مساعدة الانضمام للبعثة

ان شاء الله يوافقوا كثير الي راحو وانضمو للبعثه بفتره بسيطه اعرف اثنين نسبهم بالثانوي 70 وواحد 60 وانقبلوا بالبعثه

ياناس الله يخليكم اي احد يرد على والله ضروري

ياليت احد عنده اي معلومه يفيدنا ولا يبخل علينا وله دعوه صادقه بظهر الغيب وخاصه اللي وصلو بعد قرار الملك وياليت يسجل لنا المده اللي قضاها الى وقت الانضمام للبعثه

والله اني في حاجة المعلومات لاتبخلوا علينا الله يوفقكم

المكرمة ما تشملك للأسف

بس ابي انبهك على شي وابيك تتأكدين منه لأني ما ابغى اكذب عليك واقول لك روحي وبتنظمين وتوصلين وتدعين على من كان السبب

عندي اثنين من الشباب بكالوريوس يعني يبون بكالوريوس فقالوا لهم الملحقية اول شي ادرسوا 3 شهور وارفعوا لنا درجات المعهد وبعدها بنرفع اوراقكم للرياض وبعدها تنتظرون الجلسة

لكن انتي احسن منهم بكثييييييير انتي بنت ، وماستر ، ومعدلك حلو ماشاء الله فكل هذي بتعجل انظمامك بالبعثة ان شاء الله
لكن انا نبهتك علشان لا توصلين وتتوهقين فأنتو توكلوا على الله وتعالوا والله يا بعض الشباب كانو يعيشون على اشياء بسييييطة حتى انظموا للبعثة وبعدها انبسطوا

وانتوا اذا جيتوا تدفعون لمعهد ادفعوا له حق 6 شهور اولا شي للاحتياط وثاني شي ارخص وكمان فلوسكم راح ترجع لكم اذا انظميتوا ان شاء الله

اتمنى اني اكون افدتك ولا اكون وهقتك
والله يوفقك ويسعدك.

يا ام عموري للأسف ان الملحقيه على ماشفت قي قروب saudies in USA في الــ Facebook يقولون ان المكرمه فقط تشمل الطلاب اللي كانو في امريكا وقت صدور امر الملك ,,

بالنسبه للألحاق بالبعثه بشكل عام ليس صعب واكثررر من واحد اعرفهم شخصيا وبدون واسطات والله انضمو للبعثه في غضون شهرين الى ثلاثه اشهر ,, وقبل صدور امر الملك بفتره ليست بالطويله ,,

للأسف لا احد يستطيع ظمان الحاقك بالبعثه لكن نتكلم عاللي نشوفه قدامنا ,, الالحاق جدا مو صعب خصوصا اذا كان في احد في الرياض يروح للوزاره كل فتره وينشب لهم ,, اهم شي تكون جامعتك معترف فيها وتخصصك معترف فيه وانتي هنا في امريكا ,,

اخيرا , توكلي على الله واطلعي دام انه هذا طموحك وان شاء الله ربي يسهلها لك وتنظمي عالبعثه بأسرع وقت ,, الموضوع يستاهل شوية تضحيه ,,

بالتوفيق

اللة يوفقك ويسهل لك امورك زي ما ريحت قلبي وهو التضحية لابد منها لانه الدراسة على حسب ما سمعت مكلفة جدا وليس الدراسة فقط حتى المعيشة اللة يكون في عون الجميع