استفسار تحظير GMAT في Kaplan

انا حاليا اخذ دورة الجيمات في معهد كابلان ..

طيب كيف الدراسه فيلوو .... انت بتاخد مع انترناشونال بروقرام او دومنستيك بروقرام؟؟؟؟؟؟؟؟؟؟؟؟ وكم مدة الدراسه في هذا المعهد للتحضير للجيمات؟

و ليش انت اخترت تدرس الجيمات مو الجي ار اي

فيلوو قصدك فيها ( فيه) ؟؟
الدراسه فيه ممتازه بالنسبه لدورات الجيمات والجي ار اي لكن اللغه جدا سيئ والكل يسبه وكثير نقلوا منه وراحوا لمعاهد تابعه لجامعات ..
اصلا اذا عرفوا انك انترناشونال يحطونك بدورة الدومستك ومعاها الانترناشونال مع بعض لازم.
ومدة الدوره ٣ شهور ..
ومسألة ليه اخترت جيمات .. الموضوع مو على الكيف الموضوع على حسب اي تخصص بتدرسه للماجستير
وعلى اساسه تشوف الجامعه تبي جيمات ولا جي ار اي .. يعني انا مثلا بدرس ماجستير اداره اعمال ان شالله واقسام ادارة الاعمال كلها يطلبون لها الجيمات في كل الجامعات ..

تسلم على الاجابه الواضحه..... بس حابه اسأل أخر سؤال

ابغي اعرف كيف دوامك في المعهد ... يعنى تروح كل يوم و يعطوك واجبات وزى كده ..... او تروح واحد يوم في الاسبوع.... يعنى انت بتدرس فل تايم او بارت تايم ....... لأنو انا ناويه اطلع بعثه وزي ما انت عارف الدكتوراه لازملها اختبار جيمات خاصة انو تخصصي زيك... بس فأنا علشان عندى لغه مفكره انو سنة اللغه بدل ما ادرس في معهد لغه أدرس في معهد كابلن الجيمات ..... فانا ابغي اعرف هل الدراسه في معهد كابلن للجيمات مدتها بس شهر ....او تاخد منى سنه زي اللغه ...... فأبغاك تعطينى معلومات عن كيفيه الدراسه ........وهل هما يدرسوك من الصفر او بس يعطوك الاستراتيجيه حقت الاجابه على الاختبار ... يعنى مثلا في مسائل الرياضيات هل يقولولك في هادى المسأله لازم تستخدم القاعده الفلانيه او انهم بس يعطوك استراتيجيه الاجابه؟ اتمنى تكون فهمتنى

وشكرا ماقصرت

عفوا اختي كتبت لك فوق انه مدة الدوره ٣ شهور ..
دوامي في المعهد فل تايم لانه الطالب المبتعث ومعاه فيزا f1 لازم يكون دوامه فل تايم مايقدر ياخذ بارت تايم ..
اما اذا تبغي تدرسيه مع دراسة الغه تقدرين تاخذينه بارت تايم ،، يعني تدرسين فل تايم لغه بمعهد اللغه والايتونتي يصير من معهد اللغه وتاخذين الجيمات بارت تايم بالاضافه للفل تايم تبع اللغه وكذا يصير كابلان مالهم علاقه بالايتوني تبعك.
انا معاي بكالوريس انجليزي ولمن وصلت امريكا اخذت دورة شهرين لغه واخذت التوفل الحمدالله وخلصت اللغه وجلست ادرس جيمات ،،
الدورة مدتها ٣ شهور كل اسبوع يعطونك حصتين تدريس مع مدرس مدة الحصه ساعتين ونص وباقي الاسبوع حضور بالساعات دراسة بنفسك يعني(self study) لازم تحضرين ٢٢ ساعه اسبوعيا طبعا محسوب فيها الحصص ..
يعطونك كتب مفيده و يفتحون لك حساب بالنت فيه دروس واختبارات وشروحات واشياء كثيره عن الجيمات ومره ممتاز الموقع وينتهي بأنتهاء دورتك معاهم ..
يعطونك الاستراتيجيات لحل كل الاسئله اللي ممكن تجي بالاختبار بالاضافه لامثله كثيره يحلونها معاكي المدرسين ..

هذا اللي عندي واذا بغيتي شي زياده اسألي واحاول اجاوبك ان شالله .

بالتوفيق

تسلملى ماقصرتى جاوبتيلي على كل استفساراتى .......... طيب لو انا جيت على معهد كابلن لدراسة الجيمات والدوره مدتها بس 3 شهور ....طيب بعد ما اغلق من الدوره كيف اجلس في امريكا لانو اكيد الاي تونتى ينتهي بنهاية الدراسه....... لانو زي ما انتى عارفه الوزاره تعطينا سنه كامله لغه فأبغي اعرف بما انى ما احتاج لغه وراح ادرس الجيمات بس في 3 شهور.......اذا ايش راح اسوي بقية السنه راح اكون فاضيه ماعندى شيء صح.......او انى اقدر ادرس جيمات الى نهاية السنه .......

انتى بعد ماتغلقي تلاته شهور الجيمات .... ايش راح تسوي في بقية السنه؟؟

عارفه طفشتك بس لأنى ماعمرى مريت بهذي التجربه من قبل..........

ماتحتاجين لغه .. يعني معاك توفل او ايلتس ؟؟ وكم درجتك ؟؟
جاوبيني عشان اعرف اجاوبك ،، واشرح لك ..

ما أحتاج لغه لأنى درست الماجستير في امريكا ... فأي جامعه اقدم عليها علشان قبول الدكتوراه راح يلغو منى شرط اللغه بس يبقالي شرط الجيمات ......... فأبغي اعرف دحين لو قدمت على البعثه وجبت قبول من معهد كابلن لدراسة الجيمات ....و انتى قولتيلي انو الدراسه في كابلن لمدة 3 شهووور ..... طيب غلقت التلاته شهوووور بعدين ايش راح اسوي لنهاية سنة اللغه ....معقول اجلس بدون دراسة بقية السنه واجلس بس احاول ادخل اختبارات الجيمات ألين ما اجيب الدرجه المطلوووووووبه......... او معهد كابلن يرضي يخليني ادرس عندو طول السنه ......... يعنى ابغي اعرف ايش راح اسوي بقية السنه ........ او انى علشان لا اجلس فاضية ادخل معهد لغه وكابلن مع بعض.....لأنو مستحيل اجلس فاضية بقية سنة اللغه في امريكا

طيب اختي ليه ماتحاولين تاخذين دورة الجيمات اونلاين وانتي بالسعوديه وتحضرين لها وتختبرين بالسعوديه بعدين تقدمين على الجامعات ؟؟ ترا فيه امكانية الاختبار في السعوديه وكثير ناس اختبروا ..
لانه صعبه تجين عشان ٣ شهور .. يعني مايصلح كذا لا لنظام الهجره ولا حتى الملحقيه بتسمح لك ..
او الخيار الثاني انك تجين لمعهد لغه وتدرسين انجليزي فتره وبعدين تاخذين دورة الجيمات .. دورة الجيمات مدتها ٣ شهور ولو تبغين تعيدينها ممكن ومجانا بعد ،، لانه عرض من كابلان الاعاده المجانيه لكن الشرط انك تحلين كل الواجبات والاشياء المطلوبه منك ويكون حضورك ١٠٠٪ عشان يعيدونها مجانا لكي .. يعني كذا ٦ شهور والاربع شهور الباقيه خليهم لغه لحد مايجي قبولك بالجامعه ويبقى شهرين ارجعي فيهم اجازه للسعوديه ..