الأعضاء الإشتراك و التسجيل

الملتقيات
ADs

السكن مع عائلة امريكية : Homestay with American Family.

السكن مع عائلة امريكية : Homestay with American Family.


NOTICE

تنبيه: هذا الموضوع قديم. تم طرحه قبل 1993 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية fsoh
    fsoh

    Banned

    fsoh الولايات المتحدة الأمريكية

    fsoh , ذكر. Banned. من الولايات المتحدة الأمريكية , مبتعث فى الولايات المتحدة الأمريكية , تخصصى الطب , بجامعة University of Massachusetts
    • University of Massachusetts
    • الطب
    • ذكر
    • Boston, ماساتشوستس
    • الولايات المتحدة الأمريكية
    • Dec 2009
    المزيدl

    January 17th, 2010, 04:19 PM

    بسم الله الرحمن الرحيم


    السكن مع عائلة امريكية : Homestay with American Family. "

    هذي بعض الموقع + بعض النصائح ومعلومات عامة عن السكن مع عائلة من سلبيات و ايجابيات

    اولا ابي انبه كل طالب عن هذي المعلومة

    في اكثر من معهد يوفر لك سكن مع عائلة ولكن الانتباه و الحذر

    السالفة ان اذا طلب الطالب سكن مع عائلة مكتب الطلبة الى يوفر السكن لطالب ياخذ 300دولار + 600دولار سكن العائلة المجموع = 900دولار


    مبلغ جداّ غالي سكن العائلة المتوسط 500 الى 1200 دولار بس السعر المعقول هو 650دولار

    يعني انتبهو من هذي النقطة: اذا تبون سكن عن طريق معهدكم اسألوهم في معاهد تسوي زي هذي الطريقة وفي معاهد ماتسوي فقط تدفع placement الى هو التنسيب حق اتعابهم لبحث عن السكن 150 او 250 دولار وخلاص تلقاء سكن ويكون الدفع لراعي السكن مو تدفع للمكتب


    واتا اشوف ان استخدام المواقع الى اتوفر السكن عن طريق النت افضل بمليون مرة من المعاهد الى توفر السكن وتاخذ عليك مبلغ كثير وفية مواقع كثيرة توفر السكن مع عائلة ودفع placement مرة وحدة يعني تدفع لهم 150 او 200 دولار وخلاص يبحثون لك عن سكن وخلاص تصير تدفع لصاحب السكن



    مواقع لسكن مع عائلة في امريكا:





    :
    :
    :

    هذي الشركة توفر سكن في اي مكان:


    :
    :
    :
    موقع لسكن مع عائلة في مدينةsan diego كالفورنيا


    الأسعار تبدا من 650دولار وانت طالع بس السعر المعقول 650دولار-700دولار مع وجبتين في اليوم عشان+ الغداء عليك انتّ
    http://www.sandiegohomestay.com/


    اذا صار إي مشكلة أو مااعجبك السكن تقدر تكلمة أو ترسلة رسالة على الأميل وراح يغير السكن هذا اميل الشركة

    (تم حذف الإيميل لأن عرضه مخالف لشروط المنتدى)

    phone: 858-457-1322
    fax 858-452-0615

    عنوان المكتب: San Diego Homestay

    6117 Wolfstar Court
    San Diego, CA 92122 طبعا هذا الموقع لسكن فقط في ساندييغو ويغطي من جهت لاهويا الى الداون تاون وشوي عند النورث

    :
    :
    :

    :

    كالفورنيا: هذا للبحث عن عائلة في ولاية كالفورنيا كااملة
    http://www.fshsandiego.com/

    :
    :
    :
    :
    :


    هذا موقع للبحث عن سكن مع عائلة امريكا او كندا

    فقط اختر الدولة ثم الولاية ثم المدينة وراح تجد عوائل حاطه سعر السكن والعنوان والصور الخ وتقدر تكتب عن نفسك عمرك وابي سكن سعرة كذا وفي مدينة الخ..


    :
    :
    :
    :
    :


    :
    :
    :




    تختلف الشركات بأخذ placement و هو مبلغ 150 او 250 دولار طبعا الدفع مرة وحدة فقط وهذي 150 دولار فقط لشركة بحكم إنهم يبحثون لك عن السكن.




    اول خطوة الدخول على الموقع

    ثانيا: تعبية اللابلكيشن الاسم والعمر والخ... بعدين ترسلها من نفس الموقع راح يرد عليك يقول ادفع لنا placement رسوم التنسيب وهي زي ماذكرت فوق من 150 الى 250 دولار

    وبعد الدفع راح يردون لك خبر على الايمل بكل التفاصل العنوان والخ.. وتاخذ تقريبا 30 يوم

    الدفع يكون عن طريق الفيزا او الماستر على حسب الموقع

    يوجد خدمة : Airport pickup

    اذا تبي الشركة يستقبلونك اول ماتوصل تعطيهم رقم الرحلة والوقت والتاريخ وتدفع لهم على مااعتقد 50 دولار وراح يستقبلونك في المطار طريقة الأستقبال يكون شخص من الشركة متواجد في المطار ويمسك بيدة لوحة ورقية مكتوب فيها اسمك طبعا معرفة الطريقة هذي واكيد كثير سمع فيها
    عندك حل ثاني اذا ماتبي تدفع لهم تقدر تكلم اي واحد من المطار ويعطيك ارقام التكاسي وراح يجيك التكسي إلى المطار اتوقع راح ياخذ عليك 20 دولار بس اهم شي يكون معك العنوان كامل+ كود المنطقة واسم الشارع ورقم البيت الخ.

    هل السكن مع عائلة أفضل من السكن في شقة؟

    :
    :
    :
    :
    :

    السكن مع عائلة يكون أفضل خصوصا لطلبة الجدد

    يفتك من التعب والقلق النفسي من بحث عن الأسواق أو المعلومات أو اي شي كان العائلة راح تساعدك في جميع الأشياء الى محتاجها مثل اذا تبي تسأل عن الباص أو طريق المعهد أو الجامعة

    وفي الحقيقة العائلة مطالبة في مساعدة الطالب خصوصاَ في الأسابيع الأولى توصلك الى معهدك في اول يوم وتعطيك معلومات عن وسائلة المواصلات القطار أو الباص رقم الباص الى يجب إن تركبة للعودة إلى البيت طبعا الى عندة اصدقاء او شخص يعرفة هذا حالة ثانية يقدر ياخذ جميع المعلومات منهم.



    ماهي اجابيات وسلبيات السكن مع عائلة؟


    الإيجابيات: يرتاح من دفع الفواتير الكهرباء + المياة

    تقوية وممارسة اللغة ... ((طبعا تختلف)) في عوائل تسولف وفي عوائل على طول براء طبعا انت وحظك.

    السلبيات :ماتاخذ راحتك في البيت.
    لاتستخدم الموية كثير اذا طلعت من غرفتك طفي النور نظف الحمام لاتترك شي على الأرض لو شافو شي على الارض وساخة أو موية في الحمام راح يتكلمون

    طبعا تختلف من عائلة الى عائلة
    يعني باختصار ممكن ماتاخذ راحتك في البيت

    مهم

    الانتباه من الأكل و نظافته و طرق تحضيره


    ماهي النصائح أو ماهي الأشياء التي يجب علي إن افعلها عن الوصول إلى العائلة؟


    عند الوصول بالسلامة إن شاء لله طبعا وقتها تعباَ واكيد تحتاج لراحة نام

    اليوم الثاني اول تبداء في رسم خطة لتفادي المشاكل ولحفظ حقق عند الحدوث شي مايعجب الطرفين

    اول شي شوف المكان اذا اعجبك وكل شي تمام ونطيف كذا تمام الخطوة الثانية وهي اهم خطوة اشرح لهم انك ماتاكل لحم الخنزير ولا اي زيت"oil" من مشتقات الخنزير طبعا الخنير" pork"

    واهم شي نظافة الأكل قول لهم أهم شي الأكل يكون نظيف جدا سواء كان عن النظافة أو على تاريخ الصلاحية

    انا اشوف هذا اهم شي..
    العوائل حبوبين ويعطونك الى تبي بس اهم شي اعرف ويش الاشياء الى مايحبونها مثل عندك النظافة عدم التأخر عن البيت ((مع العلم في كثير من العوائل يعطونك مفتاح وتجي متى تبي)
    بس كل عائلة ولها نظامها

    على العموم اغلب العوائل مايبون الا الفلوس تدفع لهم وبس غير كذا مايهمهم اذا تبي تسولف معهم لاتفكر انهم بيجونك او بيجلسون 24 ساعة في البيت في عوائل براء طول اليوم في الشغل وفي عوائل 24 ساعة في البيت زي العجائز


    كل شي إن شاء لله راح يمشي تمام بس انتو امشو على الخطوات الى عطيتكم وان شاء كل شي ok

    في حالة عدم وجود موقع لولايتك
    طبعا تقدر تكتب ولايتك او مدينتك في محركة البحث قوقل www.google.com
    وتكتب مثلاَ homestay with a family in Los Angeles

    وبكذا راح يطلع لك مواقع البحث
    بس افضل طريقة تحديد المدينة والأتصال بــ اي شخص لتزويدك بأفضل شركة على الانترنيت توفر سكن.

    حسب آخر الإحصائيات توفر العوائل المستضيفة احتازت إستراليا على المركز الأول تليها كند ثم أمريكا ثم اليابان ثم بريطانيا ثم نيوزيلندا المسجلين في المواقع التي سلف ذكرها .

    و نسأل الله التوفيق لنا و لكم ..
  2. الله يجزاك الجنه انت وجميع المسلمين

    والله كنت شايل هم السكن مع عايله انا بروح ولايه فيها قريب لي لكن افكر اني اسكن عند عايله او 4 شهور عشان

    اللغه عندي ضعيفه وبعدها بروح اسكن مع قريبي في سكن خاص خارج الجامعه


    طبعن كل الناس تمدح السكن عند عايله متقاعده يعني كبار بالسن عشان تشوفهم 24 ساعه
    7 "
  3. والله ياشباب انا الصراحه جربت هذا وجربت سكن مع روميت في سكن الجامعه ...


    بس والله ياخي ما تاخذ راحتك في الغرفه انت تبي تنام تبي تقفل علي اغراضك تبي تروح وتجي على راحتك ...


    والله الحين الحمدلله خذت لي غرفه لحالي في سكن الجامعه ومرتاح انام على راحتي وكل شي مرتاح فيه الحمدلله


    بس والله في ناس ماترتاح مع روميت في الغرفه مثلي

    بالتوفيق للكل
    7 "
  4. المشاركة الأصلية كتبت بواسطة BLACK MOON
    والله ياشباب انا الصراحه جربت هذا وجربت سكن مع روميت في سكن الجامعه ...


    بس والله ياخي ما تاخذ راحتك في الغرفه انت تبي تنام تبي تقفل علي اغراضك تبي تروح وتجي على راحتك ...


    والله الحين الحمدلله خذت لي غرفه لحالي في سكن الجامعه ومرتاح انام على راحتي وكل شي مرتاح فيه الحمدلله


    بس والله في ناس ماترتاح مع روميت في الغرفه مثلي

    بالتوفيق للكل



    لكن اخوي العائلة مناسبه للناس اللى ماتعرف انجليزي كثير


    يعني اول 4 شهور عند عايله وبعدها نروح سكن خاص او بالجامعه
    7 "

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.