حوار ( فلوس ) مهم للأغلبيه

و الله موضوعك جاء في وقته بالنسبه لي

لكن الي انا ابسويه هو اني اشيل 1000 دولار كاش لمدة يومين في واشنطن >>> مدري تكفي او لا

و الباقي احطه بشيك و اودعه هناك باالبنك .

موضوع حلو

هو لابد من الكاش لعدم ضمان الضروف وبطاقات الصراف فلازم الكاش

اما من ناحية السحب من الصرافات

فأنا توني فاتح حساب في البنك البريطاني لوجود خدمة انك اذا سحبت من ايي صراف من صرافات HSBC ماياخذون عليك عمولة سحب
لكن ياخذو فرق العملة فقط

وهذي ميزة حلوة
بعكس الراجحي اذا من البطاقة العادية ياخذ 12 ريال واذا من فيزة ياخذ حول 16 ريال على كل عملية سحب غير فرق العملة
ووبنك الانماء ياخذ على كل عملية سحب 6ريال +1% من المبلغ المسحوب مثال اذا انت ساحب 500 دولار ياخذ عمولة 11 ريال غير فرق العملة

وياليت كل واحد يفيدنا باللي عندة

هذا والله اعلم ان اخطأت فمن نفسي والشيطان وان اصبت فمن الله

حلو 1000 دولار تكفي يومين او اكثر لكن بالنسبه للشيكات سمعت ان الشيكات السياحيه ماهي مثل اول التغت او قلت مصاقيتها او شي من هالقبيل هذا و الله اعلم ..
اشكرك على مرورك و اتمنى لك التوفيق

يعطيك العافيه على التفصيل لكن بسألك هل العمولات اللي اتكلمت عنها بطاقات ائتمانيه عاديه او مسبوقة الدفع وهل سمعت في بطاقة امريكانا اكسبرس

اشكرك على المرور و اتمنى لك التوفيق

شباب مين قال لكم انو 3000دولار بس؟
المسموح ما لا يزيد عن 15000 دولار

فخذها كاش اضمن لك وفرقها علشان لاتضيع

واما بعدين لو بغى احد يحول لك من السعودية
فالراجحي سرااااااااااااااقين سحبت 20دولار اخذوا 121,52 ريال
فنصيحة لا تسحبون فلوسكم من الراجحي والله ياكلكم اكل

في طريقة حلوة جدا اذا يبي احد يحول لكم من السعودية
خذوا معكم بطاقة الاهلي مسبقة الدفع ما ياخذوا عليكم كثير وممتازة جدا جدا جدا
والشباب اللي هنا يمدحوها

والله يوفقكم وييسر لكم وتوصلون بالسلامة ان شاء الله.

أفضل الحلول هو الكاش يليه الفيزا

وللإستزادة شوفوا موضوعي اللي بملتقى أمريكا

طيب وش رايكم بالوسترن يون

الي هو تابع لبنك البلاد ( الحوالات السريعة )

الكاش شيل معاك مبلغ بسيط

وخلي اغلب فلوسك في البطاقة

سمعت ويقال انك ما تقدر تشيل اكثر من 3000 شكلي وقعت ضحية معلومات مغلوطه كالبعض من شباب و شابات هالشعب البسيط !!
و كذل سمعت عن بطاقة الاهلي بس برضوه عمولتهم في الكاش عاليه شوي 75 ريال للعمليه ولا تقدر تسحب اكثر من 5000 ريال في كل عمليه ..
اشكرك على مرورك ومشاركتك القيمه ..

اشكرك على مرورك لكن وينه هالموضوع اللي تقول عليه ..

التحويل عادي لكن اتكلم عن كيف تاخذ اموال معاك يمكن تحتاج مصاريف في اول اسبوع قبل تفتح حساب او اثناء فتح الحساب ..
وشكرا على مرورك

معاك حق شيل فلوسك في بطاقه لكن وش تنصحنا فيه اي بطاقه وش الشي اللي جربته وحسيت انه افضل ..
شكرا على مرورك وبالتوفيق ..


و اتمنى من اللي جربوا بعض البطاقات طرح تجاربهم الشخصيه ذكر المميزات و المساوء في كل بطاقه او طريقه ..

انا اشتغل بالبنك الاهلي .. ومسبوقة الدفع فيها رسوم 100 ريال فقط .. .. لكن غير مضمونه للمبالغ الكبيره مثل فوق 20000 عشرون الف دولار ...


وانظمة العالم .. يجب ان تسافر وان لا يكون عندك فوق مبلغ 60000 ستون الف ريال ومايعادلها بالعملات الاجنبيه ..
مع الذهب والبضائع الثمينه يجب ان لا تتعدى فوق 60000 الف ريال ..


والطرق كثيره وسهله ..

في حالة لو كان عندك مبلغ كبير وفوق ستين الف ريال ...
انك تحطه بحساب اخوك او ابوك او احد اخوياك .. وتروح هناك ومعك مبلغ جيد .. وتفتح حساب وترسله الأيبان الدولي ويحولك كامل المبلغ ..

وفيه طرق كثيره يسونها الشباب . انه يقسم المبلغ اذا كان اقل من ستين الف ريال .. يقسمها على حسابته الشخصيه وبطاقات الفيزا .. ويكون معه كاش .. والدولار اساساً خفيف فئة الــ 100 دولار ...

والامور تسآهيل صدقني..


واذا كانت متعبتك الفلوس اللي تبي تشيلها .. عطنياها وانا بسافر لامريكا واجيبها لك
ههههههههههههه <<< بري ء ..