معادلة دبلوم ( معهد الإدارة العامة ) التخصص إدارة مستشفيات !

بسم الله الرحمن الرحيم




السلام عليكم ورحمة الله وبركاته


كيف الحال ؟؟


طبعاً انا احد خريجين معهد الادارة العامة 1435 - 2014

بمعدل 3.85 تقدير جيدجدا وكنت اطمح اكمل دراستي بكالوريوس

لكن للأسف مالقيت ولا جامعة سعودية ممكن تعادل لي لو ساعه وحدة

وقالوا مالك الا تعيد بكالوريوس من جديد وقلت معصي لكن مالي الا اكمل دراستي خارجياً

في امريكا ولا اي دولة يوجد فيها ابتعاث طبعاً بما ان برنامج خادم الحرمين الشريفين

مايشمل اصحاب الدبلومات ف مالنا الا نطلع على حسابنا ياما يضمونا الملحقية اول خطوة قمت

فيها قلت بعادل ساعاتي من WES شركة المعادلات المعتمده في امريكا غالبا وكندا واستراليا

راسلت WES وبعد شهر وصلت معادلتي باالرياض عادلوا لي طبعاً 45 ساعه .. ومعدلي صار 2.67 من 4

وهو معدل جيد في امريكا لكن كنت اطمح يعادلون لي ساعات اكثر مثل طلاب المعهد قبل 7 سنوات

ف قالوا لي ان تمم تغيير مناهج المعهد وتطويرها واصبحت اضعف من السابق لأن دبلوم معهد الاداره

الان اصبح يركز على الاداره وتم اسقاط كثير من المواد التي تعتبر فنية ومهمه لأني اذكر خريجين

المعهد قبل كم سنه عادلوا لهم 80 واكثر لكن الحين المناهج مع انها اصبحت اصعب الا انها اضعف اكاديمياً

وزي مايقولون دبلوم معهد الأداره توظيفي بحت وليس اكاديمي يخدمك في الدراسات العليا

طبعاً ياأخواني جبت لكم المعادلة عشان ماتعنون وتراسلون WES هذه مواد المعهد اللي عادلوها ومايحتاج تراسلونهم

عشان تتأكدون كم يعادلون لكم ساعات وأي طالب درس هذه المواد في المعهد هذه معادلة WES له

[ هذه معادلة WES لدبلوم إدارة مستشفيات - معهد الإدارة العامة ]


طبعا الجامعات الي تعادل دبلومنا كثيره بأمريكا والخارج وحنا مهمشين عند الجامعات في بلدنا

واعتذر عن الاطاله واي استفسار ياأخواني لاحد يتردد ولله يوفق جميع مبتعثينا ويسهل امور اصحاب الدبلومات

تحياتي