ماجستير تمريض بدون رخصه في امريكا !!

December 8th, 2012, 04:57 AM

السلام عليكم و رحمة الله و بركاته
تعبت وانا ادور عن دا الموضوع بالعربي و بالانجليزي و بكل الاشكال و الالوان فقلت اكتب الي اعرفه وا شوف انتوا ايش تعرفوا ويمكن نفيد بعض

ايوووه حصل ،سمعت انه في ماجستير تمريض>>>>>>> و رجااااء ما ابغا احد يخش يتفلسف ويقولي مستحيل في ماجستير تمريض بدون رخصه

المهم

بس التخصص الي سمعت عنه هو
nursing education
لانه التخصص دا مافي شغل مع كريتيكال مرضى

هل الكلام دا صحيح طيب ايش هيا الجامعات الي تعطي ماجستير تمريض بدون الحاجه لرخصة مزاولة المهنه
ياريت الي يعرف جامعه زي كدا يدلنا
لانه صعب ارجع السعودية و اختبر واجي امريكا تاني و اختبر ويبغالها فلوس مررره كتيرررررررررررررررر

في تكساس لازم يكون عندي 1- رخصه من السعودية ولازم تترسل النتيجه من مركز اصدار الرخصه في السعوديه على البورد هنا في تكساس <<< احس الحركه دي خياليه
2- في مواقع على الانترنت معينه لمعادلة الشهادات وما يقبلوا ب wes ولازم الكلية ترسل الترانسكريبت على الموقع >>> انا متخرجه من كليه اهليه وكل الاوراق الاصل معايا <<< قالو لي ارسلي لنا
اوراقك الاصليه <<<< مررره يحلمواااا <<<<<< كمان المواقع مره غاليه وتقريبا المعادله ارخص موقع ب 300 دولار
3- في شي ب 200 دولار ابليكيشن عشان يتاكدوا انو الواحد سجلوا نظيف وما قد سوا اي مشاكل <<< ناسيه اسمه مرره
4- في اختبار لازم تعديه اول شي اسمه جي اف اس ان حاجه زي كده وبعدين تقدر تدخل اختبار ال ان كلكس وطبعا دا كمان بفلوس بس مو فاكره بكم
5- طبعا اظن لازم الواحد يجيب درجه عاليه في التوفل و الايلتس تقريبا فوق 85 في التوفل او 7 في الايلتس
6- اختبار ال ان كلكس >>> ودا كمان بفلوس <<<<<<< و يشترط ان الواحد ما يكون وقف عن الشغل اكتر من سنتين و الا يحتاج ياخد زي فوق 40 ساعه كلاسات عشان الريفرشمنت

مدري حسيت الشغله معقده صح ولا لا؟
فا من جد اذا تعرفوا جامعات تعطي ما جستير تمريض بدون رخصه دلونا عليها
اسفه على الاطاله
شكرا

• نشر عبر تويتر
• نشر عبر فيسبوك
• نشر عبر جوجل