الأعضاء الإشتراك و التسجيل

الملتقيات
ADs

شرح البطاقات الإئتمانية ( الفيزا والماستر كارد) مالك وماعليك نصائح مهمه ..

شرح البطاقات الإئتمانية ( الفيزا والماستر كارد) مالك وماعليك نصائح مهمه ..


NOTICE

تنبيه: هذا الموضوع قديم. تم طرحه قبل 1942 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية DeLcAtE
    DeLcAtE

    مبتعث مستجد Freshman Member

    DeLcAtE الولايات المتحدة الأمريكية

    DeLcAtE , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة جامعة واشنطن
    • جامعة واشنطن
    • ادارة اعمال
    • ذكر
    • سياتل, الرياض
    • السعودية
    • Mar 2010
    المزيدl

    April 4th, 2010, 02:45 PM

    =========>> والله يا هو وسيم ماشاء الله

    أسعد الله مسائكم بكل خير وصحة وأدام الله علينا وعليكم نعمة الإسلام .

    إخواني وأخواتي الطلبة الكرام دفعني لكتابة هذا الموضوع حينما كنت أتناقش مع احد الطلبة في إحدى الولايات الامريكيه حيث انه يجهل تماما طريقه استخدام الفيزا وطريقة الاستفادة منها بشكل كامل . لذلك أحببت إن انقل لكم خبرتي في مجال البطاقات بحكم أنني كنت اعمل في احد المصارف في السعودية ولدي خبرة جيده في هذا المجال .
    =========> > > قام يتنحنح عشان بيبدا يحتسي بالعامية عشان تفهمون علي .
    الموضوع ياجماعه هو كالتالي أول شيء وش هي الفيزا والماستر كارد.
    طبعا الفيزا والماستر كارد هي بطاقات إئتمانيه يعني انها تحتوي على رصيد بداخلها وتسمح لحاملها بالسحب منها بأي وقت يرغب بنسبه فائدة محدده متفق عليها مع العميل . طبعا الرصيد اللي في البطاقة يعرف بأسم ( الحد الائتماني) ومافيه مبلغ محدد هذا يرجع للجهة المصدرة للفيزا يعني مفتوح.
    بالنسبة للشهرة بين الفيزا والماستر كلها تؤدي نفس الغرض لكن الموضوع صاير شهره فقط يعني الماستر كارد مشهورة في اوربا وبريطانيا تحديدا والفيزا في أمريكا يعني مثل اللي يشجع نادي مانشستر يونايتد واللي يشجع برشلونة فقط.

    الفائدة من البطاقة الائتمانيه ( الفيزا والماستر ) :
    طبعا اول فائدة انك تقدر تستخدمها عن طريق الانترنت لشراء الإغراض من أي مكان بالعالم وبأمان تام مع ملاحظه الابتعاد عن المواقع المشبوهه .
    ثاني فائدة انها تريحك من حمل الكاش معاك وخصوصا في الدول المتقدمه وقليله الامان زي أمريكا يعني بدال ما تشيل معاك 1000 دولار عشان تشتري تلفزيون تأخذ البطاقه وانتهت السالفه .
    ثالث فائده : يوجد بعض الفنادق ومحلات تأجير السيارات ما يأجرونك الا بالفيزا او الماستر لانها افضل طريقه يقدرون يامنون على سياراتهم او غرفهم . وفي نفس الوقت تقدر تحجز من الانترنت في أي مكان بالعالم عن طريق الفيزا . بمجرد إدخال رقم البطاقة .
    رابع فائده : وهذي تقريبا اهم وحده فيها واللي اكثر الناس مايدرون عنها هي التأمين على المشتريات والحياه يعني مثلا انا محاكيكم فكرت اروح مثلا لأمريكا سياحة وحيت لمكتب السفر والسياحه وحجزت وقصيتا لتذكره عن طريق بطاقه الفيزا تدرون انك على طول تدخل في مجال تأمين على الأغراض حقتك وتأمين على حياتك !! بصراحه شيء مميز.
    طبعا في ناس بتقول طيب وش استفيد انا بقول لك وش تستفيد.. تستفيد الله يسلمك لو معاك مثلا تلفزيون وحقين الشحن الله يطول بعمرهم كسرو لك هالتلفزيون وانت قاص التذكره عن طريق البطاقة الائتمانيه بس اتصل على الفيزا وبلغهم ويعوضونك عنه بكل سهوله .
    حاجه ثانيه لو لا قدر الله صار حادث جوي وجاتك اصابه فيه تعويضات قد تصل إلى 250.000 ريال وهذا الشيء عشانك قصيت التذكره عن طريق البطاقه . (( يعني بأختصار تأمين على الحياه والمشتريات )) .
    خامس فائده : هي الله يسلمكم ويطول اعماركم العروض المقدمه من شركة الفيزا العالميه والجهة المصدرة للبطاقة يعني كل فتره تلاقي جاي لك عالبريد عروض تخفيضيه مره مميزه قد تصل إلى 70% وهذا بشكل مميز لحاملي بطاقة الفيزا او الماستر ...

    اشياء يجب الحذر منها عند استخدام البطاقة الائتمانيه مهم جدا ) :
    اول حاجة وقبل أي شيء لما تقدم على طلب فيزا في نفس الطلب تلاقون مربع صغير اسمه حمايه الرصيد هذا طبعا موظفين البنوك مايتكلمون عنه لانه من صالح البنك وضد العميل . هذا لازم تأشرون عليه انكم تحتاجون الاشتراك في برنامج حمايه الرصيد والفايده من هذا البرنامج هو انه لو لا قدر الله صار وفاه لحامل البطاقه والبطاقه مطلوب عليها مبلغ 15000 ريال اذا اختار حمايه الرصيد تسقط عنه ولا يطالب الورثه فيها واذا ما اشترك صار البنك يطالب الورثه وطبعا عليها رسم بسيط جدا لايذكر واكثر الناس طبعا تغفل عن الشيء هذا .

    ثاني حاجه اللي هي بيانات البطاقه حاول انها تكون غير واضحه للأشخاص من حولك. يعني رقم البطاقه واهم شيء الثلاث ارقام في ظهر البطاقه لان لو أي شخص عرفها يقدر يسحب منها بكل سهوله .وهذا تحذير مهم يجب علينا الانتباه له .
    ثالث حاجه : في حالة فقدان البطاقه يجب على الشخص فورا الاتصال على الهاتف المجاني للجهة المصدره للبطاقة وايقافها فورا طبعا ايقاف مؤقت حتى يتأكد انه لقاها ويتصل ويشغلها لا يقول بدور عليها اول وبعدين اذا مالقيتها بوقفها .. طبعا ممكن في هالفتره يستخدمها أي شخص ويستغل المبلغ اللي فيها ..
    رابع حاجه ان البطاقه جدا جدا جدا جدا مفيده في امريكا بشكل رهيب لان الناس هنا راقيه ولا يخلونك تستخدم البطاقه في المشتريات الا بعد التأكد من هويتك وهذا شيء مطمن بالمره مو مثلنا في السعوديه اقرب صيدليه وساحب ام الرصيد ولا احد يدري والرقابه ضايعه ..

    طبعا فيه انواع من البطاقات الائتمانيه يكون فيها حاجه اسمها نقاط ولما تجمع نقاط تقدر تستبدلها اما بتذاكر سفر او اجهزه او هدايا اخرى ومادام انت في دوله راقيه مثل امريكا يعني ممكن تستخدم البطاقه في أي مكان لا اوصيكم في البطاقه استخدموها لو بمبلغ بسيط مثل دولار وراح تلاقون اخر السنه عندكم نقاط اقل شيء تبدلونها في اشياء حلوه تستفيدون منها في امريكا .
    ملاحظه اخيره :- ممنوع دوليا ومن شركة الفيزا والماستر كارد وامريكان اكسبريس واكثر شركات البطاقات الائتمانيه اخذ عموله على المشتريات يعني لما تجي تشتري نقاط البيع يقول لك البايع ترا بناخذ عليك عموله طبعا لازم ترفض لان هذا ممنوع دوليا وتقدم بشكوى لمصدر البطاقه الخاصه بك. اما السحب النقدر ترا فيه عموله متفاوته بين 25 ريال إلى 45 ريال أو النسبه 3.5% ايهما اكثر . وايضا انصح بعدم استخدامها بالسحب الكاش فقط نقاط بيع افضل .

    وأي استفسار انا حاضر واسف على الاطاله تعبت والله وانا اكتب
    تقبلو تحياتي وفائق احترامي ، ، ، ،
  2. هلا أخوي ،، الله يعطيكـ العافيه على الموضوع الحلو ،،
    المستر كارد معي وفعلآ مريحه ،، وتغنيكـ عن أشياء كثيرهـ ،،
    لكن ودي أسألكـ عن بطاقة (مسبقة الدفع) من البنكـ الأهلي ،، وهي بطاقة مستر كارد بالضبط
    لكن مسبقة الدفع ،، أشوف الشباب يمدحون فيها مرهـ ،،
    وش رأيكـ فيها ؟؟
    وشكرى لكـ
    7 "
  3. بالنسبه للبطاقه اللي من البنك الأهلي ياغالي لازم انت تحط فيها رصيد وطبعا هي هل بديل للناس اللي مايقدرون يطلعون البطاقة اللي فيها رصيد من الاصل .

    وكلها تعطيك نفس المميزات بس الفرق ان الاهلي لازم تشحن والثانيه يكون فيها حد ائتماني جاهز .
    7 "


  4. معلومآت رآئعه الله يعطيك آلف عآفيه ..

    بس لو سمحت عندي سؤال حول هذه النقطه ..؟

    لان الناس هنا راقيه ولا يخلونك تستخدم البطاقه في المشتريات الا بعد التأكد من هويتك

    المصدر: http://www.mbt3th.us/vb/forum127/thread171445.html#ixzz0k9Ww1rBj
    حفاظاً على حقوق الكاتب نرجو عدم حذف المصدر مبتعث

    ماذا تقصد بالهوية ..؟
    بطاقة الاحوال المدنيه هل احتاجها في امريكا ام ماهي الهويه التي تقصدهآ واذا قلت الجواز فليس من المعقول ان احمل جوازي في كل مكان اتسوق فيه ارجو الاجابة وتقبل تواضع سؤالي ..

    7 "
  5. DeLcAtE

    يعطيك العافية وماقصرت وبما انك لك خبرة فى المصارف ايش رأيك
    التحويلات من بنك الى اخر مثلا من الاهلى الى بنك اوف امريكا والعكس
    وبطريقة الاون لاين ويقولوا الاخوان اللى فى امريكا ان بطاقة صراف
    بنك اوف امريكا تقوم مقام الفيزا والمستر كارد فى امريكا .
    7 "
  6. دنيا الغلا

    حياك الله اختي اسعدني مرورك ويشرفني انه حققت لك لو استفاده بسيطه

    ريم المدينه

    ههههههههههه ليه معصبه يالغاليه روقي اعصابك
    البطاقه فيها فؤائد كثير لكن المشكله ايش بالضبط.
    البطاقة عليها عموله في التأخير بالسداد وتؤخذ بشكل شهري وهي عاليه نوعا ما
    والغلط هو ان الواحد يطلع البطاقه ويشوف الحد الائتماني حقها مزبوط ويشوف هذاك اللاب توب اللي لونه بنك ولا احمر ومايقاوم وبعدين يتأخر شهر وشوي مايدري الا هو عليه عمولات بدون مايدري . لكن لو انه استخدمها وسدد اول بأول صدقيني بيعرف الفايده منها ايش .وانا حاضر لو عندك اي استفسار يا خيتي


    optimistic lass

    اسعدني مرورك اختي وجميله انك تستخدمين البطاقه وتستفيدين من المميزات حقتها .

    تحياتي لك


    احساس عاشق

    ياعزيزي الغالي بطاقة الاحوال السعوديه ما يعترف بها هويه لك.
    يا اما بطاقة الطالب او الجواز السعودي اذا تشيله وياك او صورة من الجواز مصدقه من الملحقيه يعني اي هويه يشوفون فيها خشتك او يكون مثلا في بطاقتك صورتك ويحق لك تحط الصوره حقتك في البطاقه الائتمانيه.لان ماراح اصلا يخلونك تستخدمها بدون هويه لو ايش لان الاجراءات القانونيه في امريكا مره متشددين فيها وانت عارف لو مثلا تفقد بطاقتك ويروح الشخص اللي يلقاها ويستخدمها في محل عام وتجي تقدم شكوى ويطلع بالفعل ماهو انت اللي مستخدمها ...؟؟
    باختصااااااااااااااااااااااااااااااااار
    اقول لك بتصير مليونير لانك بتقدم شكوى وتطالب بتعويض وتعرف التعويضات في امريكا وبالتوفيق لك ياغالي .
    الجرولى

    شوف ياحبيب قلبي بعطيك الحل الافضل.
    بالنسبه للتحويل من البنك الاهلي او غيره من البنوك السعوديه كلها تقدر تحول عن طريق الاون لاين. طبعا كل شيء بحقه وبرسوم عاليه صراحه.
    لكن لو انت تحول مثلا بشكل دوري يعني كل فتره تحول انا انصحك تطلع بطاقة ائتمانيه من البنك الاهلي وتصير تودع في البطاقه حقتك وبكذا تستفيد انك تستخدم نفس المبلغ اللي بتحوله بدون البنك مايستفيد لان بصراحه البنك حط في بالك طالع ماكل ونازل ماكل يعني زي المنشار راح يستفيد منك بأكثر شيء يقدر عليه.. دايم خلك اذكى منهم..
    وبالنسبه لبطاقه بنك او امريكا انا ما انصح انك تستخدمها فيزا يعني اول مايخلص رصيدك وقف لان ما حطو هالخدمه عشان سواد عيونك يا حبيبي.. وبالتوفيق لك.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.