حوار ][الي انهى التوفل ارجو التكرم بالدخول][

مشكور على المرور وانشالله الشباب مايقصرو

اخي العزيز عدد السعوددين ماله علاقه بعدم تعدية التوفل ،،
اللي يبي يوصل لشي يجتهد ويوصل له ومايحط اعذار من اي نوع ،،
فيه ناس اعرفهم عدوو التوفل وهم بالسعوديه ماراحوا امريكا ولا شافوها ولا درسوا بمعاهدها ،،
اللي شفته بامريكا بنفسي من السعوديين واتكلم عن الاغلبيه انهم مايهتمون بواجباتهم ولا بدروسهم ويكثرون غياب واهم شي عندهم الوناسه والسفر وغيره ،،
على عكس بعض الاجناس ومثال الاسيووين وبنفسي بعد شفت هالشي يجون المعهد مايعرفون الحروف الانجليزيه وبعد ٨ شهور يعدون التوفل وتلقى عددهم بالمعهد اضعاف اعداد السعوددين وماتأثروا من هالشي ابد ،، والسعوديين يرسبون ويعيدون نفس المستوى ثلاث واربع مرات ،،
شي مؤلم صراحه تشوف اهل بلدك بهالمستوى والامبالاة .. يعني فينا قل عقل ولا نقص ذكاء !! انا متأكده ان السعوددين بالذات من اذكى الشعوب لكن مايبون يتعبون انفسهم بشي وهذي للأسف مشكلتنا .. نحسب اذا سمعنا كلام عن البعثه وامريكا ومعهد انه بيجينا الهام باللغه او انه بينزل علينا وحي ونصير بلابل بدون تعب او اجتهاد ،،

اخوي لاتضع اللوم على احد ،، لا ملحقيه ولا اعداد سعوديين ولا اي شي آخر ،،
وتذكر انه لكل مجتهد نصيب ،،
تمنيت اكتب غير هالكلام ويكون الواقع احلى وافضل لكن للأسف هذي الحقيقه ..

ملاحظه: كلمة الباقي على الله خاطئه والصحيح قول كل شيئ على الله سبحانه..

بالتوفيق جميعا ..

انا ولله الحمد عديت التوفل في المملكة

ودراستي كانت عبارة عن السنة التحضيرية في جامعة الملك فهد للبترول ... يعني الفصل 90% سعوديين والمدرسين فقط الاجانب

وهالشي عمره ماكان حاجر ضد تعلم اللغة ... الي يبي يتعلم بيتعلم بسرعة اما اللي جاي يلعب راح يدور الاسباب والاعذار لفشله قبل لا يفشل

ونصيحة الوالد لي خلال التعلم كانت اكثر من الاستماع فكنت وانا في السيارة اشغل الراديو على اي برنامج انجليزي (غير الاغاني)

وكثرت متابعة الافلام والمسلسلات (بدون ترجمة !) والحمدلله جابت نتيجة ممتازة تعلمت كلمات ومصطلحات كثيرة من الاستماع فقط

وطبعا مشاهدة الاخبار ... والصبر عامل مهم لان اللغة ماراح تجيك في يوم وليلة !

عاد انتم تتكلمون عن الللي يدرس في امريكا يعني 24 ساعة يسمع لهم وفي اي وقت يبي يتكلم انجليزي يعني ظروفكم لتعلم اللغة احسن واقوى واتوقع مالكم عذر بعدم التعلم

وبالتوفيق للجميع

السلام عليكم
أنا قررت أختبر التوفل بالسعودية لان تخصصي إنجليزي وبحاول أتجاوزه بإذن الله
الأستاذ عبدالله
ممكن أسألك عن كيفية دفع المبلغ للمركز في السعودية؟
أنا عندي بطاقة صراف , بس ماعرفت الطريقة.
ياليت تفيدني
وناوية أختبر بجدة أو بالرياض واطلعت على الموقع والمواعيد.
أتمنى تساعدني قبل لا يفوتني موعد التسجيل.

وأتمنى من اللي عنده جواب يفيدني.
وشكرا لكم.

طريقة الدفع تكون بـ كريديت كارد (فيزا او ماستر كارد) من الموقع و مولازم تكون باسمك يعني عادي تاخذين بطاقة احد من اقاربك ... ما اتوقع يقبلون بطاقة الصراف ابد


و سمعت ناس يقولون انك تقدرين تروحين للمركز وتدفعين له كاش بس ماني متاكد من هالطريقة

واي سؤال انا حاضر

الله يوفق الجعيع