ولاية مونتانا-مقاطعة بوزمن؟

السلام عليكم

اخواني استفساري كالتالي

بغيت اسأل عن ولاية مونتانا- مقاطعة بوزمن
حيث اني ناوي ادرس بكالوريوس هندسة كهربائية

-ايش رايكم في معهد A.C.E.؟وجامعة مونتانا - MSU -

-هل المعهد تابع للجامعة وهل هو معتمد

-هل الجامعة معتمده وهل تدرس الهندسة؟

حيث اني رغب في الالحاق بالبعثة(المكرمة)

-حبيت أعرف عن هذه الولاية والمقاطعة تحديدا
.. من عدة نواحي وهي :
- أسعار السكن ، سواءا كان مع عايلة أو بدون أو بالجامعة .
-اسعار المعهد.
-هل يشترط التوفل للدخول الجامعة
- طبيعة السكان .
- مستوى المعيشة ( الغلاء ) ,حيث سمعت انها ارخص الولايات بامريكا ومافيها ضرائب
- طبيعة المدينة أو الولاية ,حيث سمعت انها بارده جدا والثلوج تعيق التنقل
- عدد الطلبة السعوديين هناك .
ناس تذم وناس تمدح وانا محتااار

- وهل الالحاق بالبعثة (المكرمه)سهل؟وكم يبيلي من شهر حتى يتم الحاقي؟
ومتى يكون الالحاق القادم؟بأي شهر؟
واذا تفضلتم علي بأي معلومة زيادة أكون لكم من الشاكرين ..
ولكم الشكر الوفير ..

ترى نسبة الابتعاث الى هذا الولايه قليل .....ابحث في المنتدى ضع اسم الولايه والمدينه...تجد الردود...
انا كنت مبتعث الى هذا الولايه والمدينه.....واخذت التاشيره......وكان هذا من برنامج الابتعاث...
بعد كذا تم ايتعاثي عن طريق عملى.....

السلام عليكم أخي الكريم:
أنا جيت هذي الولاية مع زوجي <مرافقه> من شهر،هي مدينة صغيرة وهادية واهلها طيبين وبسيطين،والطلاب المبتعثين السعوديين كثيرين ماشاءالله وفي الفصل الجاي رح يزيدوا وهذا كلام احد المسؤلين في الجامعة وطبعا فيه مبتعثين من دول عربية بس قليل، ويوجد جاليات مسلمة من مختلف الدول ولهم نشاطات،لكني انصحك يا أخي انك تجيب كل ملابسك الشتوية وكل الأدوية لأن الجو متقلب تشوف كل الفصول الاربعة في نفس اليوم والآن الجو يعتبر صيف وبنتي ماطابت من الزكام واللتهاب الجيوب الأنفية ورح تكمل شهر على هذي الحالة.
وطبعا لاتنسى تجيب مظلة و بالطوا واقي المطر اللي من بلاستيك هنا غالي حول ٥٠ دولار.
والسكن اذا انت عزابي او متزوج يوجد سكن في الجامعة قريب من مكان الدراسة والأسعار كويسة ارخص من برا والفواتير ماهي عليك ويوجد يومين في الاسبوع تروح تاخذ مخبوزات من خبز وكيك وو مجانا ويوجد فعاليات اخرى في هذا السكن.
يوجد ايضا نادي رياضي مجاني لطلاب الجامعة. أما المواصلات فمافي تكسي توقفوا الشارع لازم تكلموا قبل بوقت ويجيك والوسيلة الثانية هي الباصات المجانية تجيك كل ساعة في مواقف معينة ولها جدول طبعا يوزع في كل مكان ولا يشتغل في الليل ويوم الأحد ماتشتغل الباصات ويوجد وسيلة ثالثة وهي الرجل يعني مشي أو انك تشتري سيارة والأسعار من٣ إلى٥ آلاف دولار.
ومثل ماتفضلت مافي ضرائب واسعار اسواقهم مثل باقي مناطق امريكا بس يوجد عندهم عروض بسسسسسسسسس مافي زي السعودية مرة رخيصة هذا اللي في بالي الحين وبالتوفيق ان شاء الله .أم مالك