حوار تجربه ضروريه في حياتي بس صعببببببببببببببببببببه مره

اسعد الله اوقاتك بكل خير وصحه اختي الغاليه

اول شيء الله يشفيك ويعافيك ويرجعك لأهلك ووطنك بالسلامه وعقبال مانسمع منك الاخبار الطيبه عزيزتي .
ثاني شيء شفائك موجود بيد الله واكثري من الدعاء خصوصا الاجواء حلوه في امريكا ولا تنسين الدعوه وقت المطر هذي شيء ثاني وفيها خير كثير . واكتسبي الفرصه انك تلقين لك خلوة مع ربك .

عزيزتي بالنسبه للأسئله حقتك يشرفني اجاوب لك عليها بأجتهاد وانشاء الله تلاقين فيها ظالتك .
بالنسبه للحجاب لازم تعرفين حاجه مهمه ان الله في السماء وليس في السعوديه فقط لان اللي خلاك تتحجبين في السعوديه ماهو العادات والتقاليد اللي خلاك تتحجبين هو خوفك من الله وخشيتك .. فلا تدعي لأي شخص ان يغير نظرتك للحجاب بالعكس امريكا زي السعوديه ماعليك من كلام الناس في هذا الشيء ولا تكوني زي اللي يركبون الطياره متوشحين السواد ولما يشارفون على الوصول يتخلون عن حجابهم .(( الله يهدي الجميع ))
بالنسبه للحجاب في امريكا شيء عادي جدا وفيه كثير ناس اعرفهم متحجبات تماما فيه منهم بنات يستخدمون النقاب وفيه منهم يستخدمون حاجه ملونه ومايطلع الا عيونهم وشكله حلو احسن من العبايه السوداء وفي نفس الوقت ساتر وبالاضافه إلى جاكيت او بالطو طويل اتوقع هذا بحد ذاته كافي عزيزتي ..

بالنسبه للسؤال الثاني المتعلق بالتعايش .

التعايش بالنسبه لي في امريكا جدا رائع وممتع ولكن وتحتها الف خط انك تتحلين بالاخلاق اللي تعلمناها من الاسلام وتعكسين صوره حلوه لوطنك ودينك ..وترا الشعب الامريكي مرررررره ودود وحبوب وشعب يقدر الصداقه يعني ارسمي الابتسامه تكسبين الكثير من الاصدقاء خصوصا في امريكا بعكس البلدان العربيه بمجرد رسم الابتسامه لشخص تتفسر بأكثر من تفسير الله يعلم وحده معناها .

بالنسبه لتعلم اللغه ياعزيزتي.. كالتالي .

لما انشاء الله توصلي بالسلامه وتعرفين مكان علاجك (( الله يعافيك ويشفيك )) ابحثي عن معهد لغه يكون قريب لك وابدي معاهم وراح يعملون لك اختبار قياس اللغه وبعد كذا يتم تحديد المستوى المناسب لك وتلتحقين بالدوره المناسبه لك ويتحسن ادائك مع ممارسه اللغه في كل مكان تكونين فيه يعني لما تكوني في المول ولا السوبر ماركت ولا المطعم وحتى المستشفى ايضا حاولي تمارسي اللغه وخلي اخر الحلول اللجوء للترجمه عن طريق الاشخاص الاخرين .


واتمنى منك تشرفيني وتزوري هالمواضيع المتواضعه لي واتمنى انك تجدين فيها الفايده

http://www.mbt3th.us/vb/forum8/thread174556.html

http://www.mbt3th.us/vb/forum8/thread172933.html

http://www.mbt3th.us/vb/forum8/thread173195.html

http://www.mbt3th.us/vb/forum8/thread170078-2.html


وأي استفسار انا حاضر وانشاء الله الاخوان والاخوات هينا ماراح يقصرون معاك بشيء
كل الود والتوفيق لك في دينك ودنياك وتقبلي فائق التحيه والتقدير ، ،

الله يشفيك ويعافيك .. ويشفي جميع مرضى المسلميـــــن ~

اخوي الي في الاعلى .. افادك

والله يوفق الجميع

سماهــــر .. قدامك العافيـــــة وما تشوفين شر

بالنسبة للحجاب فصلت عبايات بألوان مختلفة ( بني - بيج - بترولي - اخضر زيتوني ) والنقاب اخترت البيج والسكري

النقاب إلي يجي بمطاط من ورا أكيد عرفتيه؟

هذا أفضل حل عشان اللون الأســـــود ملفت للأنتبــــــاه

اللغة إن شاء الله تكون عليك سهلة و تتعلمينها في وقت قياسي

الله يقومك بالسلامة وماتشوفين شر ..

تحيتي أختك ع ـــــاطلة

قدامك العافية وانشاء الله تستفيدين

جزاكم الله خير
بالتوفيق

مرحبا اختي العزيزه سماهر

هههههههههههههههههه بصراحه اعجبني ردك و كان سبب في ابتسامتي عليه

عزيزتي بالنسبه للأبتسامه انا معاك ماتكون ظاهره للعيان وهذا شيء طبيعي .. لكن انا بقول لك نقطه .
ابتسامتك تستخدمينها مع زميلاتك الاجنبيات ...
ابتسامتك تستخدمينها في حوارك مع معلمتك في المعهد واكيد هي راح تسمعها مو شرط تشوفها وايضا ممكن تشوف عيونك الصغار لما تضحكين ولا تبتسمين (( )) .
وعلى فكره ترا الابتسامه ممكن يحس فيها الواحد من سماعة التلفون مو شرط يشوفها ..
وفيه ابتسامه تكون داخل القلب بدون مايكون فيها تعبير على الوجه .

وانا ارحب بالحوار معك بأي وقت كان وتقبلي فائق التحيه والتقدير ، ، ،