سؤال ضرووووري عن فيزة امريكا !!

السلام عليكم ..

يا جماعة انا اخدت الفيزا البريطانيه دراسه قبل 3 ايام .. وسفري على لندن ان شالله بعد 20 يوم .. لكن بعد اسبوع عندي موعد مع السفارة الامريكية في الرياض على اساس اخد فيزا سياحة .. بس عندي كم سؤال الله يعطيكم العافيه ..

1 - انا خايف اني ارو،ح للرياض ويقولولي خلي الجواز عندنا ولمن يخلص نكلمك .. لان دراستي تبدآ في بريطانيا على اول شهر 3 .. يعني لو خليت الجواز عندهم ماقدر اسافر .. ولا هما يعطوني الجواز ويقولولي تعال اليوم الفلاني ؟؟

2 - اذا مثلا قلتلهم عندي دراسة في بريطانيا يقولولي خد الجواز ولا يقولوا احنا مالنا دخل ؟؟

تسلموا يا شباب .. الله يخليكم ابغى اجابات صحيحه ..

يا جمااااعة مافي احد عنده جوااب ..؟؟؟؟؟؟؟؟؟؟

انا في الانتظار لو سمحتوا

أكيد أخوي السفاره الأميركية راح تاخذ الجواز وبيكون عندهم بس هي مساله حظ وتوفيق يعني ماقدر اقولك كم المده اللي راح تقعد لما توصل لك الـتأشيره لأنها تعتمد على القنصل اللي بيسالك هو اللي يحدد كم بتقعد لين تتطلع التأشيره ....
بس غالبا بحدود 12 يوم ان ماكنت 8 ايام بس أنت أستخر بين بريطانيا وامريكا وحدد انت وش ناوي وحط احتمالات لكل شي يمكن يتاخر جوازك ولاتلحق على بريطانيا بس نصيحه لاتعلم القنصل انك متردد بين بريطانيا وامريكا لأن هالشي بيدخلك متاهات أنت بغنى عنها
تمنياتي لك بالتوفيق.....

تسلم حبيبي سعود .. لكن الظاهر انت فهمتني غلط ..
انا مو محتار بين بريطانيا وامريكا ..
انا مسافر بريطانيا في تاريخ ١ مارش عشان الدراسه .. لكن مقابلتي مع السفارة الامريكيه لاستخراج فيزا سياحة ..

يعني انا اصلا خلاص مقرر دراستي في بريطانيا بس ابغى فيزا سياحيه لامريكا .. واخدنا موعد انا واهلي مع السفارة للمقابله .. بس اللي خايف منه ياخدو الجواز وتروح عليا رحلة بريطانيا في ١ مارش ..

ان شالله تكون فهمت علي وتفيدني حبيبي ..

اهلين أخوووي فهمت عليك اللحين ...
بصراحه انا اشوف انها مغامره لان يمكن جوازك راح يطول بالسفاره سواء كنت بتدرس او سياحه لدرجه واحد هنا بالمنتدى جلس ينتظر جوازه بحدود الشهرين ... وكانت سياحه على فكره..
مادري بقولك فكره اسال عنها تقدر تقدم على فيزا اميركا من خلال سفاره اميركا ببريطانيا ولا لأ ..لأن هالفكره بتريح راسك مره ...

تسلم حبيبي الله يعطيك العافيه على التجاوب السريع ..
والله ما قصرت ..
الله يستر لان اهلي رايحين الاسبوع الجي على الرياض .. شكلي ما حروح معاهم خلاص اشوف اقدم من بريطانيا او في اي اجازه طويله ارجع جدة واقدم للعام القادم ..

تسلملي اخ سعود