مبتعث جديد New Member
الولايات المتحدة الأمريكية
سلمان السبيعي , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى متخرج
, بجامعة لا يوجد
- لا يوجد, الرياض
- السعودية
- Jul 2010
المزيدl July 14th, 2010, 10:49 PM
July 14th, 2010, 10:49 PM
السلام عليكم ورحمة الله وبركاته اخواني واخواتي المبتعثين في امريكا أسعد الله اوقاتكم بكل خير ودي ادرس طب في امريكا .. بس للاسف انا وباقي الطلاب السعودين .. مغيبين عن هذه الامور .. والله ما اعرف شيء عن طريقة الدراسه وكم مدتها .. كل ما سألت واحد يقول .. مجنون انت تبي تدرس طب في امريكا .. يقول يبيلك 10 سنين ما رجعت لأهلك ..وانا محتار اذا ما درست طب .. بأكون مجبور ادرس هندسه مع العلم ان الهندسه عكس ميولي وما احبها وماهيب داخله مزاجي ..والله ذبحني التفكير وابي رايكم .. وترا بأمشي عليه لأني مليت من كثر ما افكر ياليت تفندون لي افضل الجامعات والولايات .. ونسيت اقولكم ان نسبتي والحمدلله حلوه .. 99 في الثانويه و83 في القدرات .. اسف على الاطاله .. والله يوفقكم ويردكم سالمين وغانمين أخوكم الصغير : سلمان السبيعي اهلين بالسبيعي ،،
اخوي دراسة الطب بامريكا تختلف عن السعوديه
هناك المفروض تجيب بكالوريوس بتخصص الكيمياء او الاحياء ،، وبعدها تكمل سواءا صيدله او طب
لا ما تاخذ لا عشر سنين ولا بطيخ ،، واللي يبي الدح ما يقول اح ،، دام عندك طمووح ،، لا تلتفت لاحد
وبعدين خير يعني عشر سنين ؟؟
عادي تزوج وخذ اهلك اذا استقريت هناك وعيش حياه طبيعه ،، مافيها شي
الله يوفقك
Goldeye July 15th, 2010, 09:25 AM
7 " توووووكل عل الله
صادق اخوي الي رد عليك....وشو 10 سنين؟؟ ولا شي ترا السنه كأنها شهر الحين
ومافي شي صعب عند الطموح ابدا
اللي اعرفه (وانا افضل انك تتأكد من ناس مقدمه ومجربه)
انك بالبدايه تدرس سنتين او 3 زي الفونديشين فيها كيمياء واحياء وشغله زي كذا بعدها تقدم اختبار وتبدأ تدرس 5 سنوات طب والله اعلم
و على فكره فيه السمر كورس تقدر تاخذه ويخفف عليك في حاله انك تبي تتخرج بدري
الله يووووفقك ويسهلك امورك
dudu. July 16th, 2010, 03:34 AM
7 " ما اقووول الا استخير ياخوي
bluegirl July 16th, 2010, 08:46 AM
7 " أخوي سلمان السبيعي
اسعد الله مسائك
اقوووول ما عليك من كلام الناس
الطب في أمريكا مختلف عن السعودية ولابد ان تعرف طريقته
الطريقة هي الآتي:
تدرس في كلية علمية 4 سنوات كاملة وتاخذ بكالوريس في احد التخصصات العلمية واذا معدلك كويس تقدر تقدم وتكمل طب كمان 4 او 5 سنوات اخرى، يعني مدة الدراسة من 9 - 10 سنوات وانا في اعتقادي ما فيها مشكلة لانك بترجع طبيب في النهاية تشرف اهلك ووطنك ايضاً.
في حاجة مهمة جداً يا بن العم
اذا درست الاربع الاولى ولا جبت معدل ما تكمل طب ترجع ببكالوريس تخصص علوم - انتبه
دمت بود
طالب مغترب USA July 17th, 2010, 11:55 PM
7 "
July 14th, 2010, 10:49 PM
السلام عليكم ورحمة الله وبركاتهاخواني واخواتي المبتعثين في امريكا
أسعد الله اوقاتكم بكل خير
ودي ادرس طب في امريكا .. بس للاسف انا وباقي الطلاب السعودين .. مغيبين عن هذه الامور .. والله ما اعرف شيء عن طريقة الدراسه وكم مدتها .. كل ما سألت واحد يقول .. مجنون انت تبي تدرس طب في امريكا .. يقول يبيلك 10 سنين ما رجعت لأهلك ..وانا محتار اذا ما درست طب .. بأكون مجبور ادرس هندسه مع العلم ان الهندسه عكس ميولي وما احبها وماهيب داخله مزاجي ..والله ذبحني التفكير وابي رايكم .. وترا بأمشي عليه لأني مليت من كثر ما افكر
ياليت تفندون لي افضل الجامعات والولايات .. ونسيت اقولكم ان نسبتي والحمدلله حلوه .. 99 في الثانويه و83 في القدرات .. اسف على الاطاله .. والله يوفقكم ويردكم سالمين وغانمين
أخوكم الصغير : سلمان السبيعي