حوار بعد اسبوع رحلتي لامريكا سانديقو الملابس والسياره

بالنسبة للملابس خذ الشي اللي ترتاح فيه..
غالبا الجينزات والتيشرتات اريح، ما بتحتاج بدلة رسمية الا في مناسبة رسمية فقط ،اذا ودك تاخذ ثوب لما يسوون ايام تعريفية عن الدول
بس خذ ملابس صيفي وشتوي ولا تكثر، يعتمد عالمكان اللي بتروح له كيف الجو هناك ، وعلى اساسه قرر
كاليفورنيا كولاية غالية طبعا..
الملابس برضه من محل للثاني يختلف .. بس بشكل عام اسعارها كويسه للمحلات العادية
ما يحتاج تثقل عفشك بالملابس خذ اللي يكفيك اول فترة لين تستقر بس،وخذ الاشياء اللي ما راح تلقاها هناك

بيني وبينك..هناك بتقى محلات الملابس احسن من هنا وبكثير

اما سؤال السيارة .. فللاسف ما بقدر افيدك

بالتوفيق

انا افضل انك تشتري من هناك عشان تشوف كيف طبيعة الجو وتاخذ اللي يناسبك
وبالتوفيق لك

يا عزيزي من واقع تجربة
خذ ملابس تكفيك شهر بس، واشتري كل الملابس من سان ديقو ترى الملابس في امريكا ارقى وارخص خاصة في الاوت لت.

وبالنسبة للسيارة، انسى فكرة انك تشحن سيارتك، ترى بتكلفك جمارك وشحن،وبشكل عام السيارات في امريكا ارخص من السعودية
وخاصة السيارات الامريكية، فاذا سيارتك جديدة بعها لان سعرها ما ينقص كثير واشتري من هنا (امريكا) سيارة..

اتمنى اني افدتك والله يوفقك.
هشام

اشكركم جميعا والله يوفق الجميع