الحيرتو تاقتولني (وش رايكم باللغة) الرجاء المشاركه ... محتار فيك ياأمريكا

بسم الله الرحمن الرحيم
السلام عليكم ورحمة الله وبركاته

ياخوان والله محتار مره مره مره
مره اقول نيوزلندا ومره استراليا ومره امريكا
بس بصراحه امريكا خرافيه
وان بسوي اللي علي اذا طلعت التاشيره طلعت لها
او سأغير مساري لمكان اخر

مواضيع امركا كثيره جدا وتعبت وانا ابحث
لقيت الكثير الكثير ووجد متناقضات في الردود

انا توجد لدي اهتمامت اخرى واعتقد ان الجامعات كلها قويه
واي مدينه ماتفرق معي الا من ناحية رقي الجامعه وجمالها وهل تفتح النفس
ومن هالقبيل
لكن اللي ودي اركز عليه
وبالاهم ثم المهم ثم الذي يليه
اولا (كل شيء الا الزحمه والانتظار في السياره حتى اصل)
ثانيا (انا احب ارفه عن نفسي احب امارس كرة القدم مثلا اروح السينما وملاهي الالعاب )
ثالثا (الاجواء تكون اجواء مو حر مره هذا اهم شيء
اما البرد فيكون بارد مره بس مو زي كندا 10 تحت صفر و20 و30 و40)
رابعا(التكاليف ويمكن علشان التكاليف مانقدر الا بأسوامكان)
اهم شي رخص السكن والباقي يهون
بالنسبه لأورقن وش استفيد اذا كان مافيها ضرايب اذا كان السكن غالي
هل السكن فيها غالي
بالنسبه لأهيو مدري وش اسمها
يمدحونها كثير برخصها لكنها برد
اما كاليفورينا كثير يحبها بس اذا زحمة انا ماابيها واذا غاليه بعد ماابيها
تشاااااااااااااااااو
اتمنى اجد تعليقات كثيره ابغى اتعب وانا اقرأ
تحياتي ووواشواقي

بالنسبه للفيزه لازم ادفع للمعهد واخذ قبول ثم اقدم على التأشيره
ولا اجيب قبول معهد وجامعه بدون ادفع شي واخذ تأشيره

تجيب قبول معهد ولغة اول يعني قبول جامعة مشروط باللغة
بعض الجامعات تطلب رسوم للتعبئة الابليكيشن حق 50$ تقريبا
وبالتوفيق

انت حاط اسئلتك !! لاهل الخبرره يعني جربوا الععيشه هناك .وانا ما عشت هناك للحين >>>برااا

المهم ..
طلع قبول من معهد .. وعلى اساسه تطلع لك فيزا .. فقط تدفع رسوم التقديم ما تتعدى 50 دولار .
في اليوم الثاني من الدراسه تدفع الباقي لسمستر الدراسي الواحد

وانت في المعهد من الشهر الاول تكلمهم يطلعون لك قبول مشروط من اي جامعه .. واذا ما تحب طلع قبول مشروط وانت هناا
اي جامعه تختارها ضع في خانه رسيرش ( كوندشن ادمشن ) قبول مشروط وبتشوف هل الجامعه توفر قبول مشروط او لا .


انتبه تدفع لشخص يقولك ادفع مقدم للمعهد وخصواصا النصااابين الي في المنتدياات يقول اوفر لاخواني واخواتي وبمبلغ زهيد انتبه رح برجلك لمكتب وخذ ايصال .. وكان الله يحب المحسنين .

لو باسوءا لااحوال وما عرفت تقدم لنفسك اسال افضل جامعه نفس اسئلتك الي فوووق ,, وعط المكتب الاسم وهو يجيبلك فيه .


شكلك طالع على حسابك.. + تبغى ولايه رخييص وكويس!!! هنا المشكله ما تجي بالكيف لازم تتنازل عن شرط ..

بس عموما الولاياااات الوسطى + الشررررقيه = رخص وطبيعه و انطلاق وعيش حياتك .
وارشح لك من خلال احدى زميلاتي

ساوث كرولينا تقول جوها جميل ورخيصه وكل شي 100%

وبعطيك رابط ممتاز لموضوع هنااا يفيدك ... بس ابحث عنه


نهايه ===== اتمنى اجد تعليقات كثيره ابغى اتعب وانا اقرأ
...>>>>ستوفى ردي شرطك او لا؟!

هذا الموضوع بينفعك ... شوف ادخل


http://www.mbt3th.us/vb/forum60/thread194042.html

سن ووب

بارك الله فيك
ردك كان مفيد الله يعطيك العافيه

خريجة ضايعه اسمك اعجبني واحس في معاناتك
ووالله اني استفدت من ردك كثيروكان بالنسبه لي اضافه

وموضوع 6 شهور قرأته كامل

وانا في خاطري ان الموضوع يصير كبير والردود اكثر
بغض النظر عن اسألتي وشروطي
انا متأكد راح يستفيد منه الكثير
مبتعث (نعمة وانتم نعمه اشكركم حبايبي)

خريجه ضايعه (بإذن الله سيكون الضياع تجربه وخبره واستعداد لأنطلاقه كبيره ويارب اسمع عنك اخبار حلوه وان شاء الله تبشرينا عبر هالموقع بأنك وصلتي لمبتغاك الله يوفقك)

اقتباس:

---

المشاركة الأصلية كتبت بواسطة مواطن يفكر

خريجة ضايعه اسمك اعجبني واحس في معاناتك
ووالله اني استفدت من ردك كثيروكان بالنسبه لي اضافه

وموضوع 6 شهور قرأته كامل

وانا في خاطري ان الموضوع يصير كبير والردود اكثر
بغض النظر عن اسألتي وشروطي
ا


خريجه ضايعه (بإذن الله سيكون الضياع تجربه وخبره واستعداد لأنطلاقه كبيره ويارب اسمع عنك اخبار حلوه وان شاء الله تبشرينا عبر هالموقع بأنك وصلتي لمبتغاك الله يوفقك)

---

اهم شي استفدت من الرد .. وفعلا احنا محتاجين اهل الخبره ,, يحطون تكاليف وطبيعه الولايه الي هم فيهاا للفايده طبعاا ,,

بس مدري احس ما حولك احد :sleep3:,, الي يوصل امريكا ينسف المنتدى !!:dry:
بس امثالنا متواجدين >>> يارب اطلع غلطانه

اما اسمي .. الحمد الله والله ماني ضايعه ههه.. بس كان نتيجه حدث معين وودي اغيره بقدم على الاحوال في مبتعث يغيرونه لي !!

up

آب

والله ما اقدر افيدكم عن امريكا لاني في استراليا وودي اكمل في امريكاااااا
مو عشان شي الدراسة حلوة هنا برضو بس ودنا نغير

على حسب كلامك توكل على الله ورح لنورث كارولينا مدينة تشارلوت
رخيصه ... جامعه ممتازه .... مدينة راقيه .... وموقعها منتاز