالية بالاردن على الخطوط المليكة الاردنية وطبعا اول مره نسافر الى دولة اجنبية كل واحد معاه شنطتين كبار وهنا المصيبه ..
بالمطار كل شخص له شنطة وحده بالشحن ومعاه 23 كيلو
خلوني ادفع بالمطار 200 دينار تقريبا 1100 ريال , يا عيني هذا اول الخير . واعطونا الوصل حق الدفع ( ركز على الوصل وخليه معاك). المهم دخلنا الشنط واخذنا البوردنق ورحنا صالة الانتظار .. اقلعنا من الاردن الى لندن مطار هيثرو الدولي مدة الرحلة 5 ساعات تقريبا ..
وصلنا مطار هيثرو بسلام تعال الحين دور على الطيارة الثانية اللى توديك الى ايرلندا طبعا على الخطوط البريطانية .. الاقلاع بعد ساعتين طبعا .. اتوقع جلسنا ساعه ونص وحنا نمشي ندور على صاله رقم 1 ..
حصلنا الصالة رقم 1 .. اخذ الجوازات واعطانا ورقة تعبي فيها بياناتك وصورنا وختم على الجواز وقال ادخلو ..
دخلنا ورحنا للتفتيش معانا شنطتين لاب توب وشنطة يد ولازم تطلع الاب من الشنطة وتحطة لحاله ع السير حق التفتيش .. والمهم فتشنا ونادانا على جنب وقال افتحو شنطة اليد اللي معاكم وطلع كل الاغراض اللي فيها وجلس يمسح على كل قطعه فيها بجهاز صغير على راس الجهاز قطعه بيضا نفس الفاين .. وبعدين شال القطعه البيضا ودخلها بجهاز .. واخذ العطر اللي بالشنطه قال ممنوع تاخذه معاك للطياره وطشه في الزباله .. قدام عيونك
رحنا للصالة ننتظر ركوب الطياره وانا قلبي محروق على العطر ..
ركبنا الطياره البريطانية الى أيرلندا تقريبا ساعه من لندن الى ايرلندا ..
وصلنا مطار دبلن طبعا ورا العالم اللي ماشية ووصلنا الجوازات عشان نختم دخول وهنا بدات الاسألة ..
ليش جايين ايرلندا ؟
وين ورقة المعهد حق اللغة ؟
وانت ليش جاي مع اختك ؟ <------ اعجبني هالسؤال جاي حارس شخصي لها ..
وبعدها اعطانا ورقة عشان الامقريشن عشان نطلع اقامة من عندهم .. وقال ولكم ,, ويالله حيهم في بلدكم الثاني ..
وطلعنا اخذنا الشنط وبالخارج رحنا واخذنا تكسي وقلنا له اقرب فندق لاننا مرهقين جدا جدا من التعب ..
ركبنا التكسي وفتحت العداد 4:50 يورو
وثاني فندق وفل
والثالث والرابع والخامس
قال مالكم الا فندق خمس نجوم الشكوى لله رحناله وصكنا بالليله 300 يورو والتكسي اخذ 70 يورو
نمنا وطلعت اشوف فندق ثاني قبل ما يحسب علينا يوم ثاني .. بالشارع حصلت واحد اسمراني معاه تكسي جيته وقلتله هلوو برو ومديت ايدي زي البكس اسلم .. استانس ابو سمره علي وقلتله الموضوع كذا وكذا
ما قصر ابن الحلال اخذني لفندق ثاني مقبول الليلة ب 120 يورو ارحم من 300 .. اخذت لليلة فيه و نقلنا ..
وبعدها دخلت منتدى مبتعث وبالصدفة حصلت واحد اسمة ابو سفيان والكل يمدحة ويزكية اخذت رقمة وكلمته وحجزلي عند صاحبة B&B بيت مقسم غرف وفيه وجبة فطور حجزت اسبوع والليلة ب 70 يورو انا واختي ارحم من الفنادق ..
والان جالس ادور لي شقة في دبلن قريبة من معهد CES ....
نلتقي في الجزء الثاني بأذن الله ... دعواتكم