إستعادة الضرآئب في مطار دبلن -نريد أحد يفيدنـآا-

تجربتي السنوات الثلاث الماضيه
بعد ماتشتري من المحلات اجهزة ملابس وغيرها تطلب منهم وانت تحاسب شى يسمي ب التاكس فري
يعطونك ورقه او بطاقه ,, تجمع الاوراق مع الفواتير والبطاقه ايضا
قبل لا تسافر تعبي الاوراق رقم الرحله ورقم جوازك وبطاقه الفيزا وعنوانك واسمك وتجمع الاوراق والفواتير بظرف وترميها بصندوق في المطار
والبطاقه تسجلها عن طريق النت وايضا ترميها بصندوق مخصص لها ... وتلقي مكانهم بالمطار صندوقين ترميهم وتمشي
هذي بشكل عام ويقال ان الفاتوره مايكون مر عليها شهرين

انا كنت قبل انزل السعوديه اتسوووق واجمع الفواتير وادفع عادي ببطاقتي الايرلنديه واعبي الاوراق واكتب رقم بطاقه ايرلندا
والفلوس تنزل كل فتره على حسابي او يرسلون شيك على عنواني بالسعوديه
الحاصل حاليا شكلهم انتبهوا انو ناخذ التاكس فاذا كنت دافع ببطاقه الايرلنديه يقولون لك ماتنفع تاخذ التاكس لازم يكون الدفع يا كاش او ببطاقه ماهي صادره من بنوكهم
وحتى لو عبيتها وكتبت رقم بطاقه ايرلندا ماراح ترجع لك ,,, طبعا هالشى السنه هذى صاروا يسونه

فاذا عندك فيزا غير الايرلنديه اكتب رقمها وعب الاوراق وادفع دايم كاش واطلب التاكس
وبكذا راح ترجع لك ... هذا المجرب لان اهلى لمن يجون بالصيف اعبي لهم الاوراق واكتب رقم الفيزا السعوديه وترجع لهم المبالغ


هو اعتقد بما انك طالب فتقدر تجمعها وقت ما تترك البلد تقدر تاخذها
فيه محل للتاكس ( الضرايب ) في الستي سنتر جمب التمبل بار على الشارع واجهته على نفس جهة ستار بكس علامتهم حمراء المحل تقدر تروح لهم وتسالهم
وبعد تقدر تعبي الاوراق وتروح لهم ويرجعون لك المبلغ من نفس المكتب بحيث مايكون اكثر من 500 يورو
طبعا هذا للسياح فاذا عرفوا انك طالب اتوقع لها اجراءت ثانيه اذا مهتم تقدر تسالهم عن التفصيل

يعني ماتقدر تستعيدها الا على الاشياء اللي بتشتريها في اخر شهرين ؟