الله يجزاكم خير افيدوني

السلام عليكم ورحمة الله وبركاته

اخوني المبتعثين انا عندي استفسرات بسيطه واتمنى انا تساعدوني فيها ولكم مني كل الشكر والدعاء....

انا ابي اكون مبتعث لكن المشكله ان دراجتي جدا متدنيه وشهادتي ثنوي بعدل 79% وقدرات 65 ولم اختبر تحصلي
ولم تقبلني الجامعة بالسعوديه بتخصص مطلوب وماعندي (وسيط) الا الله , كان مفتوح لي المجال بعدة تخصصات لكن ليسة مرغوبه وليس لها مستقبل , والحمد لله انا احبه العلم ولله الحمد تلعمت الانجليزي من نفسي وتعلمت كثير من مجال البرمجه من النت ولازلت ادرسها .
وابي اعرف يا اخواني كيف ابتعث ؟
يعني ابي بتفصيل وابي معلومات اكيده ؟ زي الضمان المالي هل هو لازم يكون عندي ضمان مالي ؟
وبنسبة لاضمان المالي انا سمعت ان فيه مكاتب تسوي لك ضمان مالي ومادري كيف .... مافهمته بصوره واضحه ؟
والفيزا هل فيزة طالب وكيف اطلعها وكم تكلف ... ابي افهما صوة واضحه ؟
وهل استطيع ان احول على الدوله بعد الدراسه ... ابي افهم بشكل كاامل ؟
وكم تكلف الدراسه كلها ؟ يعني مثلا بطلع على ثلاث شهور على مكاتب سفر وسياحه وثم احول على الدوله ... ابي افهم بصوه واضحه ؟
يعني ابي افهم خطوط بخطوه وجميع التكاليف والشروط و.... كل شي ؟

ولكم مني كل الشكر المقدر والدعاء الخالص .

.((اتمنى وصلت لكم طلبي بصورة واضحه )).

شوف يكن تقدر تروح على حسابك وبعدين تلتحق

اول شي اختبر توفل

ولازم تجيب لك ضمان مالي يعني اقل شي 80 الف ريال

خلي اي احد يحط بحسابك هالمبلغ وطلع شهادة بنكية

وترجم شهادتك بمكتب ترجمة معتمد وجهز الاوراق الي كاتبين عنها في المنتدى

وراسل الجامعات بنفسك.. دام تقول عندك انقلش كويس .. وفر على نفسك مصاريف المكاتب وراسل الجامعات

طبعا راسل جامعات كثير وشوف الي تقبلك بهالمعدل

اذا وصلك قبول مبدئي سوي سكان لاوراقك وارسلها لهم ايميل

وبيطلبون منك مبلغ عشان يرسلون لك قبولك المعتمد على المملكة

اما مصاريف كل جامعه تختلف عن الثانية وتلاقيها مكتوبة بالمواقع

طبعا تاكد ان الجامعه معترف فيها

بعد ماتاخذ القبول تروح تحجز موعد بموقع السفارة ب45 ريال وتعبي الابليكيشن حقهم وتدفع السفس وتجهز اوراقك وتروح تسوي المقابلة

بياخذون جوازك وبعد فترة بيرجعونه مطبوع عليه الفيزا

بطلع على ثلاث شهور على مكاتب سفر وسياحه وثم احول على الدوله ... ابي افهم بصوه واضحه ؟
يعني ابي افهم خطوط بخطوه وجميع التكاليف والشروط و.... كل شي ؟


والله ماادري ايش تقصد بهالسؤال .. وترا لو تصفحت المنتدى مابتحتاج تسال عن اي شي

يعطيك الف عاافيه اخوي ما قصرت كفيت ووفيت يكفي ردك شامل وهذا المطلوب
الله يجزاك خير ويعطيك العافيه لك ولوالديك

بس اخوي سؤال اخير الله لايحرمنك من الجنه ؟
الضمان المالي احط فيه 80 الف ريال وبعد ما اطلع الشهاده البنكيه
اشيل الملبغ من الحساب ولا يكون ثابت البملغ بالحساب ؟
وكيف اعرف الجامعات المعتمده ؟

اذا طلعت شهادة بنكية تقدر تجيب لك فيه قبول حتى لو شلت الفلوس من الحساب

بس بعدين راح تدفع لهم على حسب نظام الجامعة

والجامعت المعتمدة تلاقيها في موقع الوزارة

http://ru.mohe.gov.sa/

سوي بحث على الجامعة وبتطلع لك اذا معترف فيها ولالا ..واذا موقفه ولالا.. وشوف التخصص حقك معترف فيه فيها ولا لا

على فكرة انا بنت

بالتوفيق

الف الف الف شكرا ويعطيك الف عاافيه ماقصرتي والله

لول:heh:

سوري والله ما شفت حتى الاسم مركز بالرد على العموم اكرر اسفي

لكي الشكر مني والدعاء