استفسار الي يعرف شي عن معهد.kaplan internationa في لوس انجليس

اخي العزيز
اشكرك على طرحك لهذا الموضوع الاكثر من رائع
انا الان عندي قبول من معهد كابلن فرع واشنطن وانا ان شاء الله سوف اطلع على حسابي ثم انضم للبعثة
لكن سوالي هل هذا المعهد مغلق لتكدس ام لا ؟ لان الكلام كثر على هذا المعهد بانه مغلق للتكدس ....

لا أعلم اذا المعهد مغلق لتكدس الطلاب او لا ولكنه سيء من ناحية تعليم اللغة الانجليزية لانه في الاساس مركز اختبارات مهنية مثل GRE و GMAT وما شابه.


لاني انا بنفسي راسلت الدكتور منير العتيبي رئيس القبول في الملحقية بواشنطن وقال لي بان هذا المعهد ليس عهد لغة بل انه مركز للاختبارات....

وهو صادق انا درست فيه لغة صراحة ولا ببلاش، يعني من جد حرااااام الفلوس اللي اندفعت فيه، هو للقادم سياحة وليس لتكملة دراسته.

ارجو ان تفيدني عاجلا او يفيدني احد عضاء المنتدى
واسال الله لي ولكم التوفيق,,,,,,,

أختي،

أنا خلصت مرحلة اللغة في كالفورنيا والجامعة تخرجت من كولورادو، فانشاء الله اني اقدر اساعدك باللي اقدر عليه.

قبل لا اقترح المعهد، اريد ان اعرف مستواك في اللغة الانجليزية، ضعيف، جيد، جيد جداً، ممتاز؟

هل تمانعين بكثرة السعوديين سواء في المدينة او المعهد؟

هل عندك مشكلة لو مدينة او صغيرة او متوسطة او لازم مدينة كبيرة؟

الله يوفقك اخي ...ويريح بالك ..والله من جد احتاج احد يدلني على شي محدد...شوف بالنسبه للمستوايه في اللغه بين ضعيف وجيد ..و
.يفضل يكون سعوديين قليل وذا ما فيه ...عادي يكون كثير ماعندي مانع ..ماله داعي اتشرط
المدينه مو مشكله...اهم شي الامان والجو يكون دافي جدا وفيها مراكز صحيه كويسه لاني اعاني من( حاله صحيه معينه) واخاف احتاج لاقدر الله ...فلازم يكون فيها ...هذا اهم شي ..

والله يعطيك الف الف عااااااااااافيه..

جزاك الله خير والله يوفق الجميع،

لماذا يا اختي سالت عن مستواك لهدف، الا وهو ان اغلب السعوديين يتكدسون في المستويات المتدنية في المعاهد. فانا كنت مخطط اقتراح معهد جامعة سان ديجو ستيت، لانه قوووووي جداً واغلب المدرسين معهم ماستر. ولكن عيبه ان السعوديين كثير فيه، هذا في سان ديجو، اما في لوس انجلس مثل ما سمعت، ان معهد UCLA من اقوى المعاهد في لوس انجلس برضه مليان سعوديين، ولكن انا صراحة افضّل معهد UCLA لان لوس انجلس فيها مراكز صحية على مستوى راقي جداً تناسب حالة اخوك الله يشفيه ويعافيه من مرضه وأيضا مستشفى UCLA من اقوى المستشفيات في الولاية.

UCLA = University of California at Los Angeles


أيضاً يوجد معهد آخر قوي في لوس انجلس وهو معهد تابع لجامعة جنوب كالفورينا
University of Southern California

ولكن مهم جداً ان تبعدي عن المعاهد التجارية مثل كابلن و ELS و ELC وغيرها الكثير.



أي سؤال ثاني أرجو عدم التردد

بدر

بااااااااااااارك الله فيك وزادك خير وسعاده.اخي بدر....كذا تمام التمام....على كذا انا ممكن اختار معهد UCLA....وبشوف بعد معهد جامعة سان دييقو
لانه واضح من كلامك انه قويه..بس اخاف ان لغتي تكون في البدايه جدا ضعيفه وما اقدر اجاري الوضع هناك
يا أختي انا يوم رحت لأمريكا اعرف 4 - 5 كلمات من ضمنها يس و نو وهوار يو وهاو متش؟ وصارت لي قصة في المطار - باقولها باختصار - شنطتي ضاعت واريد ان اشرح لموظفة الطيران ان شنطتي ضاعت، تعرفين من اللغة البطرانة اللي عندي، ما عرفت اشرح لها الا بالاشارات طبعاً بعد ما انبّح حلقي
لذلك لا تخافي انا معك في البداية بيكون فيه صعوبات لكن صدقيني من خبرة انها اول كم يوم وبعدين خلاص لان الامريكان متعاونين جداً وحبوبين بشكل عام.


يعني هل تناسب مستويات مختلفه من اللغه.؟؟..وبيتفيدني بعدين لما ابداء جامعه,,؟؟؟ وهل ممكن القى سكن قريب من المعهد ..؟؟
نعم تناسب مستويات مختلفة من اللغة، لانه راح كل شخص يكون له مستواه فمن الممكن ان تكوني انتي واخوك في مستويين مختلفين على حسب اختبار تحديد المستوى في اول يوم دراسة. أكيد بتفيدك اللغة بعدين في الجامعة ولكن ابذلي قصارى جهدك في اللغة ترتاحي في الجامعة وهذا اللي انا عملته وارتحت يوم بديت الجامعة. أما بالنسبة للسكن القريب فوالله لا أعرف ولكن اذا قررتي اي معهد من الممكن ان نبحث عن سكن قريب، ما اتوقع انها راح تمثل مشكلة.

ادري اسالتي تطفش ....اسفه
لا أريد منك إلا الدعاء في ظهر الغيب وطفشيني مثل ما أنتي عايزة

طيب اخوي اذا ما عليك امر ممكن تجيب لي رابط الموقع تبع معهد UCLA الي ممكن اسجل من خلاله ...؟؟
https://www3.uclaextension.edu/index.../alc/index.cfm



وبعد رابط موقع معهد جامعة سان دييقو
SDSU | American Language Insitute



ادري والله اني اكلف عليك اعذرني بس قلت اشوف الاثنين والله يسهل
أختي الكريمة، لا يوجد كلافه ولا شيء كلها ضغطت كي بورد


وبالعكس حلوووو انك تشوفي المعهدين وبعد المقارنة تقرري أي واحد يناسبك، والله يوفقك أياً كان قرارك.


بالنسبه للخطوره في لوس انجلوس ..هي الي تخوف صراحه ...لان اخوي الي معي اصغر مني فما ابغى يتعرض لاي اذى لاقدر الله..
والله يا أختي، التفائل مطلوب في مثل تلك الحالات، يعني الواحد في رأيي اذا مشى عدل وابتعد عن الاماكن المشبوهة فبإذن الله لن يتعرض الى شيء.

فيه حركة انا عملتها اول ما وطأت قداماي بلاد العم سام وتحديداً مدينة سان ديجو، اول يوم سالت المعهد وقلت لهم: ما هي الاماكن التي تنصحون الطلاب بالابتعاد عنها؟ اعتقد هذا السؤال كفيل الى حد كبير ان يحميك من الذهاب الى الاماكن المشبوهة ولو بالغلط.

والف الف شكر ...
لا شكر على واجب والله ييسر اموركم انتي واخوك.

سؤال اخير : بالنسبه لحالة اخوي ..هل تعرف احد من المبتعثين مصاب بهذا المرض وعايش هناك طبيعي لاني اخاف عليه كثيييييييييير ..؟؟
والله صراحة أتمنى إفادتك عن موضوع أخوك ولكن لا أعرف أحد المبتعثين مصاب بنفس المرض، فعذراً لا أستطيع أن أفيدك. و أسال الله أن يشفي اخوك من مرضه وجميع امراضه وجميع مرضى المسلمين

الف الف شكر اخي بدر الله يوفقك ويرفع قدرك دنيا واخره
لا شكر على واجب أختي المتوكلة على الله، ويرفع قدرك أيضاً.

كلامك بالفعل يخليني اطمئن ماشاء الله عليك ..كلامك كله عين العقل ....
وهذا المطلوب انك تكونين مطمنئة ومرتاحة لاني حصل معي نفس شعورك مع اختلاف المسببات.


وانا دخلت على رابط معهد لوس انجلوس بس لقيت ابليكيشن تبع 2010 وانا ناويه احط تاريخ الدراسه على شهر ابريل 2011....وكل التواريخ الي موجوده تبع 2010 زي ماقلت لك....فيه مجال الحين اسجل على 2011 ولا لازم ينزلون الابلكيشن الجديد على السنه الجايه....
والله ما أدري ما انتبهت، طيب خليني أشوف طريقتهم واذا ما لقيت راح استفسر عن طريق المعهد مباشرة.

شوف بتتعب معايه .الله يعينك .....لكن بدعيلك في رمضان بكل خير
التعب يهون يا أختي عند حاجتين دعواتك وايضاً عند رسم ابتسامة على محيا انسان. أي والله انا من جد محتاج دعواتك فلا تنسيني واللي يرحم والديك.

لانك بالفعل دليتني وانا كنت تايهه الله يحفظك....
أنا كنت مثلك اول ما رحت ضايع ولكن الحمدلله تيسرت الأمور وعشان كذا انا ودي انك تضبطين امورك كلها من السعودية أفضل لك عشان اذا وصلتي تكونين مركزة على دراستك وعلى اخوك ايضاً.

اخوي بدر كل عام وانت بالف خير ...الله يغفرلنا ويرحمنا ويعتقنا من النار في هذا الشهر الفضيل ...يارب
أختي المتوكلة على الله، الشهر مبارك عليك وكل عام وانتي بصحة وسلامة والله يتقبل صيامك.



اذا بتشوف الموقع والابليكيشن ...وترد علي ...واذا ماتقدر خلاص احاول ارسل لهم ايميل واسالهم عن التسجيل في 2011..
ايش رايك..ممكن احصل على رد منهم بسرعه..؟

أنا اطلّعت على الموقع ولكن لم اجد أي معلومات تخص السنة القادمة 2011 فاتصلت فيهم وقالوا ان معلومات 2011 غير متوفرة وبتنزل على شهر سبتمبر (9) 2010 يعني كلها شهر من الآن ان شاء الله فالله يصبرك ولا يمنع انك تذكريني على شهر 9.