فهمت عليك
طيب والجامعات الي في امريكا من وين اخذها
عرض للطباعة
فهمت عليك
طيب والجامعات الي في امريكا من وين اخذها
كيف بعني تاخذينها
انتي دوري عن الولاية وعن الجامعة وادخلي موقع الوزارة مري على الجامعات اللي تبيمها ومعترف فيها وبعدين قدمي اوراقك والله يعنك
استراليا اسهل في القبول ومعادلة المواد لطلاب التمريض بكثيييير من امريكا
امريكا مرة صعبة في التخصصات الطبية
اذا تدخلين منتديات وزارة الصحة موضح فيها متطلبات الابتعاث
الله يعطيكم العافيه
بس منتديات الوزاره مغلقه
لحظه ...
ياقلبي انتي موظفه بوزارة الصحه صح ؟
يعني تطلعين ابتعاث على وزارة الصحه ...صح ؟
الحين الابتعاث مووووقف الى ان تفرز الاسماء اللي عندهم بالوزاره
يعني تقريبا تقريبا لما كلمت مدير الابتعاث بالوزاره قال يمكن بيفتحون على شهر 7 ..بس لاتعتمدين على كلامه
المهم ...
استراليا وبريطانيا موقفين الابتعاث لها لوزارة الصحه
عندك امريكا وكندا .... كندا القبول فيها صعععععب خلك على امريكا
طيب انتي مستوفيه الشروط ؟؟؟
اللي تقول.... تكونين موظفه سنتين عند الوزاره
عندك اختبار تحديد مستوى مثل التوفل او الايلتز او معهد الاداره والدرجه تكون 350
التقييم اخر سنتين لا يقل عن جيدجدا
وغيره من شروط ... ادخلي موقع ادارة التمريض علشان موقع الوزاره مقفل
بعد كذا جهزي اوراقك وترجميها وجيبي قبول جامعه ....
اول مايفتح الباب قدمي ...
وبعدين توهم معلنين عن بعثات لايرلندا .... واللي سجلو من التمريض عدد قليل واختبرو بالرياض
وكانو يبغون عدد اكثر ..... انا سجلت الحمد لله ^_^
امممممم ايش بعد .....
اي سؤال لايردك الا لسانك ...لأن شكلك يا انك موظفه جديده او ماتدرين عن ابتعاث وزارة الصحه شي
وشيلي من بالك ابتعاث المرحله السادسه لانك موظفه حكوميه مايقبلونك ....
<<<< ممرضه بوزارة الصحه
موووووووووووفقه
يابعد حيي هذي الاجابات الي تريح القلب الله يخليك
انا موظفه جديده مالي 3 سنوات تقريبا
فاعمري ماسالت ولا ادري ان الموظفه لها حق الابتعاث
عجبتني جديده ^_^
اذا كذا حتى انا نص جديده <<اربع سنوات هههههه
خلاص اجل ....
كله تابعي ادارة الابتعاث بمنطقكم ... نشبي بحلقهم ...
زي ماقلت لك ..منتدى ادارة التمريض ...ادخليه ..فيه كل شي ياقلبي
وبعثات ايرلندا للحين يبغون ... هم اساسا يبغون موظفين الصحه ...
اذا عندك توفل 450 والا ايلتز 4 ....قولي لي علشان اعطيك الايميل
غير كذا ...
جيبي القبول وترجمي الاوراق من الحين والتوصيات والسي في وكل شي
وكتبي خطاب لمديرك ... وخليه يرسلهم ...تروح المعامله للتخطيط والتطوير
هم يدخلونها لجنه ...اذا وافقو عليك ... يخلون ملفك عندهم الى ان يفتح باب الابتعاث
فانتي اختصري الطريق وجهزي كل شي ...
من كثر ماني حايسه ابغى بعثه انا بعد عرفت كللللل شي عن ابتعاث وزارة الصحه ^_^
موووفقه
تسلمووووووووووون
بس من كثر الحووووووووووووسه مخي طار مره يقولو مايسوى عليك تكملي بكالوريس برى كملي هنا
واالله ماني عارفه