السلام عليكم ورحمة الله وبركاته
تحيه طيبه للجميع ...الحقيقه انا معيده حديثة التعين ومن يوم تعينا قالت الجامعه لنا يالله ابدأو البحث عن جامعه ومن يومها واحنا نتخبط في هالمواقع والمنتديات شي متخصص وشي .... يعني شي اعرفه وشي اول مره يمر علي واحيان اقرا اشي استحي اني اسال عنها احسها معروفه بس انا اللي موب عارفتها
انا من اول مريحه وحاسه ان الامور سهله والدنيا حلوه بس يوم صرت اقرا تجارب البعض وكلامهم تخوفت حسيت الامور معقده وصعبه ....بس قالت لي اختي ادخلِ موقع مبتعث ...
على فكره انا داخله الحين بمعرف اختي ..يوم جيت ابي اسجل تفاجئت انها مسجله وحزنت لما لقيتها كاتبه (حلمي اكمل دراستي) والله انها ممتازه اكثر مني بس الدنيا حظوظ - وانا اقول ليش فرحت اكثر مني يوم تعينت:jump1: هههه بس خلاص انشالله تروح معي:plane: وندرس سوا...اكيد حزنتوا :blue: هههه ........نسيت موضوعي اللي داخله عشانه
المهم الله يوفقكم بحط تساؤلاتي في نقاط ويارب ماتخيبوني :
1- من فين ابدا رحلة البحث عن الجامعه يعني (ايش اول خطوه اسويها)؟
2-انا سمعت ان الافضل نركز على الدول اللي لغتها الرسميه الانجليزيه يعني (امريكا -كندا ) فيه شي غيرها ؟ بغض النظر عن الدول الموقوفه .
3-وش سالفة التوفل فيه جامعات تطلب وجامعات لا ؟انا سمعت ان برنامج خادم الحرمين يوفر دورة لغه طيب احنا نقدر نلتحق فيها ولا مالنا دخل
