شرح المقابلة في السفراة الامريكية

انا كانت مقابلتي في السفاره الرياض يوم 24 فبراير يعني صار لي اسبوع من سويت المقابله

وماشاء الله كل شي مشى اوكي
والمقابله بصراحه كانت سهله ومافيه اي تعقيدات وماطلبوا مني غير الجواز و الصفحه الي فيها الباكورد من نموذج 160 و وطلبوا مني اوقع على جوازي بما انه جديد وتوني مجددته و كمان طلبوامني وصل السامبا وصوره من الاي توني فقط لا غير وكل الاوراق الي وديتهم ملف كامل ماطلبوا منه ولا شي
والتعقيدات الي سمعت عنها من الي في المنتدى بالسفاره مالها اي وجود

كنت رايحه وانا خايفه وبطني يعورني من الخرعه من كثر ماخرعوني العالم
بس الحمد الله الامور عدت


والحين انا بانتظار الفيزا تطلع وربي يسهل لي ولكم


يعطيك العافيه اخوي على المعلومات

انا حبيت انقل تجربتي فقط لاغير

طيب ياشباب
سمعت واحد يقول لا رحت السفارة إلبس ثوب وشماغ ورسم راح يحترمونكـ أكثر

أحد سوى هذى الحركة أو شاف أحد معه في نفس يوم المقابلة لابس الزي السعودي الرسمي
لأنها حركة حلوه
هههههههههههههههههههههه
والكل راح يشوفكــ ( أتوقع راح يهتمون أكثر )
بس ماودي أسويها وتجي فوق راسي
أحد جرب ياشباب

8
8
موعدي في السفاره كان 1-3 مارس
الإثنين اللي راح في الرياض
وكان موعدي الساعه 7 ونص
جينا انا واخوي على الوقت وكنا اول ناس حتى رقمنا كان 1
واخوي كان مرسم ولابس شماغ ومشخص
واللي سوا لنا المقابله حيل محترم
حتى انه شافني واقفه جنب اخوي مره قالي لي لاتخافين انا انسان مثل مااخوفك
ورفع كوب القهوه حقيته وقالي بضحكه شوفي حتى اشرب قهوه
كان يتكلم عربي اكثر من الانجليزي
وبعد مااخلانا نبصم وكل شئ قال انتظرو خمس دقايق للمقابله
وفعلا يعد خمس دقايق قابلنا أمريكي اشقر
وبدا بأخوي وصار يسأله أسئله كثيره
أولها :
ايش اخترت تخصصك ؟
اخوي جاوبه تجاره الكترونيه
قال له ليه اخترت هالتخصص .؟
هنا اخوي سوا نفسه فاهم وقال له ابغى اتعلم عن علوم الحاسبات وووو
والمشكله اخوي اختار التخصص وهو مو عارف عنه شئ
بعدين اسئله متى تخرجت من الثانوي ؟
قاله اخوي تقريباً 2002 قال له بعد التخرج ايش سويت
قال اخوي كملت الجامعه
رد عليه وقال خلصتها ولا تركتها
قال لا خلصتها
وقال له بعد التخرج ايش سويت ؟
اخوي قال بهدوء ولا شئ جالس
هنا الأمريكي قال بصدمه ماتسوي شئ جالس
اخوي حس بغلطته وقال بهدوء والحمدلله انه قدر يسيطر على الموقف وقال لا اشتغلت مع الوالد
قال الامريكي بعد ماارتاح طيب الوالد ايش يشتغل ؟
رد اخوي رجل أعمال
رجع واسئله رجل اعمال في ايش يعني ؟
جاوب اخوي مقاولات
قال له بناء يعني ؟؟رد عليه اخوي وقال ايوه
اخيراً قال انت بتدرس على حساب مين ؟
رد اخوي على حسابي
قال معك المبلغ اللي يكفي مصاريف الدراسه ؟
رد اخوي ايوه
قال منين لك الفلوس ؟
ررد اخوي من الوالد
قال طيب عطني كشف حساب لك في البنك ؟
اخوي قال له انا مامعي كشف حساب معي شهاده بنكيه
بالبدايه قال لا لازم كشف حساب وبعدين قال له خلاص هات الكشف
لما اعطاه اخوي الكشف لف علي وسألني ايش تخصصك وعلى حساب مين ؟
انا قلته مبتعثه من الدوله وعطيته اللي يثبت ذلك وبس
وبالأخير ابتسم لنا وقال فيزتان مقبولتان وطلب منا نروح لفيديكس ونحط رقمنا واسامينا عنده عشان يرسلونها
وقال خلال اسبوعين راح توصل لكم ..



عذراً على الاطاله بس حبيت انبهكم انه ممكن يسأل اشياء تكون مو مستعد لها
مع ان الاسئله عاديه بس مع هذا لازم تبين واثق من نفسك
اخوي كان يكلمه وهو واثق ماشاء الله حتى انا انصدمت منه
والحمدلله عدت الأمور على خير



وبالتوفيق جميعاً
وعذراأ مره اخرى على الاطاله ..

بما أن أخوكـ راح مرسم
راح نرسم
كنت أدور أحد راح بس على شان ما أكون الأول
لكن إذ في قبلي ناس فراح أكون واحد منهم

تحياتي لكـ ولأخيكـ ولجميع الأعضاء ،،

يعطيك العافيه اخوي ما قصرت