وش رايكم في الإبتعاث لدراسة اللغة في معهد ELS
السلام عليكم ورحمة الله وبركاته
ياشباب انا داخل على الله ثم عليكم
انا حاليا ادرس في معهد لغة في الرياض ELS
وكلمت الموظف حق الإبتعآث
يقول عندنا 50 معهد في امريكا
45 داخل جامعه و 5 خارج الجامعه << وش الفرق
وفي مناطق مختله في امريكا
وسئلته وش افضل الماطق قالي علمي علمك
شباب وش رايكم في المعهد + وش افضل المناطق دراسه
من ناحية الأمان و الرررررررخص والسكان
وبعدين لو حبيت احول على حساب الدوله كم يبيلي من شهر
ولكم المايك :fireman:
رد: وش رايكم في الإبتعاث لدراسة اللغة في معهد ELS
9 مشاهد
ولا رد :(
وش ذا التحطيييييييييييييييييييم
رد: وش رايكم في الإبتعاث لدراسة اللغة في معهد ELS
والله يا أخي الفاضل، ابعد عن ELS اذا انت رايح بتكمل بكالوريس او دراسات عليا لان المعهد حق سعة صدر وفلة حجاج، أخوي افضل انك تروح معهد تبع جامعة ولا يلعبون عليك ELS ويقولون لك رح لاحد معاهدنا اللي داخل الجامعات لان النظام واحد عندهم. اما انت رايح سياحة فاقوووول رح للـ ELS ولا تشاور.
ربي يوفقك
رد: وش رايكم في الإبتعاث لدراسة اللغة في معهد ELS
لاعاد وش فيه معهد ELS
انا مقبوله فيه ودراستي 11/10/2010
وبكمل ماستر مختبرات طبيه
يعني ابد ماتنصح فيه
رد: وش رايكم في الإبتعاث لدراسة اللغة في معهد ELS
اقتباس:
المشاركة الأصلية كتبت بواسطة عبير ال
لاعاد وش فيه معهد ELS
انا مقبوله فيه ودراستي 11/10/2010
وبكمل ماستر مختبرات طبيه
يعني ابد ماتنصح فيه
شوفي عبير، معهد ELS ما اقوووول انه سيء جداً ولكن ليس للطلاب اللي بيدرسون بكالوريس او مثل حالتك ماستر، لان النظام عندهم مخصص للسياح، يعني كل نهاية اسبوع طلعة غير النشاطات خلال الاسبوع والحسنة الوحيدة اللي فيه انه يطور التحدث عندك فقط ولكن انتي كذا كذا متكلمة انجليزي لانه بتعيشين في البلد.
يعني يا عبير، انتي محتاجة معهد يطور مهاراتك في الكتابة والقراءة والاستماع لان هذه المهارات هي التي سوف تحتاجينها خلال دراستك للماستر، تريدين ان تكتبي بحوث وتستمعي للمحاضرات في الجامعة وتقرئي كتبك الجامعية وفي معهد ELS لن يطور تلك المهارات.
اذا انتي طلعتي الفيزا فالافضل انك تغيرين المعهد من هناك، ولكن نصيحة اذا ما ما طلعتي الفيزا فالاحسن ان تغيرين الى معهد من السعودية والخيار في النهاية لك. أو فيه خيار آخر، ان تروحين شهر الى شهرين في الـ ELS عشان توسعين صدرك تعرفين اول الواحد ما يجي بلد ثاني أنواع الغربة ويحن لأهله ويكون فاقدهم فمحتاج شيء يوسع صدره ومن بعدها تبدأي مرحلة الجد.
ربي يوفقك
رد: وش رايكم في الإبتعاث لدراسة اللغة في معهد ELS
لو سمحت اخوي
من فين اجيب اسماء المعاهد المعتمدة
وكيف اعرف ازا الجامعه اللي اخترتها معها معهد
رد: وش رايكم في الإبتعاث لدراسة اللغة في معهد ELS
اقتباس:
المشاركة الأصلية كتبت بواسطة jemo
لو سمحت اخوي
من فين اجيب اسماء المعاهد المعتمدة
وكيف اعرف ازا الجامعه اللي اخترتها معها معهد
أختي،
آمل فضلاً الدخول على رابط موضوعي في الأسفل:
http://www.mbt3th.us/vb/forum8/thread198881.html
بالنسبة للجامعات في أمريكا اغلبها يوجد بها معاهد لتدريس اللغة، ولكن بعض الجامعات (وهي قلّة) يكون بها معاهد تجارية مثل ELS وغيرها فآمل الانتباه انه يكون معهد تابع للجامعة نفسها.
ربي يوفقك واي سؤال ثاني لا يردك الالسانك
رد: وش رايكم في الإبتعاث لدراسة اللغة في معهد ELS
اخوي ملكهم
معهد els من عيوبه انه يحتاج تضغط على نفسك شوي وتجتهد بنفسك >>> يعني يعتمد على الطالب بشكل كبير
واغلب المعاهد بهذة الطريقة.
لكن انا اعرف واحد من الشباب خلص من المعهد وبتفوق ماشاء الله عليه وهو مبسوط منه جداً . مع العلم انه يقول ان المعهد ماكان الافضل . لكن للي بيجتهد بيلقى نتيجة .
بصراحة ناس هنا في السعودية وفي معاهد عادية جداً تعلموا اللغة الانجليزية وجابوا التوفل بعد .
مميزاته :
- المستوى الواحد مدته شهر (انا بالنسبة لي ميزة) يعني المستوى 12 تقدر تجيبه في سنة كاملة اذا بدأت من الصفر .
- سعره متوسط (معقول) .
- فروعه كثيرة ويمكن تغير من ولاية الى ولاية ومن مدينة الى مدينة بسهولة .
- واخيراً شهادته تيغنيك عن التوفل وتفتح لك المجال والخيار في مجموعة كبيرة جداً من الجامعات .
هناك معاهد افضل منه بكثير . اذا حصل لك ولقيت معهد افضل وسمعته افضل ومناسب لك من كل الجوانب ..اقولك روح له
لكن انا في رأيي انه ماهو سيء للدرجة هذة (كل السعوديين يسبوا فيه) مادري ليه . هو يحتاج شيء من التركيز والاجتهاد .
واستخير قبل كل شيء والله يوفقك .
رد: وش رايكم في الإبتعاث لدراسة اللغة في معهد ELS
يعطيكم العافيه
طيب ياشباب اللي مامدح ELS
عطني البديل
؟؟؟؟؟؟؟؟؟؟؟؟؟؟؟؟
رد: وش رايكم في الإبتعاث لدراسة اللغة في معهد ELS
والله يا أخوووووي البدائل كثيرة جداً ولا تحصى، ولكن أنا باختصر عليك الموضوع غالبية المعاهد التابعة للجامعات مناسبة لدراسة اللغة.
على فكرة، هل في ولاية او جامعة معينة في راسك؟