مساعدة على الطاير (سؤال مهم)

و عليكم السلام

النظام ما يسمح إصدار أوراق I-20 للطالب قبل ما يثبت للجامعة أو معهد اللغة انك تستطيع تتحمل جميع تكاليف الدراسة و المعيشة لمدة سنة واحدة على الأقل، سواءً تدفع التكاليف بنفسك أو شخص آخر يدفعها عنك أو عن طريق منحة مثل البعثات.. إلخ. المهم انهم يعرفون إنك ما راح تكون عالة على النظام هناك بسبب عدم توفر المال.

الحد الأدنى المطلوب يكون موضح في موقع الجامعة/معهد اللغة أو ضمن شروط القبول. يعني لو مثلاً طلبوا منك إثبات توفر 30،000 دولار لك في السنة، لازم يكون هذا المبلغ عندك و إرسال ما يثبت ذلك (شهادة بنكية، كشف حساب، ضمان مالي، ..) و إذا تم قبولك راح يكون المبلغ مكتوب على الـI-20 مع المبلغ اللي أنت فعلاً قدمت إثباته للجامعة أو معهد اللغة. و السفارة قد لا يكتفون بالتأكيد المسجل في الـI-20 و يطلبون إحضار ما يثبت ملاءتك المالية وقت المقابلة في بعض الأحيان.
يمكن تصير تجاوزات عند الجامعات أو معاهد اللغة و يسمحون بمبالغ أقل (لا أعلم عن حالة مشابهة؟) لكن حاول تمشي في السليم قدر الإمكان أفضل لك لأن المبلغ المحدد راح تصرفه فعلاً فترة سفرك للدراسة. و يمكن صاحبك اللي معاه 5000 دولار فقط حصل أحد يساعده بضمان مالي، أو يمكن كان رايح على معهد لغة فترة قصيرة، و التكلفة كانت بسيطة و هذا معقول..يمكن! ما أدري!

لكن النظام هو انك توفر مبلغ لا يقل عن ما تطلبه منك الجهة التعليمية و هو يشمل تكاليف الدراسة و المعيشة و جميع المصاريف لفترة سنة دراسية واحدة عادةً. و المبلغ عادةً لا يقل عن 100،000 ريال في السنة لكن مو بالضرورة، لأن المصاريف تختلف كثير بين الجامعات و المعاهد و المناطق. و إذا كان قبولك على معهد تعليم لغة بس فالمبلغ في الغالب يكون أقل.



بالنسبة للسؤال الثاني فأنا لا أعلم عن وجود برنامج "فاونديشن" في الجامعات الأمريكية، لكن بالنسبة للتخصص اللي أنت ترغب فيه "الهندسة الكهربائية" المتطلبات المعتادة هي:
1- التخرج من الثانوية مع دراسة مواد متنوعة منها العلمية الفيزياء الكيمياء و الرياضيات "الجبر، الهندسة، المثلثات، الحساب" يعني شهادة الثانوية العامة من السعودية كافية تماماً. في الغالب يوجد حد أدنى للدرجات أو النسبة و هذي تختلف بين الجامعات.
2- الكفاءة في اللغة الإنجليزية و تقدر تثبت هذي بعدة طرق منها الحصول على درجة فوق الحد الأدنى اللي تطلبه الجامعة في اختبار التوفل، أو تقدر تطلب قبول مشروط بإنهاءك برنامج لغة إنجليزية في أحد المعاهد.
3- إذا لم يتم إثبات الكفاءة في بعض المواد مثل الفيزياء و الرياضيات، قد تضيف لك الجامعة مواد تأهيلية، مثل دراسة الرياضيات في الجبر و علم المثلثات قبل البدء في الحساب 1 و الحساب 2 .. إلخ (يمكن هذا اللي تقصده بالفاونديشن؟). و هذا تحدده درجاتك في الثانوية أو اختبارات تحديد المستوى اللي تسويها الجامعة، أو اختبارات قياسية مثل SAT و ACT اللي أنصحك تاخذ واحد منها مع التوفل إذا مستواك في الرياضيات و الإنجليزي جيد (هي في منزلة اختبار القدرات عندنا لكن باللغة الإنجليزية).

لكن انتبه ان الشروط تختلف بين جامعة و جامعة و بين برنامج و آخر. لازم تعرف شروط الجامعات الي أنت مهتم فيها و الكلام اللي قلته فوق مجرد مؤشرات عامة لا تعتمد عليها كلياً.

أنا ما أعرفك و لا أعرف مستواك العلمي لكن نسبتك يمكن منخفضة شوي و صعب تنافس فيها على القبول في تخصصات الهندسة خصوصاً في الجامعات التنافسية، لكن هذا الشي مو مستحيل أبداً خصوصاً إذا كنت جاد، و تقدر توري الجامعات جديتك إذا حققت مستويات عالية في اللغة و المواد العلمية، و مثل ما قلت لك، إذا تقدر تجيب درجات جيدة في اختبار التوفل و اختبار مثل SAT، بيسهل لك القبول كثير.

و على أي حال ترى الجامعات في أمريكا كثيرة جداً و موجود شي لكل واحد، المهم أنت دور ولا تيأس.

بالتوفيق.

مشكور على النصيحه خيتو وماقصرتي وكلنا ان شاء الله ممن اتبع الهدى

واشكرك على الرد الرائع ( ودائما تضيفي لي اختي خريجه)

كان ردك اكثر من رائع
ومو كل واحد جاب نسبه لاينافس او لايستطيع المنافسه(يمكن كانت ظروف ويمكن كان طيش)
ردك كان مفيد جدا
نعم انا اقصد بالفاونديشن

إذا لم يتم إثبات الكفاءة في بعض المواد مثل الفيزياء و الرياضيات، قد تضيف لك الجامعة مواد تأهيلية، مثل دراسة الرياضيات في الجبر و علم المثلثات قبل البدء في الحساب 1 و الحساب 2 .. إلخ (يمكن هذا اللي تقصده بالفاونديشن؟


وانا ابغى اطلب من اي جامعه اني ادرس من جديد رياضيات وفيزياء والمطلوب في تخصص
وهذا مفيد لي خصوصا انا درسنها باللغة العربيه

وعليكم السلام ورحمة الله

اخوي اللي اعرفه امريكا مافيها فاونديشن

الاورينتيشن ويكون يوم واحد او اسبوع للتعارف وتخلص اجراءات التسجيل...

اذا عديت التوفل تدخل فريشمان على طول واذا في مواد تحتاجها بسبب ضعف في المستوى الاكاديمي تضاف لك مع سنة الفريشمان

يعني محسوبة عليك في الكريدت

الفريشمان يعني كيف زي السنة التحضيريه

أول 30 ساعه تقريبا يعتبر فريشمان بعدها ينتقل الى سافمور ثم جينير و اخيرا سينير

الضمان المالي شي و اللي تقدر تسافر فيه شي اخر
عند تقديم طلب قبول جامعي يطلبون ما يثبت مقدرتك على دفع التكاليف وكذلك عند تقديم طلب الحصول على فيزا لدخول الاراضي الامريكيه .
الحل :
تاخذ ضمان مالي عن طريق كشف حساب بمبلغ كبير عن طريق حسابك او ابوك او اخوك وماهو شرط يكون عندك هالمبلغ .
وبالتوفيق

الله يعين والله امريكا معقده
لكن يمكن الحياه فيها اجمل والجامعات يمكن تستاهل كل هالتعب