يـآ مبتعثين المرحلـه الخـآمسه اللي في امريكا سؤال واتمنى الرد

السلـآم عليكـم

يا مبتعثين المرحله الخامـسه . سؤالـ

ادا انقبلنا كلنا انشاء الله وجاتنـآ القبولات تبع المعهد .. طيب ادا ماعجبني القبول اللي جاني يعني ما عجبتني الولايه

هل اقدر اغير على حد علمي اني اقدر اغير ! .... بس هل المكتب نفسه يتساعد ويتفهم او تكون العمليه صعـبه

لأن أخافـ يودوني ولايه مقطوعه او مو عاجبتني لأني ودي في كولورادو او نورث كارولاينـآ او وسكونسون

ف هل اقدر احول بسهوله وماهي الخطوات اللي اسويهـآ ووهل تطول او لـآ ؟

up up up up up up up up up up up up

وعليكم السلآم


بالنسبة لسؤالك

في ناس ماردت على القبول اللي جابوه وجابو قبول من عندهم ومشت امورهم مع انه الوزارة قالوا انهم ماراح يطلعوا قرار ابتعاث للي قبوله مو من المكتب أو بالأحرى مختوم من الوزارة ومع كذا مشوهم

وعموما الافضل والاضمن لك انه تغير او تغيرين

بعد ماتوصل لوولايتك ومدينتك يمكن يكون القبول اللي جايبينه كويس واذا ماعجبك ممكن تحول عادي تجيب قبول من معهد اخر وتراسل المشرف راح يطلب خطاب تشرح فيه اسباب النقل وخلاص ويعتمد ترى حسب المشرف ممكن يكون متساهل معك وحسب الاسباب طبعاً

وفي شي بعد

اذا كنت بتطلع من الولاية ككل يطالبنوك بقبول جامعة اضافة لقبول المعهد اما اذا تغير المعهد فقط يعني تكون في نفس الولاية بس تغيرالمدينه فمايحتاج قبول جامعه <<< هذا اللي اعرفه والله اعلم

دعواتك :)

من هناك أسهلك تغيري مثل ماتبي

والله حسب المكتب

انا كان مكتبي الين .. وراسلتهم عن طريق النت والايميلات وكانو جدا متعاونين وخدمتهم سريعة .. وحولت من كاليفورنيا لاريزونا .. بس اخدو مني مبلغ تقريبا 960 ريال ..لانه التحويل الثاني الوزارة ما تدفعه ..

على فكرة انا حولت من السعودية والشغلة ما اخدت اكتر من شهر تقريبا .. ارسلتلهم رغبتي وفي اي ولاية وارسلولي بالرد بامكانية معهد اريزونا وحصل ..

بالتوفيق ان شا الله

انا جبت قبول معهد وطلعت فيزا قبل يطلع ترشيح الاسماء يعني ماكنت ادري بترشح وانقبل ولالا ..
بعد ماطلع الترشيح على طول رحت الوزاره وقلت لهم اموري جاهزه ابي قرار ابتعاث عشان اطلع قالوا لا لازم قبول من عندنا وتحضرين الملتقيات ،، قلت ياناس انا خالصه وقبولي بينتهي ومعي فيزا وكل شي وما احتاج منتديات عارفه كل الطبخه لاني انا اللي جبت قبولي بنفسي وطلعت فيزتي ،،، وصراحه كانت موظفة الوزاره متعاونه مره الله يجزاها خير قالت طيب اوكي بكلم الدكتور مدري مين واشوف ارد لك رساله على جوالك .. واخذت يومين وردت برساله( تعالي استلمي قرار ابتعاثك ) رحت استلمته و بنفس اليوم طلعت امرالاركاب وقصيت التذاكر والظاهر انا اول شخص يسافر من المرحله الخامسه خخخخخ

>> ممكن يصير معك كذا ويقبلون و ممكن تتخسر على القبول اللي تجيبه ويرفضونه تماما ..
احسه موضوع توفيق من الله وحظ لان الوزاره كل يوم لهم كلام ..

ملاحظه : انا جابوا لي الوزاره قبول ورحت استلمته واول ماوصلت البيت راسلت المعهد اللي جابوا لي منه قبول وقلت لهم كنسلوا قبولي لاني بروح لمعهد ثاني ،، ردوا علي بايميل وقالوا كنسلناه خلاص .. طبعا سويت كذا عشان مايصير لي مشاكل مع دائره الهجره الامريكيه اذا جيت ادخل امريكا لانه بيصير عندي رقمين سيفس ..


بالتوفيق

الله يوفكم ويحقق طموحتكم.......

مشكــووووررين جداً جداً

h2n ذكيه والله ذكيييه ماشاء الله