استفسار فرحة لكن مع علامة إستفهام؟؟؟؟

ول ول

الله يهديك بس يا اوروتشيمارو ساما

لا تفهمني غلط يرحم والديك

تفاعلي مع ردك ما كان عصبية وانا اخوك
كان فجعه

بالعكس وربي انا بجد اشكرك على ردك
يكفيني يا طويل العمر انك رديت علي

هذا دليل انك تبغى تساعد باللي تقدر عليه
معقوله اعصب على اللي يبغى الفايدة لي؟؟؟؟
لا واللة
الا بالعكس انا أشكرك
بس هي كانت فجعه من الإجراءات
مو عصبية عليك

الله يعطيك العافية ويوجهلك الخير وين ما تكون ويسهل لك كل صعب

وعلى فكرة
جيرايا ساما أحسن واحد

الله يسعدك ويوفقك على نصايحك

طيب لو رحت وطلعت I-20 خاص فيني
كيف راح يكون وضع قرار الإبتعاث؟
هل راح يعطوني قرار ابتعاث منفصل عن زوجتي إللي انا المرافق حقها؟
وكيف راح يكون وضع امر الإركاب ؟

والله ياخي أحس لخبطه

تصدق اني عارف انك منت معصب عليا !!!

بس معصب ومتوتر من الي صاير .. وحتى لو تلاحظ اني عدلت الرد حقي مره وحده .. ولا يهمك ياطيب ... الله ييسرلك امورك

قرار ابتعاث للمبتعث فقط .. حلو !

والمرافق ماله قرار ابتعاث .. وانت زيي بالضبط .. انا مرافق لزوجتي .. بحول الله وقوته ..

بس انت روح ألغي الـ I-20 حق زوجتك وخليهم يرسلو واحد جديد لها لوحدها .. وانت كمان واحد جديد لك ..

ومن جد احمد ربك انه جاتك هذي الفيزا كذه .. بس ترى مهي لعب بزوره .. يعني لازم تضغط على المكتب .. بشكل خيالي .. وتقله عشان يطمنك .. انه لمن تتم الموافقه لك ولزوجتك .. انه المكتب يرسلو لك صوره من الـ I-20 الجديده على الايميل حقك ليطمئن قلبك .. وانتبه للأسامي حقتكم زين ..

المكتب راح يقلك جيب لنا شهاده بنكيه عشان المعهد يقبل وا وا وا .. قلهم بلى خرابيط بلى كلام فاضي .. ارسلو لهم ورقه انه الوزاره متكفله بمصاريف المرافق .. وهذا حصل معايا ورب الكعبه .. بس اللهم اني جبت شهاده بنكيه عشان السفاره ..

اما المعهد اكتفى بورقه من المكتب .. ارسلت لهم .. بلي قلته لك فوق ..

وراح يجيب الرد خلال .. بحول الله وقوته اسبوع ... واسبوع ونص .. يوصلك الـ I-20 الاصلي ..

بس خلك ذيب وانت ذيب ان شاء الله .. داوم عند المكتب .. ولو احتجت اي خدمه .. كلمني .. ولو على الخاص ..

واوروتشي ساما .. المجرم الافضل على الاطلاق ..

وسلامتك ياطيب

الله يعطيك العافية اوروتشيمارو
بس برضو السؤال
هل يجيني قرار ابتعاث منفصل عن زوجتي؟
علما بأني ما أقدر أجيب شهادة بنكية أبدا أبدا أبدا
الظروف للاسف ما تسمح
مع اني حاولت حتى اتسلف لكن مافي امل

الف الف مبروك والله وناسة ماشالله اتمنى مرافقي تجيه فيزاF1<<<لانه تعبت معاه كتيييييير
ترا الدنيا حظوظ وبالتوفيق يارب

اتوقع ان القنصليه مااخطاااااااااااااات لان صديقتي مرافقها طالع بفيزا f2ومدتها5سنواااااااااااات وكذالك له رقم سيفيس خااااص به ....بس عنددي استفسااااااااااااااااااار جاء بريد من دار الهجره بامريكااااااا ماادري وش يبووون احد صار له هالشي
وانصحك اخووي انك تراجع السفاااااااااااره لان هذي امريكاااااااااا مو اي دوله حي الله واذا فيه اخطااء يعدولنها افضل ماتسكت وبكرا يحققون معك في مطااار وعلوووووووم ثااااااااااانيه مجرد نصيحه لك ...

اول شي وانا اخوك ابغاك تفهم حاجه وحده .. المبتعثون فقط يصدر لهم قرار ابتعاث .. ويكون موجود به .. اسم المرافق فقط

اذا انت المرافق .. فمالك قرار ابتعاث .. اسمك بيكون موجود داخل القرار فقط ..

القرار فقط للمبتعثين ..

بالنسبه للشهاده البنكيه .. ماعليك .. مو قلنا خلاص .. انت كذه خلصت من السفاره .. من عند رب العالمين ..

الان لو قدرت تجيب الشهاده البنكيه .. عشان خاطر .. فقط قبول المعهد بيكون شي طيب .. واذا ماقدرت انا قلت لك من البدايه

خلك سنع .. وحاول بالطيب مع المكتب عشان يرسل للمعهد ورقه وحده افادتها انه الوزاره تتكفل بمصروف المرافق .. ويكون رسمي

لاني انا شفته بـ أم عيني .. يعني قدام عيني .. شفت هذي الورقه .. بعيني .. لمن رحت للمكتب عشان اكلمه في الاجراءات ..

والحمد لله تيسرت معانا وان شاء الله تتيسر معاك ..

بس الان ابغى شي واحد منك .. روح شيك على الفيزا حقتك .. وشوف ايش مكتوب عليها ..

اية مدينه واية ولايه ؟؟؟

اذا نفس المعهد الي رايحله انت وزوجتك .. او الي معاك .. فـ خلاص امورك تمام ومايحتاج ترجع للسفاره خلاص .. روح جيب قبول جديد .. بـ I-20 جديد .. في نفس المعهد .. اذا تبغاه .. وخلاص .. توكل سافر وانت مرتاح ..

لا تعقدها .. فـ تتعقد عليك ..

وبالتوفيق للجميع

قلت لك من اول راسل المعهد واطلب I-20 جديد لأن الامريكان ما يلعبوا والاخطاء واردة من السفارة ..

وادارك الوضع الآن عشان ما يعطلوكم في المطار وتدخلوا في مشاكل كنت في غنى عنها ..

وافضل تراسلهم بنفسك اسرع من المكتب أنا جاني I-20 خلال 3 أيام ..

بالتوفيق ..

ماراح أزيد على الأخوان ماقصروا

لكن أهم شئ والأسااااااااااس لما تطلب الآي توني الجديد سواء لك أو لزوجتك يكون بنفس رقم السيفيس الظاهر بالتأشيرة أنتبه يكون الرقم مختلف هذي أهم نقطه وكمان شيك على اسم المعهد والمدينه اذا نفس اللي في تأشيرة زوجتك

والله يوفقك ويسهل أمرك ياااااارب

الله يعطيك العافية
طيب ايش رايك ارسل طلب قرار الابتعاث بالآي توني القديم عشان اكون مرافق وبعدها أكلم المكتب يراسل المعهد بخصوص الآي توني الجديد؟؟؟؟