تحويل المرافق الى مبتعث رسمي ؟؟
السلام عليكم ورحمة الله وبركاته
سؤال عن طريقة تحويل المرافق ( بعد انتهائه من مرحلة اللغة ) الى مبتعث مستقل ورسمي ..
ماهي الاجراءات غير احضار قبول من الجامعة ؟ وكم تستغرق في العادة !
اخر موضوع لقيته في النت كان عام 2007 من منكم حول الى مبتعث او يعرف احد حول الى مبتعث
رد: تحويل المرافق الى مبتعث رسمي ؟؟
أنا طلعت وادرس على حسابي
إذا التحقت بعثه
ماهي الإجراءات عشان اجيب زوجتي عندي في امريكا؟
هل هي سهله ولا معقده!
رد: تحويل المرافق الى مبتعث رسمي ؟؟
اريزونا وش تبي انت سؤالك ماله دخل بموضوعي
وخرررر هههههههه
رد: تحويل المرافق الى مبتعث رسمي ؟؟
سؤالك عجبني ويهمني :D وانتظر إجابته معك
:) وبنفس الوقت سؤالي المضاف لان هو الخطوه الي قبلها
والشباب كلهم خير وبركه وما راح يقصرووو
ننتظرهم :)
رد: تحويل المرافق الى مبتعث رسمي ؟؟
اهم خطوه اللحين انك تجيب قبول من جامعه معتمده وتخصص موجود في موقع الوزاره
بعدين ترفع اوراقك للملحقيه عشان يرسلون القبول للوزاره بالرياض
ويعطونك الملحقيه رقم معامله عشان موافقه وزاره التعليم العالي وتراجعها بنفسك
بعدين اذا وافقوا تصير مبتعث ولكن مرتبط بالمبتعث الاساسي حتى تخلص %75
واذا خلصت عطنا خبر عشان اشوف كم جلست المعامله لاني مرافق وتوني بادي ادرس
اتفقنا
رد: تحويل المرافق الى مبتعث رسمي ؟؟
اخي الكريم تم ترشيحك
انت الآن في امريكا؟
واذا كنت هناك اي فيزا طلعت بها F1 ولا F2
رد: تحويل المرافق الى مبتعث رسمي ؟؟
صدى همسك معاملة ؟ ليه باقدم على ارض طيب افرض ان قبولي مابقى عليه شي كيف اسوي في هذي الحالة ؟
هل انتظر مثلا او ابدا ادرس على حسابي ولا كيف
abu-maya
انا بامريكا وكنت ادرس لغة وانتهيت وفيزتي F1
معقولة مافيه احد مر عليه هذا الموضوع ويعرف فيه اي تفاصيل
رد: تحويل المرافق الى مبتعث رسمي ؟؟
اقتباس:
المشاركة الأصلية كتبت بواسطة Arizona
أنا طلعت وادرس على حسابي
إذا التحقت بعثه
ماهي الإجراءات عشان اجيب زوجتي عندي في امريكا؟
هل هي سهله ولا معقده!
حسب اللي سمعنا إنها جدا سهلة
يعني كلها تروح للوزارة وتقول أبي أمر إركاب
وبيعطيك الأمر وأهم شي يكون عندهم تأشيرات
وبعدها إذا وصلت أمريكا تضيفهم عن طريق الملحقية
وفقكم الله
اقتباس:
المشاركة الأصلية كتبت بواسطة صدى همسك
اهم خطوه اللحين انك تجيب قبول من جامعه معتمده وتخصص موجود في موقع الوزاره
بعدين ترفع اوراقك للملحقيه عشان يرسلون القبول للوزاره بالرياض
ويعطونك الملحقيه رقم معامله عشان موافقه وزاره التعليم العالي وتراجعها بنفسك
بعدين اذا وافقوا تصير مبتعث ولكن مرتبط بالمبتعث الاساسي حتى تخلص %75
واذا خلصت عطنا خبر عشان اشوف كم جلست المعامله لاني مرافق وتوني بادي ادرس
اتفقنا
كلام سليم
رد: تحويل المرافق الى مبتعث رسمي ؟؟
انا قريت موضوع يقول ان فيه استمارة لازم يعبيها المرافق عشان ينضم للبعثة
وماني متأكد من صحة هذي المعلومة
بس ياليت من الناس الي مروا بمثل هالتجارب او عندهم اي خلفية يزودونا عن الطريقة + المدة اللازمة
بديت احس ان الواحد من يوم ماياخذ غرضه من المنتدى يطلع مايبي حد يستفيد حتى لو عنده معلومات
اذا مافيه اهتمام وحمية على الاقل عشان بس الأجر !
بالتوفيق
رد: تحويل المرافق الى مبتعث رسمي ؟؟
يا جماعه فيه فرق بين الحاق المرافق بالبعثه والحصول على بعثه جديده بمخصصاتهاا
المرافق على طول ينصرفله ضمان مالي يغطي مصاريف معهد اللغه واذا خلصهاا برضوه يحصل على بعثه مرافق وضمان مالي يغطي مصروف الجامعه
لكن يبقى المرافق مرافق بمعنى مخصصاته الماليه تجي مع المبتعث الاساسي كمرافق له
وليس كمبتعث جديد وبمخصصات جديده
يعني المرافق ما يقدر يجيب معه مرافق
لكن المبتعث الجديد يحق له يضيف مرافق معه
اتمنى الصوره وصلت