طازه من الثانوية ,, وش اسوي ؟؟
السلام عليكم ورحمة الله وبركاته
أما بعد ,,
يا اخوان ,, انا توني طازه طالع من الثانوية ,, ومحتاس وش اسوي ؟؟ بصراحة حلم عمري اني ابتعث لأمريكا واكمل دراستي ,, ولكني اللي اقراه فرفر لي مخي ما عرفت وش اسوي ؟؟
اسمعكم تتكلمون عن مصطلحات اول مرة اسمع فيها مثل ( قبول مشروط - توفل - الخ ) فحبيت واحد يوضح لي الطريق اللي اقدر آخذ منه ابتعاث ,, أو بالأحرى يقول لي وش اسوي الحين يعني وش الخطوات اللي لازم اسويها علشان آخذ ابتعاث ؟ لأني قاعد وصفر على الشمال ماني عارف وش اسوي ,, مع العلم بأني بختبر تحصيلي بكره ,, ونتيجتي الثانوية 99.39 والقدرات 86 فوجهوني وابغى مشورتكم الله يعطيكم العافية
وسلامتكم
رد: طازه من الثانوية ,, وش اسوي ؟؟
الموضوع طويل جدا بس اتوقع لو تكلم مبتعث احسن لك لانه خطوات كثيره مره ..
رد: طازه من الثانوية ,, وش اسوي ؟؟
الخطوات جهز امورك وقدم على البعثه في 12 _8 واتبع الخطوات واقراءشروط الابتعاث وسهله انشالله بعدين تعرف كل شي
رد: طازه من الثانوية ,, وش اسوي ؟؟
ماشاء الله تبارك الله ويش بقيت للدوافير
الله يوفقك وييسر لك امورك
اول شي زين امورك مع امك علشان توافق لك
ثاني شي قدم في شهر 8
وبعدها تاخذ شهادة مترجمة من الوزارة
ووزارة التعليم راح تجيب لك قبول مشروط
واختبار التوفل تختبر بعد سنتين من الان يعنيث باقي بدري عليه
والله يوفقك وييسر لك.
رد: طازه من الثانوية ,, وش اسوي ؟؟
بردتوا قلبي الله يبرد قلوبكم ان شاء الله ,,
يعني الموضوع بسيط ان شاء الله وكل شيء بيتبين زي ما تقولوا ,, خلاص أجل ان شاء الله اقدم للإبتعاث بعد رضى ودعاء الوالدة ,, واتبع الخطوات لعل وعسى ربي يوفقني واكون من المبتعثين
جزاكم الله خير
رد: طازه من الثانوية ,, وش اسوي ؟؟
قدمعلى الابتعاث وعلى جامعة الملك فهد وباقي الجامعات
وبعد مايجيك قبولات باكثر من مكان تصلي استخاره
رد: طازه من الثانوية ,, وش اسوي ؟؟
الله يوفقك يارب..ويسهل امورك
اهم شي احفظ الله يحفظك
وانت ادخل على موقع الوزاره وشف الشروط والخطوات..
موقعهم بيفيدك كثير
موفق,,