يأهل الخبرهـ استفسار بسييييييييييط
السلام عليكم ورحمه الله وبركاته
اخواني واخواتي يأهل الخبرهـ
عندي استفسار مهم
وحبيت استشيركم فيه
انا قررت الدراسه بامريكا وقدمت على قبول معهد وجامعه وراح يوصلني القبول بأذن الله بعد اسبوعين
والدراسه تبدأ بعد اربعين يوم تقريباً
وماحجزت موعد بالسفاره
المهم لقيت ايميل السفاره باحد المنتديات
وهذا هو بدأيه الايميل
riyadhniv
ودي احط الايميل بالكامل بس الاداره رافضه
المهم كلمته وقالي اشتر بطاقات كاش يو بقيمه 600 دولار وعطنا صوره جوازك ونسوي لك موعد بعد يومين
الزبده اني اتفقدت معه يوم الاثنين الساعه 8 بالمساء اعطيه ارقام البطاقات
وبعدها باربعه وعشرين ساعه يتصل علي ويحدد معي موعد للمقابله
قلت متى تكون المقابله قالي تقريباً بعدها بيومين
والتأشيره تكون معك بعد اسبوع بالضبط
صرحتاً انا ماني مصدق الي يقوله احسنه يكذب
اشوف الشباب بالمنتديات مواعدينهم بعد شهرين وثلاث اشهر وهذا يقولي بعد يومين
عاد انا قلت خلني بستفسر من الاخوان بالمنتدى وهم اهل الخبره
هل الايميل رسمي للسفاره الامريكيه
وهل المبلغ 600 دولار هو صحيح
وهل كلامه صحيح بخصوص الموعد ووقت استخراج الفيزا باسبوع فقط
وياليت تفيدوني باقرب وقت ممكن
رد: يأهل الخبرهـ استفسار بسييييييييييط
الله يهديك الشغله مايبغالها الا 200 دولار و45 ريال بس شراء الرقم التعريف وصحيح ترا المواعيد اذا لقيت بعد شهرين ممكن بعد 5 دقايق تحصل موعد في يوم يعني يبغالها واحد مسنتر على موقعهم 24 ساعه
رد: يأهل الخبرهـ استفسار بسييييييييييط
ترا وقت استخراج الفيزا يعتمد على المقابله والان سارت سهالات ولد عمتي وصلت له بعد اسبوع
رد: يأهل الخبرهـ استفسار بسييييييييييط
هذا الشخص نصاب ويبي يلهط فلوسك. روح موقع السفارة وسوي كل شيء بنفسك وترى مثل ماذكروا الأخوان الفيزة هالأيام صارت سهلة.
رد: يأهل الخبرهـ استفسار بسييييييييييط
والماستر كارد او الفيزا تقدر تطلعها من اي بنك تشحنها مسبقة الدفع من البنك الأهلي تشحن مثلا 758 ريال قيمة رسوم السيفيس+45 ريال شراء رقم التعريف المجموع اجمع انت
رد: يأهل الخبرهـ استفسار بسييييييييييط
يعني اسحب عليه اخليه يولي
والله اني شاك بوضعه وعلشان كذا حبيت استشيركم
على العموم يعطيكم العافيه طيب وش يضمن لي احصل موعد انا ابي خلال اسبوعين
لانكم عارفين باقي على موعد دراستي تقريباً اربعين يوم وهل يمديني وانا لازم اكون هناك قبل موعد الدراسه باسبوع على الاقل
رد: يأهل الخبرهـ استفسار بسييييييييييط
طيب ممكن تعطوني موقع السفاره الي فيه تحديث المواعيد
رد: يأهل الخبرهـ استفسار بسييييييييييط
شكلي بنجن
انتم تقولون كلامه مو صحيح
توني كلمت الرجال عن طريق الايميل
والرجال يقولي اذا تبي تأكد راح عند موقع السفاره تحصل الايميل موجود بالموقع
وهذا رابط رابط موقع السفاره الي فيه الايميل
وموضح على الايميل باللون الازرق
Contact Us - U.S. Embassy Riyadh, Saudi Arabia
وسالته بخصوص ان المبلغ كثير
قلت له الشباب مستخرجين الفيزا بما يقارب 800 ريال وانت تقول 600 دولار
قال الكلام هذا اول
هذا النظام الجديد 600 دولار عن طريق بطاقات كاش يو
رد: يأهل الخبرهـ استفسار بسييييييييييط
اخوي انا بكره بروح اسدد الفيزا لي هي 770 ريال سعودي 45 ريال سعودي موعد اذا سويت الطريقه ذي عبيت البلكيشين حق السفاره
تنتضر
رد: يأهل الخبرهـ استفسار بسييييييييييط
تنضره موعد بسس وين قبول الجامعه حقك اخوي لازم اقبول حق الجامعه لازم منه انتضر اقبول بعدهاااا قدام على فيزا
تحياتي لك اخي