تجمع طلاب الطب في ايرلندا ( المرحلة العاشرة )

السلام عليكم
عندي سؤال بخصوص دراسة طب القدم في ايرلندا هل بإمكاني عدم حضور المعهد
وأخذ درجة اختبار الايلتس المطلوبة من هنا ثم أذهب للسنة التحضيرية.؟؟

اذا تستطيع تحصل درجة اختبار الايلتس المطلوبه من هنا ، قدم على الجامعه بدرجة اختبارك واذا جاء قبولك راح تروح لهم وتبدا السنه التحضيريه دايركت بدون معهد لغه

حد يعرف أي معلومات عن مقابلة جامعة جالوي ؟؟

مقابله جامعه جالواي و يو سي دي تتم على السكايب.

السلام عليكم كيف دراسة الطب بايرلندا هل مضمون مقعدي لو بدأت بسنتهم التحضيرية او في تنافس بين الطلاب؟؟

و عليكم السلام. مقعدك مضمون بشرط اجتياز السنه التحضيريه بنجاح.

بايرلندا؟؟ وايش المطلوب عشان اجتاز التحضيري بنجاح وهل هي بصعوبة جامعاتنا زي جامعة سعود التحضيرية وفي ناس كثير يجنازو او قليل لان سمعت ايرلندا مو اي احد يجتاز التحضيري فيها؟؟

قلت لك المطلوب انك تجتازين مواد السنه التحضيريه بنجاح و تكونين جايبه ف نهايه السنه ٦ ونص بالايلتس. و الله ما ادري انا ما درستها لسى بس اللي سمعته انو المواد اللي تدرسينها علميه يعني فيزيا و كيميا و احيا و حصص ايلتس.

السلام عليكم..

راح أوضح بعض النقاط اللي ظهرت في النقاش:


1- سبب تقليص فترة السنة التحضيرية من ثلاث سيميسترات إلى سيميسترين هو القرار الجديد اللي صدر من دائرة الهجرة الإيرلندية واللي يقول إن أقصى مدة يمكن فيها للطالب الأجنبي الدراسة في إيرلندا هي سبع سنوات فقط.. ومع السنتين التحضيرية وخمس سنوات الطب ماعاد فيه مجال لأي تمديد آخر. يعني بالعربي اللي يعيد سنة أو يروح من بدري ممكن يواجه مشاكل كثيرة في نهاية السبع سنوات. فياليت تنتبهوا.


2- سبب وجود سنتين تحضيرية هي إن مواد الثانوية العامة عندنا ليست متقدمة (AP) خصوصاً في المواد العلمية. عشان كدا لازم تدرس السنة التحضيرية في تريللي من باب معادلة الشهادة. والسنة التحضيرية الثانية في الجامعة هي معممة لكل طلاب الطب.


3- ضمان مقعد في الجامعة مرهون بدرجات النجاح في السنة التحضيرية وخصوصاً معدل الحضور اللي لازم ما يكون أقل من 80٪ بالإضافة إلى الحصول على درجة الآيلتس المطلوبة. أما عاد بالنسبة لعدد الطلبة اللي يجتازوا التحضيري فما عندي علم. ياريت أحد من الدفعة التاسعة يفيدنا بالنتائج.



موفقين يارب

هههههههه كلش سهالات، صراحة من تجربتي ترالي خرابيط سنة ونص "على وقتنا" اتذكرها كانها اجازة مدفوعة التكاليف. الا اذا صعوبات تعلم او انجليزي مضروب.و ايرلندا بلد جميل بعيون للي ما قد سافر. بيتاقلم وبيرتاح. لاكن اللي قد عاش في امريكا وشاف الدول الاوروبيه الثانية، بينقرف وتطق عروقه.