عرض للطباعة
السلام عليكم ورحمة الله وبركاته وبعد
كيف حال الجميع
عندي استفسار بالنسبه للمستندات المطلوب احضارها الى امريكا انا قريت بموقع الملحقيه انو لازم شهادة تطعيم مترجمه وشهادة ميلاد مترجمه ما ادري في احد مر بالمرحله هاذي يفيدنا وين نترجمها وهل هي مطلوبه ولا كلام
السلام عليكم
شهادة التعطيم غالبا تكون عندك مترجمه اصلا بس وانا اخوك جبتها وما خذوها
وشهادة الميلاد جبت صورة منها وعربية وما خذوها بعد اشياء كثيرة معاي ماخذوا الا حاجات بسيطة منها :)
يعطيك العافيه انا بجيبها احتياط بس لو تكرمت ممكن تعلمني ايش الاوراق الي اخذوها منك
بالنسبة للمستندات الي تحتاجها في المطار لحظة وصولك الى امريكا هي الاي توني و جوازك و الفيزا.
واذا شافوا انه اول مره تدخل امريكا بيخلونك تروح مكتب الامقريشن (لاتخاف خخخ كل واحد يسوون له كذا)
واذا رحت هناك بيعطونك اوراق تعبيها وراح يسألونك موظفين الامقريشن كم سؤال (الجلسة في المكتب اخذت مني حول الاربع ساعات بس كانت فله .. ضحك وسوالف مع الموظفين الداجين حقين الامقريشن)
ولما تخلص بيختمون لك الاي توني و بيلصقون الـ i-94 بالجواز .. واتنبه لاتضيع الاي ناينتي فور .. جدا مهم.
اما بالنسبة لشهادة الميلاد فـ ماحد سألني عنها.
وشهادة التعطيمات عادة الجامعة و المعهد راح يطلبونها منك.
واذا انك رايح اريزونا فـ المعهد راح يطلب منك شهادة تعطيم .. اذا هي موب موجوده عندك بيخلونك تتطعم ..لان ما راح تستلم جدولك بدون التطعيمة.
يعطيك العافيه اخوي وماقصرت
وزين انك علمتي عن شهادة التطعيم لاني انا ارسلت اوراقي لجامعه اريزونا وراح توصل الاثنين وبإنتظار الرد
المطار الاي توني الاصلي والجواز والنموذج اللي تعبيه بالطيارة يعطونك 2 كلها 25 دقيقه ومع السلامهــ
وللعلم هذي اول مره ادخل امريكا طبعا تاكد الاب توب اي برامج منسوخة يكون مافيه والافضل قبل لا تجي فورمات
وبالملحقية الجواز وقرار الابتعاث وشهادة الثانوية مترجمه وصورة بطاقة الاحوال والاي توني الاصلي و6 صور شمسية مكشوفة الراس والضمان المالي هذا اللي خذوه
بس بقولك اوراق حطها احتياط
حسن سيرة وسلوك مترجمه
شهادة التطعيم
اتمنى اني ما اكون قصرت معاك
بالتوفيق ان شاء الله وبالسلامهـــ
هذا اللي صار معاي مو تجي وتقول شي ناقص وتقول من عبدالله :P
يعطيكم العافيه وماقصرتو وبيض الله وجيهكم ياشباب والله يوفقكم
الاوراق المطلوبه اول ماتدخل المطار مثل ماقالوا الاخوان الاتوني الاصل +الجواز+i94 ,هذا نموذج تعبيه بالطيارة
وفي المطار ماأخذنا الا ربع ساعه فقط لاتفتيش ولاشيء حتى اللاب توب ماطالعوا فيه ..وفي المطار تلقى شخص معه لوحه الملحقية يوديك للفندق طبعا لازم ترسل ايميل عشان يستقبلوك وماتتوهق الايميل ماني فاكرته بس موجود في المنتدى..وبعدها يودوك لفندق وهناك قبل تاخذ لك غرفة ياخذ الاوراق المطلوبه ويصورها الموظف والصباح تروحون للملحقيه معه ..وشهادة التطعيم والميلاد ما أحد طلبها مننا مترجمه الى الان ,,بس شهادة الميلاد افضل تترجمها لانها مهمه