الله يسعد ويوفق اللي يرد علي دنيا واخره

السلام عليكم ورحمة الله وبركاته
صراحه اللي دفعني اكتب وش اللي عندي
اول شي: المنتدى جدا رئع وله شهره كبيره
صح في منتديات مختصه بالابتعاث لكن مثل هالمنتدىماشفت والله مو مجامله
ثاني شي : خبرة الاعضاء الموجودين وتعاونهم(الله يعطيهم العافيه)

استفساري:
انا السنه هذي متخرج من الثانويه بنسبة 90:sadwalk:
والقدرات 69:wallbash:
والتحصيلي 69:wallbash:
وابي ادرس في امريكا قدمت على البعثات ما انقبلت>>>اقول غيرك بالنسبه اعلى منك ماقبلوه تبي تروح انقزها
سمعت كثيييييييييييييييييييييييييييييييييير
وقراءات كثيييييييييييييييييييييييييييييييييييير
عن ايش
وناس قالولي روح ادرس على حسابك لغة لمدة 3 اشهر وانت في امريكا قدم على البعثه وتجيك لانه الالحاق في امريكا ماتقفل
وناس قالو لي خذ امر اركاب ورح ادرس كمان 3 اشهر وتنقبل بسهوله
وانا اذا ان شاء الله ورحت
ما اقدر اروح الا في شهر 3
اسئلتي:
هل هذا الكلام صحيح عن الالحاق
وهل فعلا انه اذا اخذت امر اركاب ورحت ادرس لغة انقبل بالبعثه بسهوله
او انه اصلا مافي الحاق لدارسين اللغه ويبون يدرسون بعدها بكالوريس
وهل اذا رحت في شهر 3 وكان ان شاء الله في الحاق اقدر اقدم على البعثه او يبيلي اقدم من بدايه السنه القادمه
لانه على ماسمعت ان بدايه الدراسه في امريكا في فبراير

واعذروني على كثرة الاسئله بس والله لو مو محتاج كل الاسئلة ماسالت اصلا

تكفون بلييييييييييييييييييييييييييييييييز
قال صلى الله عليه وسلم: من فرج عن مسلم كربه من كرب الدنيا فرج الله عنه كربه من كرب يوم القيامه.... (فيما معنى الحديث)
الله يسعد ويوفق ويفرج هم اللي يرد علي دنيا واخره
ويعطيه كل اللي يتمناه
ويعطيه حتى يرضيه

انا في انتظار ردكم

حياتي قبل تحياتي

الله يوفقك اخوك ويسرلك اموووورك يارب العالمين

والله الموضوع كله سهالة من رب العالمين .. وخلي الأخ عبدالعزيز يساعدك :)

بالتوفيق يارب

:kitty:

تسلمو لي

والله يسعدكم
ويوفقكم

على الخاص ما يمديني الا بعد 30 مشاركه
اوصل 30 وارسلك في اقرب وقت

الله يسعدكم كلكم

ياعبدالعزيز يعطيك العافيه
بس انت ماجوبتني على الاسئله وش الفايده اذا جبتلي قبول ومافي الحاق بالبعثه
تكفون ردو علي

أخي العزيز ،،
نسبتكـ تأهلكـ للإنضمام للبعثه ،، في ناس أقل منكـ إلتحقو في البعثه بعد اشهر قليله من دراستهم هنا
لكن لو جينا للنظام اللي تقول عنه الملحقيه ،، هو إنهاء 30 ساعه من البكالريوس ،،
يعني تدرس على حسابك مدة اللغه وكمان سنه تقريبآ وبعدين تنضم للبعثه ،، << هذا نظام الملحقيه
لكن نظام ملحقية (و) إلي هي الواسطه ،، راح تنظم من أول شهر ،،
وأعرف كثيرين إنضمو قبل اسابيع بس ،، لأن عندهم واسطه ،، وكان إنظمامهم في اقل من شهر
عشان كذا إذا عندك أحد تعرفه في الملحقيه ،، أو أحد يعرف أحد في الملحقيه ،، أو احد يعرف أحد يعرف احد في الملحقيه << زودتها
فتأكد إنك راح تنظم ،، ولسى كلنا أمل لأخواننا اللي على حسابهم الخاص ــ إنهم يسمعون خبر يفرحهم ،، يااااارب

ودائمآ تذكر ان الله هو من يجب أن تستعين به
تحياتي ،،

مشكور اخوي خالد

لكن للاسف ماعندي واسطه ولا احد يعرف واسطه ولا احد يعرف احد يعرف واسطه
بس على اللي سمعته انك اذا درست لغة وقدمت على الالحاق في غضون 3شهور اكثر اقل المهم تقريبا يضمونك بالبعثه
بدون واسطه
هل هذا الكلام صحيح
وانا مالي الا الله
والله ييسرها من عنده علي وعلى غيري
في انتظار ردك

الله يوفقك ان شاء الله