استفسار من سكان الرياض ارجوو المساعده
السلام عليكم, كل عام وانتم بخير وينعاد عليكم الشهر بالصحه والسلامه
ياالربع بعد البحث في النت مالقيت الجواب ..
انا جاي للرياض عندي مراجعه في وزارة التعليم قسم الابتعاث وحبيت منكم تساعدوني القى سكن يومي غرفه او فندق لمدة يومين ثلاثه بسعر مناسب يعني من الـ 50 الى الـ 100 وفوق شووي في منطقه تكون قريبه او حول منطقة الوزاره والسفارات
واذا كان مستحييل يكون بمنطقه مشوارها ماياخذ ساعات .. سمعت منطقة الراجحي هل هو قريب ولابعيد
مشكورين اخواني ولكم مني ان شاالله دعوات في هذا الشهر لكريم
رد: استفسار من سكان الرياض ارجوو المساعده
الله يحفظك الاسعار هذي اكثر شي تكون في البطحاء
ولكن شوف الروضه مخرج 10 الملك عبدالله اتجه شرق واول اشارة تقابلك بعد الدائري خالد بن الوليد ارجع معاها
عند اشارة المنيع الاشارة الثالثة رخيصه وقريبه من 70 الى 150 غرفه غرفني
رد: استفسار من سكان الرياض ارجوو المساعده
مافيه سعرك مو معقول ,, ماادري يمكن فيه بس بمناطق العماله ..
اما المشوار .. صدقني الرياض لو المسافه ساعه بينك وبين الوزاره تقعد بالطريق 3 ساعاات زحمه مررره خصوصا وقت الدوامات
الله يعينك وتلقى طلبك
رد: استفسار من سكان الرياض ارجوو المساعده
اشكركم alth وخريجه ضايعه على المرور والافاده وياريت زيادة معلومات من باقي الاعضاء .. للاسف مانيب دليل بالعاصمه
رد: استفسار من سكان الرياض ارجوو المساعده
تقدر تسكن في ام الحمام مسافه تقريبا قريبه من الوزاره واعتقد تحصل سكن بسعر رخيص
رد: استفسار من سكان الرياض ارجوو المساعده
اخوي تحصل 120 ريال
في الدايري الشمالي مخرج 5 ومخرج 6 وحي العقيق
وهاذي كلها شمال الرياض وقريبه عند الوزاره
والله يسهل امورك