أغتصبت أفكاري وآرائي .. فهل من مخرج؟

صباح الخير

اكيييد تقدر تغيير التخصص اصلا ماراح تبتدع الا بالمجال الي انت شايف نفسك فيه ..

انا اخوي درس هندسه اربع سنوات ..وشاف نفسه انه مو متوفق فيها لانه مو مايل لها ...تركها ..وهو الان ثاني بشري...يعني الدراسه مو بالاكراه بالعكس المجال مفتوح امامك ...انت استخير وتوكل ع الله بكل امورك

بالتوفيق ..

عندك اخوي تخصص الهندسة الطبية الحيوية Biomedical engineering .. تتخرج باسم مهندس وتدرس كثير مواد فيزياء مثل طلاب الهندسة .. وتتدرب على الاجهزة الطبية ومباديء عملها وتركيبها وصيانتها مرة قريب للهندسة بشكل كبير

وعندك تخصص الفيزياء الطبية Medical physics .. وهذا التخصص ميزته انك ما تقدر تدخله الا اذا كان عندك اساس قوي جدا في الفيزياء يعني راح تدرس كل مواد الفيزياء العامة Mechanics, Atomic physics, nuclear physics, modern physics .. وبعد كذا راح تتخصص سواء في فيزياء الاشعة التشخيصية او فيزياء الاشعة العلاجية او فيزياء الطب النووي

وبخلفية قوية في الفيزياء ممكن تكمل بعد كذا في احد تخصصات الهندسة سواء كهربائية او نووية وغيرها

وعندك اخيرا تخصص العلوم الاشعاعية Radiological Sciences
ونفس الشي راح تدرس فيه فيزياء كثير والاجهزة الطبية المستخدمة باقسام الاشعة ولازم تفهم تركيبها وعملها يعني فيه جانب تقني وهندسي بالاضافة للجانب الطبي بس الجانب الطبي يغلب اكثر لذلك ما راح تقدر تواصل مباشرة في الهندسة الا اذا اخذت كورسات تكميلية


بس بشكل عام بعطيك نصيحة ..اذا انت طموحك الهندسة فقــــــــــط انصحك تبتعد عن المجال الطبي لأن المجال الطبي ما يقدر ينجح فيه الا اللي يحبه لأن ابدا مو سهل ..وصعب انك تدخل شي ما تحبه على امل انك تكمل في مجال ثاني

فانصحك لو ما كنت مقتنع انك تسحب اوراقك وتقدم عالتخصص اللي تبغاه برا السعودية .. يعني تسحب ملفك وتجيب قبول هندسة من امريكا ..وقبول البكالوريوس هناك مرة مو صعب ابدا.. وتطلع تدرس على حسابك فترة الى ما يجيك الحاق في البعثة , وتكون ارضيت نفسك وطموحك
والله ييسر لك

السلام عليكم ......ممكن ازا في حدا يدرس الهندسة الطبيه بامريكا يقلي كيف طبيعه او نظام التدريس في الجامعات هل ادرس عام او اتخصص لان الهندسة الطبيه فيا اكثر من اختصاص؟؟؟؟؟؟؟؟؟؟؟؟؟وشكرا .....في انتظار الرد..