الأعضاء الإشتراك و التسجيل

الملتقيات
ADs

استفسار الي طالعين هالفترة وش وضعهم...؟!

استفسار الي طالعين هالفترة وش وضعهم...؟!


NOTICE

تنبيه: هذا الموضوع قديم. تم طرحه قبل 2714 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أجمْتُ ألْسَاً
    أجمْتُ ألْسَاً

    مبتعث فعال Active Member

    أجمْتُ ألْسَاً ألمانيا

    أجمْتُ ألْسَاً , ذكر. مبتعث فعال Active Member. من السعودية , مبتعث فى ألمانيا , تخصصى لم يحدد , بجامعة لا يوجد
    • لا يوجد
    • لم يحدد
    • ذكر
    • الرياض, ..
    • السعودية
    • Jul 2010
    المزيدl

    July 9th, 2010, 09:29 PM

    السلام عليكم

    شباب ألحين هالطلاب الي طالعين هالفترة على أمريكا ولا بريطانيا لأول مرة

    هل هم طلاب المرحلة الخامسه ولا ماذا بالضبط..؟

    يعني كذا واحد يقول طالع أدرس ،

    هل هم طالعين على حسابهم ولا مبتعثي المرحلة الخامسه ولا شركات خاصه..؟

    الي اعرفه ان طلاب المرحلة الخامسه طلعوا في بداية العام الهجري

    وش وضعهم ؟

    هل هم متأخرين لظروف أو من هذا القبيل..؟
  2. سؤالك مهم..

    ودنا نعرف كم الوقت اللي تستغرقه اجراءات الابتعاث من وقت التقديم لين الوصول لأمريكا؟ هل ٥-٦ شهور كافية؟

    وليش ممكن يتأخر وقت بدأ الدراسة في أمريكا؟ هل بسبب الإجراءات أم بسبب الفيزا؟ أم ظروف شخصية؟
    7 "
  3. احم احم احم احم وسع يا عم
    انا حأجاوب من طق طق لسلامو عليكم

    بسم الله نبدأ
    انا من طالبات المرحلة الخامسة قدمت على بكالوريوس طب
    المهم اول دفعة سافرت مننا نحنا كطلاب بكالوريوس او ماستر >> الباقين مدري عنهم ما حأفتيكم
    فبراير
    وحدة من صاحباتي جابت قبول لنفسها في امريكا وطلعت في جانوري
    القبولات وصلت لحقين امريكا بعد الحج وحددت الولايات وكلو حتى حقين اوربا زي حالتنا بانت الدول والقبولات بعد الحج

    غير اللي يعرفو احد هناكا فدولا وضعهم غير

    وعادي في ناس رايحة على حسابها وفي ناس على البعثة
    واهو انا حولت على امريكا ولسا دراستي في اوغست وفي ناس قدمت زي حالتي وفي نفس اليوم ودراستها كانت في شهر ماي
    وناس جون
    يعني على حسب الوقت اللي تجي فيلو اوراقك للمكتب ووقت ما توصل اوراقك للمعهد هناكا ويرسلو الاي توني ليك


    وانتو احسبوها نحنا قدمنا في 10 شعبان عن طريق النت والتدقيق كان في رمضان لكل المناطق ( الرياض , جدة , الشرقية )
    وفي ذي القعدة نزلت ارقام المقبولين في الجرايد
    الدورة التاهلية للانقلش اخدناها في نهاية ذو القعدة الين محرم >> او صفر مني متاكدة بالزبط متي
    وقبل نهاية الدورة ازا ما خاب ظني الاغلب عرف على فين وجهتو يعني اية ولاية واية منطقة

    شي نسيت اكتبو اول في حاجة اسمها ملتقيات : دي الملتقيات برضو يسووها في المناطق التلاتة الرياض جدة الدمام وفايدتها انو يحضرو الدكاترة كلهم الحربي والموسى والفوزان >> يعني على كلامهم انو يعرفوكم اللي ليكم واللي عليكم وبصراحة هيا حاجة خفيفة تحضرو وترفهو عن نفسكم واي سؤال في قلبكم اسالو ليهم وجها لوجه وراح يجاوبوكم ^_^
    كلها اسبوعين وكل شخص راح يحضر يومين وقبلها تجيه رسالة توضحلو متى يجي والمكان اللي يجي فيه

    وبالنسبة للتاخير في اسباب كتيرة >> ما تلاقي موعد بدري في السفارات ابدن فتتضر تجدد كل شوية الاي توني حقك
    او تحصل ظروف لا قدر الله
    في ناس يتزوجو وياخرو يعني ظرف يكون قوي
    وساعات السفارة تاخر الفيزة يعني مثلا ناس يقدمو وتلاقيهم مساكين منتظرين 70 يوم عشان ياخدو الفيزة كلو بسبب اللي سوالهم المقابلة
    انو كان معصب ولا شي فاتاخرت فيزتهم وناس بتمشي في 4 ايام

    هع سوري كلام دش ومخبص على بعضو
    بس دي قصة حياتنا ^__^
    7 "
  4. <<< مخللة من المرحلة الخامسة

    ابد انا اجلت دراستي عشان مافي محرم جاهز ذاك الوقت
    والحين دراستي بسبتمبر
    وبعدين مراحل الأبتعاث طويلة
    اسرع طالب ياخذ 5 الى 6 اشهر عشان يطلع من بداية الترشيح

    محد مستعجل على الغربة
    7 "
  5. ماااا قصرتي دكتورة إيمان..

    شكراً على التفاصيل .. ومعظمها أول مرة أسمع عنها..

    خصوصاً موضوع الدورة التأهيلية في الإنجليش ، أول مرة أسمع عنها..

    كنت أحسب مجرد لقاء تعريفي وإرشادي حول الابتعاث، وخذ قبولك وتوكل على الله..

    يعني الموضوع تقريباً بياخذ وقت - على أقل تقدير - من شعبان إلين صفر .. صح؟
    7 "
  6. المشاركة الأصلية كتبت بواسطة faty
    <<< مخللة من المرحلة الخامسة

    ابد انا اجلت دراستي عشان مافي محرم جاهز ذاك الوقت
    والحين دراستي بسبتمبر
    وبعدين مراحل الأبتعاث طويلة
    اسرع طالب ياخذ 5 الى 6 اشهر عشان يطلع من بداية الترشيح

    محد مستعجل على الغربة
    إلا يا قلبي.. فيه اللي مستعجل عليها.. لما يكونوا اثنين مرتبطين ببعض، فالواحد يصير مستعجل عشان ما يعطل الثاني..

    تأخرنا بما فيه الكفاية

    الله يكتب اللي فيه الخير..
    7 "
  7. المشاركة الأصلية كتبت بواسطة أجمْتُ ألْسَاً
    ما حد حان علينا الا المبتعثات قلبوهم حنينه



    لا تعليق على المبتعثين

    ألف شكر دكتوره ايمان

    بس بغيت أسأل متى بالضبط طلبوا الشهادة الأصل مع التاريخ ياحبّذا

    بالإنتظار..
    ههههههههههههههههههههههههههههه لا حرام حتى المبتعثين ما يقصرو برضو
    بس تلاقيهم وقت الشدايد يعني مثلا تسافر وتبا احد يساعدك ويقابلك ويدور معاك شقق راح تشوف وقفة المبتعثين

    بالنسبة للشهادة << قصدك ثانوي
    طلبوها وقت التدقيق
    بعد ما تقدم في النت تجيك رسالة على جوالك انو في اليوم الفلاني وفي الساعة الفلانية
    يا مساء يا صباحي وتروح وتلاقي اسمك محطوط عند الباب ^__^
    انا كان موعدي
    يوم 9 رمضان سحبت الشهادة من الجامعة قبلها بتلاتة ايام
    اذا ما خانتني الذاكرة لانو الرياض اول بعدين جدة بعدين الدمام
    وقالو كل وحدة تطلع بطاقة احوالها مع شهادتها واوقفو طابور واللي ما معاها شهادتها الاصل تروح تجيبها وتجي
    وصح ما ابا اخوفكم بس يوقعوكم على ورقة انو استلمو منك الشهادة
    ومثلا لو قدمت طب لدولة وكانت زحمة الوزارة ليها الحق تحولك لاي دولة باي تخصص
    فاغلب الطلاب اللي قدمو على ايرلندا وانا منهم حولونا على دول تانية مهي رغبتنا التانية اصلن
    ولما جينا عارضنا قالو وقعتو على ورقة فطبعن سكتنا
    بس بصراحة كل الناس مرتاحة في دولها زي طلاب بولندا والتشيك والمجر ما راحو ليها برغبتهم
    اتحولو اجباري وبالعكس الحياة رخيصة وفلة الدراسة
    << لحد يخاف من حكاية الورقة لانو بس طلاب الطب وطب الاسنان اللي في اوربا اللي حولوهم الباقين>> امريكا وكندا الحمد لله ما جاهم شي
    ^____^ اللهم لا حسد خخخخخخ


    بالتوفيق يارب
    7 "
  8. المشاركة الأصلية كتبت بواسطة faty
    <<< مخللة من المرحلة الخامسة

    ابد انا اجلت دراستي عشان مافي محرم جاهز ذاك الوقت
    والحين دراستي بسبتمبر
    وبعدين مراحل الأبتعاث طويلة
    اسرع طالب ياخذ 5 الى 6 اشهر عشان يطلع من بداية الترشيح

    محد مستعجل على الغربة
    هيهيهيهييييييييييييييييييييييي
    ازا انتي مخللة انا ايش اقول
    الحمد لله سارت عندي خبرة في التقديم وفلة
    وزرت اكتر من سفارة وقشوني >> لازم نؤمن بمبدأ انقش عشان تتعلم

    واهو موعدي الربوع دعواتكم تتسهل واخلص
    والحمد لله يا ستي كل تاخيرة فيها خيرة

    والله يوفقك يا قلبي انا قبلك في اوغست ^__^

    يب صح بس مو الكل على حسب الولاية برضك
    يعني حقون شيكاغو راحو على فبراير وزي حالتنا اوهايو راحو على ماي وجون
    يعني تفرق من مكان لمكان
    واهم شي الواحد يستخير وربنا ما راح يخيبو اكيد
    7 "
  9. المشاركة الأصلية كتبت بواسطة Ideas4life:)
    ماااا قصرتي دكتورة إيمان..

    شكراً على التفاصيل .. ومعظمها أول مرة أسمع عنها..

    خصوصاً موضوع الدورة التأهيلية في الإنجليش ، أول مرة أسمع عنها..

    كنت أحسب مجرد لقاء تعريفي وإرشادي حول الابتعاث، وخذ قبولك وتوكل على الله..

    يعني الموضوع تقريباً بياخذ وقت - على أقل تقدير - من شعبان إلين صفر .. صح؟
    العفو ولو نحنا هنا نعين ونعاون ^__^

    يب دي الدورة زمان >> على ايام المرحلة الرابعة كانت اسبوع اسبوعين
    بس على المرحلة الخامسة سارت شهرين وشوية
    الله اعلم كم على مرحلتكم
    بس لا تشيلي هم >> راح تمشي بسرعة وراح تسمعي خبرات من ناس اجانب وناس سافرو برة
    وتتعرفي على بنات وتتساعدو زي هنا في المنتدى كتير سارو زي الاخوات واكتر
    >> منها فايدة كبيرة يعني ^__^
    اللقاء الارشادي دا نسيت اقولكم عليه
    في شي بعد الدورة اسمو ملتقى وينعقد على مدار اسبوع في كل منطقة ( الرياض جدة الدمام )
    يعني يجي الدكتور الحربي والموسى والفوزان وكل الطقة
    ويعطوكم زي المحاضرات بالكتير يومين ما تطول وتعرفو ايش اللي ليكم وايش اللي عليكم
    ^__^
    اممممم يب على حد تقريبي الين صفر
    زي ما قولت انو في ناس راحو شيكاغو في فبراير ومارس
    وناس اوهايو في ماي
    يعني يختلف من ولاية لتانية
    وفي ناس زي حالتي وحالة فاتي اتعقدت امورنا شوية
    بس عندكم وقت حتى لو حصلتلكم ظروف تقدرو مثلا تأخرو السفر شهر شهرين
    منكم للمكتب قبل لا يجي شهر 7 وتكفشكم الوزارة
    ^__^ << شكلي راح انطرد من المنتدى بسبب دي المعلومة هع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.