الأعضاء الإشتراك و التسجيل

الملتقيات
ADs

استفسار كيف آخذ موعد بالسفاره فالظهران وكيف اسدد

استفسار كيف آخذ موعد بالسفاره فالظهران وكيف اسدد


NOTICE

تنبيه: هذا الموضوع قديم. تم طرحه قبل 2880 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية سعود السبيعي
    سعود السبيعي

    مبتعث مستجد Freshman Member

    سعود السبيعي الولايات المتحدة الأمريكية

    سعود السبيعي , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى chemical engineering , بجامعة NONE
    • NONE
    • chemical engineering
    • ذكر
    • NONE, indiana
    • السعودية
    • Aug 2009
    المزيدl

    January 30th, 2010, 02:40 AM

    تسديد
    مرفوض
    ال آي20

    السلام عليكم

    عام 2006 تم رفضي من قبل السفاره لسبب انني اخذت موعد وتمت مقابلتي لكن ما كان معي قبول ولا i20 بس كان الضمان المالي

    حاليا انا جمعت حوالي 120 ألف ريال بعد تعب شديد شديد شديد من القهر لانهم رفضوني ولان الوزاره عام 2005 لم تكن منظمه مثل الان ما علينا اللي راح راح والله المعوض
    ابطلع على حسابي ولكن المشكله عندي ابي اتأكد كيف ادفع للسفاره السيفيس ؟؟ يعني الطريقه بالتفصيل وكذلك الدفع لبنك سامبا
    وكيف آخذ موعد من السفاره فالظهران ؟

    وهل أقدر أقدم على موعد قبل يجي ال i20 ؟؟ او القبول بالاصح عشان حيالله ما كسبت الوقت

    وكم يأخذ وقت من تقديم طلب موعد الى الموعد نفسه؟

    اي نصائح أخرى لا نستغني وجزاكم الله خير ساعدو أخوكم الطالب للعلم لرفع علم بلاده والانتفاع بالعلم وتعليمه
  2. المشاركة الأصلية كتبت بواسطة % RAED %
    اخوي الله يوفقك
    انصحك بان تروح لمكتب خاص تدفعله فلوس ويضبطلك الموعد ويدفع السيفس وبنك سامبا انا سويت كذا
    بلامكتب خاص بلا بطيخ

    انا في الخبر قريب من عندك

    وابشر بالمساعدة الي تبيها

    عموما اجابة للأستفساراتك يالغالي
    1- يمكنك طلب موعد بالسفارة بدون دفع السيفس وبدون أيتوني
    ولاكن لاتروح السفارة للمقابلة الا ومعك وصل الأيتوني ووصل الدفع
    2- الدفع بالبنك سامبا 498 ريال تدخل على البنك نفسه وتاخذ رقم للصرافة وتروح للموظف وتقوله ابي ادفع حق السفارة الأمريكية وبيعطيك ورقة واملأ البيانات فيها وخلك مجهز الجواز معك واكتب اسمك مثل ماهو مكتوب بالجواز + رقم الجواز

    3- اقرب مواعيد للسفارة من 3 إلى 4 شهور

    4- يمكن اخذ موعد للسفارة عن طريق التسجيل بموقع السفارة ! من هنا
    http://ksa.us-visaservices.com/Forms/default.aspx

    وخلك مجهز فيزا او ماستر كارد لانهم ياخذون مبلغ مالي تقريبا 45 ريال

    5- " مهم " باللنسبة للشهادة البنكية
    بالشهادة البنكية لازم يكون مكتوب بالمقدمة
    For: saad hamad khald هذا يعني ( للسيد / سعد حمد خالد ) هذا مثال طبعا حط اسمك هنا مثل ماهو مكتوب بالجواز
    من ثم تحتها بالسطر الثاني مباشرة ..
    TO : University of Wyoming هذا يعني إلى جامعة ويومنج ( طبعا انت حط اسم الجامعة الي تبي تسجل فيها )
    والله يوفقك ويسهل امرك يارب
    لاتنسانا من الدعاء
    7 "
  3. رائد
    يعطيك العافيه على المشاركه والنصحيه مأخوذه بعين الاعتبار لكن المكاتب خذو حقهم مني عام 2005 /2006 ..

    أبو سعود
    الله يكتب لك في كل خطوه سلامه ويوفقك حيث ما توجه ما قصرت وانا يا ابوي أعمل فالجبيل وناوي عليهم عليهم

    - يمكنك طلب موعد بالسفارة بدون دفع السيفس وبدون أيتوني
    تقصد يابو سعود ان فالطلب حق الموعد على الموقع ما يطلب مني لا رقم أيتوني ولا رقم يخص السيفيس وبذلك يمكن اكتمال الطلب بدونهما ؟؟
    وخلك مجهز فيزا او ماستر كارد لانهم ياخذون مبلغ مالي تقريبا 45 ريال
    تقصد انو فالسفاره نفسها او موقع السيفيس؟ وهل بطاقة الراجحي الصراف تغني او لابد استخرج فيزا كارد؟
    وهل عند دفع السيفس ينفع اسدد ببطاقة الصراف الراجحي على الموقع؟
    - " مهم " باللنسبة للشهادة البنكية
    طال عمرك هل الشهاده البنكيه عليها مترتبات مثلا لا قدر الله مارحت يحجز المبلغ وهل هي تعني بأن اضع مبلغ فالحساب او حساب كاقلني كوالدي واطلب من البنك شهاده بنكيه؟

    الصوره الشخصيه اللي على الموقع وايضا عند الذهاب للسفاره اللي فهمته لابد تكون 5 في 5 وخلفيه بيضاء هل هذا صحيح ؟

    سؤال اخير الله يحفظك انا عندي فالشهاده المترجمه الثانويه اسمي نفس الجواز لكن الاختلاف فأسم العائله جاي فالاخير مثلا
    فالجواز
    alsubaie , saud
    فالشهاده المترجمه
    saud alsubaie
    هل عليها اي اشكاليه سواء فالسفاره او الجامعه او المعهد

    يابو سعود ادري كثرت عليك لكن اللي صار لي من عدم تفهم وعدم تفهيمي من الوزاره ضيع علي خمس سنوات من عمري وانا أتمنى أن أكون طالب علم يحقق حلمه ...
    مع ارق التحيات واعذبها

    ---------
    غدير

    شكرا على المشاركه ولو عندك نصائح لا تبخلي علينا
    7 "
  4. المشاركة الأصلية كتبت بواسطة سعود السبيعي

    تقصد يابو سعود ان فالطلب حق الموعد على الموقع ما يطلب مني لا رقم أيتوني ولا رقم يخص السيفيس وبذلك يمكن اكتمال الطلب بدونهما ؟؟
    اي نعم
    " يمكنك حجز موعد من خلال الانترنت بموقع السفارة قبل الحصول على الأيتوني وقبل دفع السيفيس "
    المشاركة الأصلية كتبت بواسطة سعود السبيعي

    تقصد انو فالسفاره نفسها او موقع السيفيس؟ وهل بطاقة الراجحي الصراف تغني او لابد استخرج فيزا كارد؟
    وهل عند دفع السيفس ينفع اسدد ببطاقة الصراف الراجحي على الموقع؟
    الفيزا او الماستر كارد تحتاجها فقط في دفع الرسوم حق الموعد + السيفيس عن طريق الأنترنت
    اما عن سؤالك بخصوص بطاقة الصراف للبنك الراجحي فهي بطاقة صراف وليست فيزا !
    يمكنك الحصول على بطاقة ماستر كارد ( مسبقة الدفع ) من البنك الأهلي ويشترط وجود حساب لديك بالبنك على ماعتقد
    ولا اعلم ان كان بنك الراجحي يعطي بطاقة ماستر كارد مسبقة الدفع
    توضيح : مسبقة الدفع , يعني مثل الشحن اذا تبي تسوي معاملة بـ 500 ريال تروح للصراف الألي وتسوي تحويل لها بـ 500 ريال وتخلص شغلك بها

    المشاركة الأصلية كتبت بواسطة سعود السبيعي
    - " مهم " باللنسبة للشهادة البنكية
    طال عمرك هل الشهاده البنكيه عليها مترتبات مثلا لا قدر الله مارحت يحجز المبلغ وهل هي تعني بأن اضع مبلغ فالحساب او حساب كاقلني كوالدي واطلب من البنك شهاده بنكيه؟

    مجرد شهادة بنكية وليس حجر بنكي !
    غالبا مايكون مكتوب فيها بلأنجليزي على سبيل المثال
    السيد / **** **** **** ****
    عميل لدينا حساب جاري رقم ********
    يوجد لديه بالحساب مبلغ * * * * * **ريال
    من عام 00/00/0000
    ولاتنسى التعليمات الي ذكرتها لك فوق
    For :
    To:

    المشاركة الأصلية كتبت بواسطة سعود السبيعي
    الصوره الشخصيه اللي على الموقع وايضا عند الذهاب للسفاره اللي فهمته لابد تكون 5 في 5 وخلفيه بيضاء هل هذا صحيح ؟
    اي نعم صحيح وحذاري من ان تكون الصورة معدلة بالفوتوشوب او مضاف عليها أي مؤثرات من قبل الأستوديو
    المشاركة الأصلية كتبت بواسطة سعود السبيعي
    سؤال اخير الله يحفظك انا عندي فالشهاده المترجمه الثانويه اسمي نفس الجواز لكن الاختلاف فأسم العائله جاي فالاخير مثلا
    فالجواز
    alsubaie , saud
    فالشهاده المترجمه
    saud alsubaie
    هل عليها اي اشكاليه سواء فالسفاره او الجامعه او المعهد

    يابو سعود ادري كثرت عليك لكن اللي صار لي من عدم تفهم وعدم تفهيمي من الوزاره ضيع علي خمس سنوات من عمري وانا أتمنى أن أكون طالب علم يحقق حلمه ...
    مع ارق التحيات واعذبها
    شف الصراحه لو عندي هالخطأ بالشهادة رحت وعدلته للأحتياط عشان تصير اموري كلها " ضوء أخضر " وبالسليم ولا اصير خايف ولا اعطل اموري لو دقرولي على خطأ مثل ذا

    فلذللك نصيحتي روح عدل الخطأ
    وبادلك من وين تعدله
    تعرف مستوصف المواساة الي بالعدامه ( الدمام ) ؟
    مقابلة بالضبط إدارة القبول والأختبارات حق وزارة التعليم
    لما تدخل بتلاقي مبنيين ادخل المبنى الي على اليمين وارقى للدور الثاني وأول مكتب على اليسار ادخله بتلاقي مكاتب وعلمهم بالمشكلة وبيعدلوها لك إن شاءالله
    7 "
  5. المشاركة الأصلية كتبت بواسطة سعود السبيعي
    ابو سعود

    اقتباس من احد المواضيع
    (الي تدفعيه اول شي المبلغ حق الموعد في السفارة 45 ريال)
    ؟؟؟؟؟؟؟؟
    وايضا على الابلكيشن الجديد لابدمن الايتوني عشان اكمل الطلب واخذ موعد
    يعطيك العافيه
    اعيد واكرر يمكنك حجز موعد بدون دفع الأيتوني
    ولاكن لاتروح للسفارة الا ومعك كل الأوراق , الأيتوني وووصل السداد بسامبا ووصل دفع السيفس إلخ ....

    المشكلة هي بان البعض يتأخر لين يلاقي قبول معهد ولين يصدر الأيتوني يمكن تاخذ من شهر إلى شهرين ولما يجيب كل حاجه يروح يحجز موعد بالسفارة ويعطونه اقل شيء من 3 إلى 4 شهور !!
    فليه ؟ ماتختصر الوقت وتسوي موعد وتبحث عن قبول معهد بنفس الوقت !
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.