اخطط لإكمال دراستي في امريكا على حسابي الخاص اي نصيحة منكم!

السلام عليكم
في الواقع انا عضوة جديدة في المنتدى
جذبني التعاون الموجود ومشاركة المعلومات بسخاء بين الأعضاء
ستكون هذة اول مشاركة لي
.................
في الوقت الحالي اخطط لإكمال دراستي في امريكا وعلى وجة التحديد في كاليفورنيا
وسأذهب للدراسة على حسابي الخاص ومن ثم سألتحق بالبعثة
وانا لدي جواز امريكي
اردت ان استفسر ماهي الاشياء التي ابدأ بالعمل عليها؟؟
وكم سيكلفني ذلك؟
وهل اطلب مساعدة مكتب متخصص؟؟
اتمنى انكم ماتبخلون بنصائحكم علي كعادتكم
اي نصيحة ممكن تفيدني ياليت تقدمونها لي.
شاكرة لكم

هلا اختي ندى

اول شيء الله يوفقك يا رب في اللي تتمنينه
ثاني شيء انا راح اقول اللي اعرفه وان شاء الله الاعضاء ما يقصرون معاك
حلو انك قررتي تكون في كاليفورنيا
بقى عليك تشوفين المدن اللي هناك وين تبين تكونين فيها من بعد ما تلقين المدينه ابحثي عن الجامعات اللي فيها وشوفي هي تناسبك من ناحية تخصصك ومستواها التعليمي والا لا
طبعا هذا اللي بتسوينه كبحث مبدئي
وما انصحك في المكاتب اللي تجيب قبول لانهم نكبات
وترى احسن شيء تسوينه انك تدورين بنفسك انا قعدت 3 شهور بس عشان الاقي جامعه ومكان يناسبني
وادخلي قلبي مواضيع المنتدى كله صدقيني بتلاقين اجابات لاسئلتك من مواضيع سابقة

وتحياتي لك

شكرآ اخوي عبدالله
بصراحة انا ناوية بالتحديد في سان دييغو والجامعة بعد محددتها بس ابي مكتب يخلص لي الإجرائات الصعبة
مثل يجيب لي القبول والسكن ويضمن لي الالتحاق بالملحقية باسرع وقت ممكن...
مافي احد يخبر مكتب في الخبر او الشرقية ؟؟

وليش مكتب

بتقولين لغتي ضعيفه ؟؟؟ الله يخلي العمـ قوقل
اختي راسلي الجامعه وصدقيني بتلاقينهم متحمسين معاك
اذا خلصتي من الجامعه السكن جدا سهل واتوقع لااخوان اللي هناك ما راح يقصرون معاك
والملحقيه ما يبيلها شيء
اول ما توصلين واشنطن تروحين للملحقيه تكملين اوراقك وتفتحين ملفك وتروحين لديرتك بالسلامه

والله المكاتب ما منها فايده واغلبها تقول لك حنا نجيب لك من الجامعات اللي متعاونين معاهم
والسكن بتلاقين مواقع كثيره تدلك عالسكن


تحياتي

يعني برايك سهل اني اجيب القبول من الجامعه
طيب انا عندي احد اقاربي هناك يدرس في الامعة اقدر اطلب منه يجيب لي القبول ولا لازم انا اراسلهم شخصيا
وانا صراحة ما اعرف ايش الاشياء المطلوبة يقولون لازم تفتحين لك ملف في وزارة التعليم العالي من الرياض وبعدين تراجعين مع الملحقية في واشنطن وشغلة يعني هالاشياء ماتسهلها المكاتب ؟؟؟

يعني انت تدرس على حسابك الخاص؟؟
ايش الإجرائات اللي سويتها من السعودية قبل لاتروح؟؟
وهل كنت حاط ميزانية محددة؟؟

السلام عليكم ..
اقدر لكم مجهودكم وتلطفكم بالرد ومحاولة مساعدتي
من خبرتكم .
احب اشكر الاخوان:muhannad_11
Rainbow
Abdullah.q
مشكورين ماقصرتوا على تعاونكم الله يجعله في ميزان حسناتكم
كان بودي ارد عليكم برسائل بس لاني مشتركة جديدة في المنتدى
مايسمح لي ارسل رسائل خاصة
:D
يعطيكم الف عافية

اختي في مكتب الأكاديمي الدولي .. له فرعين بالدمام والأحساء
ولهم موقع بالنت اطلعي عليه يفيدك.. يشرح لك وش الأمور اللي تريدينها "الدولة,التخصص,السكن,الوجبات,,الخ" ويعرض السعر
انا رحت لهم شخصيا وتعاملهم ممتاز ويخلص جميع الإجراءات اما ناحية يتواصل مع الملحقية ماعندي علم
لكن ما يوفر ماستر للأسف.

هذا موضوع ربما يفيدك قليل
المغتربين على حسابهم الخاص " سجل اسمك"

مشكوووور اخوي
وآثرت الرحيل
انشالله بكلمهم واشوف ايش مميزاتهم
يعطيك العافية

مشكوووور اخوي عنابي
ماقصرت عالمعلومات بصراحة شي مفييد
والله يوفق الجميع انشالله
:D