اخواني السلام عليكم ورحمة الله وبركاته وبعد
ابارك لكم الشهر الكريم
جاني ترشيح مبدئي من برنامج خادم الحرمين المرحلة 6 وما عندي جواز سفر علما ان التدقيق بعد اسبوع من الان فما الحل؟
افيدوني جزاكم الله خيرا
ودمتم بود
عرض للطباعة
اخواني السلام عليكم ورحمة الله وبركاته وبعد
ابارك لكم الشهر الكريم
جاني ترشيح مبدئي من برنامج خادم الحرمين المرحلة 6 وما عندي جواز سفر علما ان التدقيق بعد اسبوع من الان فما الحل؟
افيدوني جزاكم الله خيرا
ودمتم بود
هلا اخوي الف الف ممبروووك..اخوي اتوقع لازم من جواز السفر ترى ماياخذ وقت في الجوازات ان شاء الله ثاني يوم تاخذ الجواز واذا كان عمرك تحت 21 لازم احضار ولي الامر .. الله يوفقك يااارب .. ان شاء الله الدوائر الحكومية تشتغل في رمضان.. ان شاء الله الاخوان يفدوونك اكثر يارب
في يومين يكون جااهز إن شاء الله .. و بالتوفيق ياارب
وعليكم السلام ورحمة الله وبركاتة
اخوي الجواز سي اساسي في التدقيق
طلع الجواز , بنفس اليوم يطلعونه لك " سدد الرسوم والمخالفات + عبي النموذج + الصور " وقدمه على الجوازات وراح يطلع بنفس اليوم بإذن الله
دعوااااااااتك
ياعزيزي الجواز مثل ماقالو ماياخذ وقت انا اسمي بالوثيقه يختلف عن الجواز بالرغم ان جوازي باقي عليه 3 سنوات ع الانتهاء الا اني بجدده بنفس الاسبلينق بالوثيقه اسفه اني كتبت موضوعي بالردود
بس مارضى ينزل موضوعي واتمنى الرد
السلام عليكم
مرحبا اخواني واخواتي عندي استفسارات
انا جاني قبول مبدئي للابتعاث للمرحله السادسه لاكمال الماستر
كل شي جاهز الوثيقه والسجل والجواز
بس سمعت قالو لازم الثانويه العامه اترجمها مطلوبه
ابي اتاكد وثاني شي ابي معلومات وش المطلوب يكون جاهز وكيف اراسل الجامعات
ولازم بمرحلة التدقيق يكون معي قبول من جامعه لان الفتره اسبوع واظن مايمدي
واخترت 3 دول للسفر امريكا وايرلندا وكندا
وماحددو لي اي دوله تم قبولي فيها
معليش كثرت اسئله بس ماني فاهمه وش اسوي ومرره خايفه تضيع مني الفررصه كنت انتظر هالفرصه على احرر من الجمر
وعليكم السلام ورحمة الله
علينا وعليك بالبركة
زي ماقالو لك الشباب قبلي الجواز تقدر تطلعه بنفس اليوم روح لهم من الصبح واشرح لهم ظروفك انك مبتعث وتحتاج الجواز ويطلعوه لك بنفس اليوم
بس اتمنى انه يكون عندك بطاقة الاحوال المدنية الجديدة لان من شروط اصدار الجواز انه يكون عندك بطاقة الاحوال الجديدة
واذا كانت مو عندك للجوازات عشان يعطوك ورقة انهم طالبين البطاقة الجديدة وتوديها للاحوال عشان يستعجلو اصدار بطاقة الاحوال
بالتوفيق ان شاء الله يالغالي بس اكسب الوقت ومن يوم السبت روح خلص امورك
بعد اذن صاحب الموضوع اخوي $ T F E $ راح ارد على الاخت مشمشه
اقتباس:
بس سمعت قالو لازم الثانويه العامه اترجمها مطلوبه
لا اختي انا كنت السنة الي فاتت مقدم ع المرحلة الخامسة ومشيت معهم لااخر لحظة وتركتهم لاني انقبلت معيد بالجامعة
ولا ترجمة الوثيقة حق الثانوية ولا شي وحتى ماعملت مثل ماعملوا كثير من الشباب لما طلعو اشاعة انه لازم تترجمها وتصدقها من وزارة الخارجية
اقتباس:
ابي اتاكد وثاني شي ابي معلومات وش المطلوب يكون جاهز وكيف اراسل الجامعات
ولازم بمرحلة التدقيق يكون معي قبول من جامعه لان الفتره اسبوع واظن مايمدي
الوزارة راح توفر لك قبول انت لاتهتمي بهالموضوع
بالنسبة للمطلوب اذكر كان طالبين جواز السفر وبطاقة الاحوال او بطاقة العائلة بالنسبة لكم وطالبين بطاقة المحرم وجواز سفره طبعا لازم تجيبي معك صور من كل شي
وتجيبي معك طبعا الوثيقة حق البكالوريوس هذي لازم تكون باللغة الانجليزية واذا كانت الجامعة الي انت تخرجت منها ماتوفرها بالانجليزي تقدري توديها اي مكتب ترجمه معتمد ويترجموها لك وتجيبيها معك
ومطلوب السجل الاكاديمي بالانجليزي بعد وثلاث توصيات وبعد شهادة حسن سيرة وسلوك بالنسبة للسيرة والسلوك عادي تكون عربي
وطالبين بعد تطبعي استمارة التسجيل حقك من الموقع
وفيه استمارة حق التقديم على الجامعات الاجنبية تعبيها وتطبعيها مرفقها لك بالاسفل تعبيها وتطبعيها وتجيبها معك واذا فيه اي استفسار لا تترددي وانا اخوك
وطبعا بالنسبه لك تجيبي معك اقرار من ولي الامر
هذي هيا الاشياء المطلوبه
اقتباس:
واخترت 3 دول للسفر امريكا وايرلندا وكندا
وماحددو لي اي دوله تم قبولي فيه
الي اذكره السنة الي فاتت انه كل طلاب الماجستير تم قبولهم على الرغبة الاولى
الي عدلو في رغباتهم بالمرحلة الخامسة طلاب البكالوريوس وغيرو للبعض رغباتهم الاولى والثانية والثالثه
وبالتوفيق ان شاء الله
اضفت لك صورة فيها الاوراق المطلوبة بالضبط
هو نفس النموذج اللي راح يعطوك بيوم التدقيق عشان تشيكي ع اوراقك وقت التدقيق
http://www.mbt3th.us/vb/watermark.ph...139alsh3er.gif
مرره اسفه اخوي tfe
عشان استغليت موضوعك بس عيا ينزل ل ي موضوع خاص
والله يوفقني وياك لان كلنا بنفس المرحله يارب تتسهل امورنا لان انا مثلك نفس المشكله وبغير جوازي السبت باذن الله
وبالنسبه للاخ احمد السعوديه
الف شكر على الرد وجعله الله بميزان اعمالك
لانك ريحتني الله يريحك كنت مره احاتي الشهاده وكيف اترجمها
طيب بالنسبه للجامعات والولايات وين تنصحوني انا تخصصي نظم معلومات اداريه
واخترت اكمل في التامين بتخصص ان شاءالله ادارة مخاطر وتامين
انصحوني في كولورادو بجامعه او مقاطعه دنفر والله ماني عارفه
اتمنى مشورتكم :)
واكرر اسفي للاخ
tfe