الحصول على موافقه من التعليم العالي
اتمنى احد يفيدني في الشروط ومتطلبات الحصول على الموافقه للتعلم في الخارج على الحساب الخاص
وهل يتطلب وجودي في الرياض شخصياً او فيه امكانيه ان ينوب عني احد الاقارب المتواجدين في الرياض
ارجوا افادتي من اصحاب الخبره وشكرا
افيدكم علماُ اني اجريت كامل اجراءات السفر ولم يتقبى لي غير تذاكر السفر يعني عندي i20 وقبول جامعه وفيزا وكل شي
رد: الحصول على موافقه من التعليم العالي
حبيبي عندك واسطه تمشي ماعندك وسكه خذلك كذب من انتضر لين مايشيب الراس
رد: الحصول على موافقه من التعليم العالي
>>>>>>>>>>>>>>>>>>>>>>>>>>>>
رد: الحصول على موافقه من التعليم العالي
منذ أكثر من سنتين تم الغاء شرط أخد موافقة الدراسة على الحساب الخاص من وزارة التعليم العالي, وأصبح المعمول به هو ان يأخد الطالب الموافقة بعد مباشرته في بلد الدراسة. ولايحتاج الى اي تواصل مسبق مع الملحقية.
بالأحرى فقط فتح ملف طالب دارس على حسابه الخاص في الملحقية, وهذا هو الموافقة.
أخينا الي فوق (الرماني), يتبين من رده انه مريض بشيء اسمه الواسطة.
بالتوفيق
رد: الحصول على موافقه من التعليم العالي
حبيبي كان هذا الكلام قبل 4 شهور انا رجعتهم الاربعاء الي طاف كان اخر يوم للالحاق تجري ايش الشروط الجديده ان يدرس الطالب 30 ساعه جامعيه يعني بعد سنه وهو يدرس على حسابه ولا يقبلون سعاة المعهد الي درسه بس الجامعه
مدري ليش كل هاذ التعقيد ليه هم يبدفعون من جيبهم شي كله على حساب الملك عبدالله الله يطول عمره ويخليه
رد: الحصول على موافقه من التعليم العالي
افا وش ذا الخبر ياالرماني ؟؟؟؟؟؟؟ وش الي ادرس سنه وما سنه ؟؟؟؟؟؟؟؟؟؟؟ الله يرحم والديك علمني وش السالفة انا خلاص بطلع بعد شهر وحاط في بالي اني انقبل في البعثة بعد 3 شهور على حسابي الخاص الحين اسمع الدعوة فيها سنه انت متأكد ولا كيف ؟؟؟؟
رد: الحصول على موافقه من التعليم العالي
اقتباس:
المشاركة الأصلية كتبت بواسطة الرماني
حبيبي كان هذا الكلام قبل 4 شهور انا رجعتهم الاربعاء الي طاف كان اخر يوم للالحاق تجري ايش الشروط الجديده ان يدرس الطالب 30 ساعه جامعيه يعني بعد سنه وهو يدرس على حسابه ولا يقبلون سعاة المعهد الي درسه بس الجامعه
مدري ليش كل هاذ التعقيد ليه هم يبدفعون من جيبهم شي كله على حساب الملك عبدالله الله يطول عمره ويخليه
تمنيت لو أنك تمعنت في سؤال الرجل:
"اتمنى احد يفيدني في الشروط ومتطلبات الحصول على الموافقه للتعلم في الخارج على الحساب الخاص"
الرجل لم يسأل عن موضوع الألحاق نهائياً. ولو سأل فأن معلوماتك غير دقيقة, ولازالت الملحقية ترفع اوراق الدارسين على حسابهم الخاص خلال 3 الى 6 شهور شريطة ان يكون معدلهم في الثانوية فوق 80 و حصولهم على قبول أكاديمي (حتى لو مشروط) وأن يكونوا منتظيم وحسني السلوك في المعهد او الجامعة المنتظمين فيها.
رد: الحصول على موافقه من التعليم العالي
لوسمحت اخوي سلطان : ما معنى قبول مشروط وقبول غير مشروط
رد: الحصول على موافقه من التعليم العالي
اشكر الكل على ردودهم المفيده وخصوصا الاستاذ سلطان
رد: الحصول على موافقه من التعليم العالي
بالتوفيق خلاص ماباقيلك شي