إستفسار عن University of Tennessee
الله لا يهينكم أبي المساعده
أنا تخرج من جامعة الملك سعود كلية إدارة الأعمال من حوالي 7 شهور
معدلي 2.28 ومشكلتي مع معدلي سببلي أزمه نفسيه لا وظيفه تبيني ولا قبول قادر احصله والله يكتب إلي فيه خير وصالح
قررت أمسح ملفي الأسود (السجل الأكاديمي) بالماستر والله ييسر
وبحثت عن قبول أغلب المكاتب رفضت تجيب لي قبول جامعة بسبب المعدل يقولون مستحيل لا تتعب نفسك
حصلت مكتب قالي بجيبلك قبول في جامعة University of Tennessee في ولاية Tennessee لأنه ماخذ وكاله للجامعة
وأتوقع الكلية في مدينة CHATTANOOGA- TENNESSEE
قالي بيجيب لي قبول في قسم المحاسبة أو في إدارة الأعمال
بس ودي أسأل هل الجامعة معترف فيها علشان أقدم أوراقي للملحقية
وما هي عيوب هذي الولاية وميزاتها وهل المعيشه فيها رخيصه او غاليه خاصه إني بدرس على حسابي لين الله يكتب لنا الإلتحاق للبعثه
والمشكلة إن مالي خيار ثاني
أتمنى من عنده خبره يفيدني
وبالتوفيق للجميع
رد: إستفسار عن University of Tennessee
نعم عزيزي معترف فيها بناء على رابط وزارة التعليم العالي
http://ru.mohe.gov.sa/univ.aspx?uc=s...rtid=0&stid=-1
بالتوفيق لك عزيزي .....
رد: إستفسار عن University of Tennessee
اقتباس:
المشاركة الأصلية كتبت بواسطة Bandar_VIP
الله لا يهينك يا أخ بندر
مدري هل في أحد يعرف عن الولايه شي
هل صحيح قسم المحاسبه قسم إدارة الأعمال في فرع الجامعه في مدينة CHATTANOOGA
وهل المعهد التابع للجامعه كويس
عندي إستفسار بالنسبة لمعهد الجامعة نظام الدراسه الترم الواحد 10 أسابيع وبين ترم وترم إجازه شهر تقريبا لأني أشوف شهر إجازه كثير وخاصه إن الواحد مغترب يبي يحاول ينهي هدفه بأقل وقت
وش رايكم بطريقته أو أشوف لي معهد خاص كل ترم شهر أو شهر ونص
أتمنى من الأخوان المساعده
وبالتوفيق للجميع
