الأعضاء الإشتراك و التسجيل

الملتقيات
ADs

سؤال لو سمحتم عن credit card authorization

سؤال لو سمحتم عن credit card authorization


NOTICE

تنبيه: هذا الموضوع قديم. تم طرحه قبل 2907 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية وردة الكون
    وردة الكون

    مبتعث مستجد Freshman Member

    وردة الكون غير معرف

    وردة الكون , أنثى. مبتعث مستجد Freshman Member. , تخصصى لا يوجد , بجامعة لا يوجد
    • لا يوجد
    • لا يوجد
    • أنثى
    • Fort Lauderdale, FL, لا يوجد
    • غير معرف
    • Aug 2009
    المزيدl

    December 29th, 2009, 11:50 PM

    السلام عليكم ..


    محتاره وما أدري وش أسوي بجد ..


    والموضوع أن زوجي (المرافق) راح للمكتب بعد ما جا قبولنا وقال لهم يراسلون له نفس المعهد عشان يجيبون له قبول منفصل, وبالفعل جابوا قبولين منفصلين لي وله من نفس المعهد ..

    بس المشكلة هي:


    أتصلوا علينا فرع المكتب (تجسير) اللي بالأردن وقالوا لنا قبولكم جاهز لكن المعهد بأمريكا ماهو راضي يرسلها يقول رسم DHL عليكم ..
    قلنا ماهي مشكلة ندفعها 50 $


    فرحنا لمكتبهم بالرياض ندفع لهم كاش قالوا لا
    قلنا عطونا كود DHL وحنا ندفع لهم قالوا لا
    قلنا نحول لكم على الحساب قالوا لا


    قالوا معهد TALK أرسل لنا خطاب تفويض بالكريديت كارد ولازم نوقع لهم عليه


    ولما نظرنا للتفويض مكتوب فيه:

    I hereby authorize TALK to charge US $ _______ to my credit card
    My cridit card details are as follows


    وطالبين منا رقم البطاقة وتاريخها واسم صاحبها والتوقيع على التفويض


    فقمنا أتصلنا على البنك قال لنا: لاااااااااااااااااااا لا تسوون هالطريقة لأنكم بهالحالة تفوضونهم على السحب من بطاقتكم وهذي طريقة غير آمنه

    وأقلها يستخدم هالتفويض 1000 مرة لين يخلص حسابكم ..


    فالآن ما يبغوننا ندفع لهم بأي طريقة إلا بهالطريقة, وإحنا والله تخوفنا من هالطريقة ..


    ويقولون مستحيييل نرسل لكم القبولات الجديدة إلا لما تسوون لنا هالتفويض بالسحب من بطاقتكم ..


    فبلييييييز خبروني وش الحل ؟؟؟
  2. الحل شيك مصدق بالقيمة المطلوبة بالدولار باسم المعهد
    غيرها لا توافقين لأن المعاهد والجامعات الأمريكية وأي جهة أخرى تنمع ارسال معلومات الكردت كارد بالبريد
    وذا على رسوم الـ DHL تقدرين تروحين لأي فرع في الرياض وتدفعين قيمة الارسالية وتعطين الكود للمعهد
    7 "
  3. المشاركة الأصلية كتبت بواسطة xeen
    الحل شيك مصدق بالقيمة المطلوبة بالدولار باسم المعهد
    غيرها لا توافقين لأن المعاهد والجامعات الأمريكية وأي جهة أخرى تنمع ارسال معلومات الكردت كارد بالبريد
    وذا على رسوم الـ DHL تقدرين تروحين لأي فرع في الرياض وتدفعين قيمة الارسالية وتعطين الكود للمعهد

    شكرا لك على النصيحة أخوي ..
    بسوالله قلنا لهم كل الحلول اللي عندنا قالوا لا
    قلنا ندفع لـ DHL من هنا قالوا لا
    قلنا نحول دايركت على حساب المعهد قالوا لا


    أبنجن من هالموال
    ومكتب الرياض (تجسير) رافع يده يقول تدفعون كريديت يعني تدفعون كريديت, غير كذا يبقى قبولكم هناك
    7 "
  4. تواصلي مع المعهد بنفسك واسحبي على المكتب
    إذا كان المعهد هو نفسة هذا Language School, Courses in Boston, Miami, Ft Lauderdale. Translation & Interpretation فهو يقبل جميع أنواع الدفع من الشيكات السياحية إلى الحوالة البنكية
    أرسلي لهم ايميل بجميع بياناتك وقولي لهم السالفة وان شاءالله تلقين حل
    7 "
  5. المشاركة الأصلية كتبت بواسطة xeen
    تواصلي مع المعهد بنفسك واسحبي على المكتب
    إذا كان المعهد هو نفسة هذا Language School, Courses in Boston, Miami, Ft Lauderdale. Translation & Interpretation فهو يقبل جميع أنواع الدفع من الشيكات السياحية إلى الحوالة البنكية
    أرسلي لهم ايميل بجميع بياناتك وقولي لهم السالفة وان شاءالله تلقين حل

    الله يعطيك العافية أخوي ..
    باحاول أتواصل معهم والله يمضي هالموضوع على خير
    7 "
  6. المشاركة الأصلية كتبت بواسطة ** MaMdOuH **
    خطاب الـCredit Card Authurization سليم من الناحية القانونية وآمــن وكل الجامعات والمعاهد الأمريكية تستخدمه علشان تستحصل رسوم الابليكيشن/رسوم البريد السريع/وخلافه.

    والله ما أدري
    البنك يحذرني من هالطريقة ويقول غير آمنة

    يعني هل هذي طريقة شائعة للدفع ؟
    7 "
  7. صحيح الطريقة هذي موجوده في اغلب المعاهد والجامعات. واذا خايفين ترسلون رقم البطاقة طلعوا بطاقة ماستر كارد (مسبقة دفع) من البنك الاهلي وخلوها للشغلات هذي فيها رصيد صفر هي تحول المبلغ اللي تبي من حسابك الجاري عن طريق موقع الأهلي اون لاين.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.