اول طلب اطلبو من سيادتكم

السلام عليكم ورحمة الله وبركاته

والله اخوكم شوية متورط لكن عالعموم انا دارس على حسابي فترة معينة وسبق وفتحت ملف في الملحقية واوراقي كاملة مافيه نقص

نجي في المهم ..

بعد صدور الامر الملكي بضم جميع الطلاب الدارسين على حسابهم الخاص > وطبعن القرار دا يشملني

انا دحين ايش اسوي ؟

ارسلهم اوراقي من اول وجديد ولا خلاص ملفي عندهم وهما يرسلوه
تاني شي انا بتصل عليهم مايردو وبراسلهم ولا يردو فماني عارف ايش اللي حيصير

كيف حيدفعو للجامعة او المعهد وكيف حتجيني المكافاة الشهرية والاشياء الي زي كدا

اللي يقدر يفيدني لا يبخل عليا وجزاكم الله الف خير

افضل شي سوي من جديد عبي نموذج طلب الحاق دارس على حسابه بالبعثه واعطيهم صور من كل شي وارسل لعنوانهم او عن طريق ايميلهم واعطيهم الشيك ملغي ارسله على مشرفك عن طريق الايميل ومدامك فاتح ملف ومعك رقم طلابي ادخل على الحكومه الالكترونية شوف وش سار عليك بالنسبة للضمان المالي انت كلم المشرف تبعك قولوا كيف حترسلوا الضمان المالي

شكرا يا استادة عالرد بس برضو انا راسلت الادفايزر الجديدة ومابترد عليا مادري انا قاتلها قتيل ولا ايه المهم اكتر من 4 رسايل بنفس الموضوع وماردت

غير كدا الحكومة الالكترونية هدي جيت اسجل بياناتي قالو انو انتا لك ملف مسجل وجاتني اكتر من خانة زي ماتقولي كدا حق الايميل والباسورد المهم كتبت خانتينن لكن الخانة الاولى مادري ايش اكتب فيها جربت مرة اسمي ومازبط مرة جربت برقم الملف مازبط ماني عارف كيف اعرفها