استفسار الله يسعدكم ويحقق امانيك في ليله رمضان , ساعدوني

ماهي جهة ابتعاثك؟ هل هي الوزارة المرحلة السادسة ام انك معيدة بجامعة الملك سعود؟

هل طلعت لك بعثة وترتبين اوراقك ام انك لسا ماخلص قرار ابتعاثك؟

بالنسبة للتوصيات الافضل تكون من دكاتره لكن مو ضروري، بالنسبة للمحرم الوالدة مايصلح تصير محرم اخوك يصير هو المحرم واذا كان طالب اصلا فمارح يجيكم راتب مرافق لانه مبتعث كمان، اذا كانت الوالدة ماعندها احد بالرياض يقدر اخوك يطلع صك اعالة من المحكمة عشان تجي على حساب الملحقية وينزل لها راتب مرافق غير كذا مايعطون

بالتوفيق

جهه الابتعاث الي قدمت عليها الوزاره المرحله السادسه
لا لسا ماخلص قرار ابتعاثي
استنا القرار
بس المفروض اسوي شي ؟ ولا استني القرار

الله يسعدك اختي ويوفقك ويحقق لك ماتتمنين يارب

والقبول اختي حق الجامعه انا سمعت ان الوزاره تجيبهه هل هذا صحيح ؟ ولا انا الي اجيبه ؟

قبول الجامعه للماستر اتوقع انتي تجيبيه هادا اللي سمعته
ربي يوفقك ويسهلها لكي ^_^
دعواتك

وراح يوفرو لك قبول ثاني او يعتمدو قبولك في حاله انك انت جبتيه بنفسك

وو بالنسبه للمحرم انا اخوي يدرس بامريكا وان شاءالله ان ربي كتب بروح عنده اكمل معه ومعي
الوالده

اكتب في خانه المحرم اسمها ولا اسمه ؟؟

وكيف الطريقه عشان ينزل لها رراتب المرافق

بالنسبة للمحرم كما افادتك الاخت SARAH A بان الوالدة لا تعتبر محرم واقتبست لك سؤال من ضمن الاسئلة الشائعة في موقع الوزراة,

س24 / إذا كان المرافق المتقدم يشغل وظيفة حكومية، ما المطلوب منه تجاه ذلك؟

ج/ بعد صدور قرار الطالبة يمكنها الحصول على إفادة من إدارة برنامج البعثات تفيد بأنها مبتعثة و أن مرافقها ( أب، أخ، زوج، ...) بحيث يستطيع المرافق تقديم هذه الإفادة لمقر عمله.
وهذا اقتباس من خبر نزل بصحيفة الوطن السعودية
بيوم الأربعاء 7 محرم 1429هـ الموافق 16 يناير 2008م العدد (2665) السنة الثامنة على لسان مصدر مسؤول من وزراة التعليم العالي

وبين المصدر أن مسألة المحرم تكاد تكون غير واضحة لأولياء الأمور، وأوضح أن المحرم يقتصر على 4 أقارب فقط وهم : الابن والزوج والأخ والأب، أما الخال أو العم فلن تتم الموافقة عليهما إلا بمخاطبة الوزارة عن السبب في عدم مرافقة أحد من المحرمين الأربعة المذكورين.

الله يعطيكم العافيه
بس للاسف ما انقبلت بالبعثه اليوم جاني ايميل اني ما انقبلت لان الشروط ماتنطبق علي :\
اتوقع عشان معدل 3,45
بس ياله الحمدلله يمكن خيره
مشكورين اخواني