انا ضايع وبالي ضايع وكلي ضايع
نويت اكمل دراستي برا :wiggle:
ووين يا الحبيب :g:
والله امريكا :dribble:
طيب تعرف كيف الطريقة ولا اساسا تعرف شئ :cursing:
الصراحه والله ما اعرف :uhuh:
طيب ابحث بالنت شوف الطريقة :argue:
والله يا ابن الحلال بحثت وانفجر راسي ما قدرت احصل كل الي ابغاه :crying:
طيب وش بتسوي الحين ؟؟؟:pokey:
والله يا ابن الحلال انا سجلت بمنتدى مبتعث ولعل وعسى القى جواب شافي وكافي لحالتي :biggrin:
طيب يالله قلهم موظوعك بسرعه واختصر عليهم لاني اعرفك غثيث :cursing:
طيب :cry:
الحين ياشباب ويا بنات قصت حياتي كالتالي :-
انا خريج ثانويه عامه لعام 1431هـ قسم علوم شرعيه نسبتي 96.78% حابب اكمل دراستي خارج المملكه وكنت مخطط على مصر بحكم كثرة سفراتي لها واني اعرف الدوله واخذت ملفي وصدقت اوراقي وصلحت كل شي ورحت لمصر بذا الصيفيه الصراحه احس اني هونت وبصراحه اكثر احس اني كرهت مصر من كثر مارحت لها وهونت عن التسجيل في الجامعه هناك وهذا اول حلم كنت احلم فيه ظيعته من بين اديني
ولما رجعت للسعودية كنت مسجل بجامعه الملك سعود تخصص علوم سياسيه ولما طلع قرار قبولي برضوا هونت وقلت ليش الواحد يترك القصيم ويتغرب للرياض علشان حاجه ماتسوى ؟؟؟ يعني يا انك تخربها وتروح برا ولا خلك على جامعه القصيم
وهنا ثاني حلم كنت مخطط عليه تبخر هو ايضاً
والحين انا بصدد يا اني ادفن نفسي بالحيا وادخل جامعه القصيم تخصص اقتصاد وا اداره ولا اني اطلع واكمل في امريكا.....
وهنا واجهت عقبات :drive2: وصدمات مالها اول من تالي ههههههه
يعني الحين انا بروح بدرس على حسابي الخاص :uhuh:
ما ادري كم بتكلفني دراستي لحد ما التحق بالبعثة ؟؟؟؟
يعني :
الدراسه في معهد اللغه كم بيكلفني ولمده كم شهر مع اني في الانجلش GOOD ؟؟
كم بجلس لحد مايجيني الحاق بالبعثة يعني المتوسط كم شهر
هل لازم اسجل بالجامعه وادفع الرسوم الدراسيه وبعدها يجيني الحاق ولا موش لازم
يعني اسجل في المعهد والالحاق يجيني ع المعهد.
وكذلك كم مصاريف المعيشه لواحد بيمسك نفسه ع الاخر <<<<والله ما اتوقع :uhuh:
ياخي انت وش جابك هنا خلاص ياخي فكنا منك خلني اكمل :crying:
خلاص ياخي لاتصيح علينا :tomaatit:
اي صح وكم المكافأة للطالب وهل هي تنزل بإنتظام او لا
وماهي افضل الولايات بالنسبه للرخص والامان والراحه النفسيه
ترى اهم شي الرخص ههههههههههههههههههه لاني بطلع من حسابي انا مافي احد بيدفع لي ريال واحد
اتمنى القى منكم ردود تريحني وتسهل اموري باذن الله
شاكر ومقدر
رد: انا ضايع وبالي ضايع وكلي ضايع
انا بجاوب على اسئلتك ان شاء الله لكن بما انك طالع على انك تبي تلتحق من هناك فالسؤال عندك واسطه او لا ؟؟
اذا عندك واسطه كملت لك وعلمتك خلال كم تلتحق بعد اذا ماعندك ما اقدر احدد لك خلال كم لأن فيه ناس كثير التحقوا بسرعه ومثلهم طول التحاقهم ومثلهم ما الحقوهم ولاقدروا يكملون ورجعوا :(
رد: انا ضايع وبالي ضايع وكلي ضايع
والله يااخوي دامك على حسابك وتدور الرخص
انا قبلك حست من دولة للثانية
لين طحت على الصين
والانضمام للبعثة سهههههههههههههل جداا
ادخل لملتقى الصين وشوف بنفسك
بالتوفيق
رد: انا ضايع وبالي ضايع وكلي ضايع
اقتباس:
المشاركة الأصلية كتبت بواسطة naif2010
انا بجاوب على اسئلتك ان شاء الله لكن بما انك طالع على انك تبي تلتحق من هناك فالسؤال عندك واسطه او لا ؟؟
اذا عندك واسطه كملت لك وعلمتك خلال كم تلتحق بعد اذا ماعندك ما اقدر احدد لك خلال كم لأن فيه ناس كثير التحقوا بسرعه ومثلهم طول التحاقهم ومثلهم ما الحقوهم ولاقدروا يكملون ورجعوا :(
شف ياحبيبي انا واسطة اقدر اقولك عندي واقدر اقولك ماعندي يعني في ناس ممكن يقدرون يظبطون لي الموظوع لاكن لسى ماكلمت احد لاني ما ابي اتكلم مع الناس وبالاخير اهون لاكن ياحبيبي تكفى فديني بالاشياء الثانية
ويعطيك العافيه على ردك
رد: انا ضايع وبالي ضايع وكلي ضايع
اقتباس:
المشاركة الأصلية كتبت بواسطة تشاكيل
والله يااخوي دامك على حسابك وتدور الرخص
انا قبلك حست من دولة للثانية
لين طحت على الصين
والانضمام للبعثة سهههههههههههههل جداا
ادخل لملتقى الصين وشوف بنفسك
بالتوفيق
والله ما عندي استعداد ياحبيبي ادرس لغه صينية لاني اتوقع نظامهم زي كوريا لازم ادرس لغه كورية وبعدها اكمل الدراسه الجامعيه واتمنى تفيدني اذا في كلامي خطأ وشكرا
رد: انا ضايع وبالي ضايع وكلي ضايع
والله انا مثلك بالظبط وودي واحد كريم يقول عطوني اوراقم وانا اقدم لكم يا سلااااااام
رد: انا ضايع وبالي ضايع وكلي ضايع
اقتباس:
المشاركة الأصلية كتبت بواسطة xXFaisalXx
والله انا مثلك بالظبط وودي واحد كريم يقول عطوني اوراقم وانا اقدم لكم يا سلااااااام
ههههههههههههههههه انا اقدم لك ياحبي لك بس خلنا الحين نعرف وش القصه وبعدها يحلها حلال
رد: انا ضايع وبالي ضايع وكلي ضايع
ياناس وينكم اختفيتوا 86 واحد يدخل ولا يرد غير 3
تكفون ابي احد يردلي خبر لاهنتوا
رد: انا ضايع وبالي ضايع وكلي ضايع
واسطه ؟؟ماأضن للواسطه دخلأولاً إذا بيروح على حسابه الخاص ويبغى بعدها يلتحق بالبعثه يجيب نسبه 75% وتشمله البعثهحتى من ناحية الي بيقدم على بعثه : على فكره أعرف ناس كثير قدموا وبدون واسطه ولاشي جاتهم بعثه مجرد تعقيب^تحياتي ..
رد: انا ضايع وبالي ضايع وكلي ضايع
السلام عليكم
اسئلتك اجاباتها كالتالي :
1- الدراسه في معهد اللغه كم بيكلفني ولمده كم شهر مع اني في الانجلش GOOD ؟؟
ادخل على الموضوعين :
خمس شهور في مدينة فلادلفيا ( Phildelphia )
تكاليف الدراسـة لمدة 6 شهور بامريكا
الولايات الوسطى والجنوبيه رخيصه
مثل North Carolina, South Carolina, Louisiana, Alabama
امسك الخريطه الامريكيه وشوف المناطق واابحث في جامعاتهم..
وعندك..
University of South Carolina
رخيصه جدا وهي ولايه ساوث كارولاينا
اسم الجامعه
وموقع المعهد ........
University of South Carolina, English Programs for Internationals
عندهم قبول مشروط وهذا الفورم حقهم
http://www.epi.sc.edu/conditional.pdf
وسعره 1800 دولار بالشهرين
يعني 6750ريال بالشهرين
وسعر المعيشه بالولايه ررررخيص جدا.
_______
اريزونا
http://www.arizona.edu/academics
سمعت انها رخيصه .
__________
لوزيانا سمعت انها رخيصه
____
بما انك طالع على حسابك فمهم جدا كيف تعرف المعهد القوي من الضعيف..
لان بعض المعاهد ربحيه يعني تجاريه يرسبونك علشان تدفع اكثر ,, وافضل شي معهد تبع جامعه:
المعاهد
اذا جاك اسم المعهد interlink language center at
.......
او اسمه اسم اي اسم ... هذا مو تبع الجامعه وبينه وبين الجامعه عقد ومعهد خاص وغالبا ربحي
عدا معهد واحد اسمه spring
اما اذا جاك اسم المعهد
english language program at
university of ...
او english language center at university of ....
اهم شي ماله اسم هذا معناه انه تبع الجامعه مو ربحي وغالبا قوي .
English Language center at university of( ) at ( )
_ وهذا موقع يمكن يفيك .. فيه التكاليف لبعض الولايات ومعاهدها,, داخل موضوعي
http://www.mbt3th.us/vb/forum8/thread205099.html
________
متى يجيك الحاق؟
الله اعلم فيه ناس بشهر وناس 8 شهور .. وناس اكثر ربك ييسر الامور.
هل لازم اسجل بالجامعه وادفع الرسوم الدراسيه وبعدها يجيني الحاق ولا موش لازم
يعني اسجل في المعهد والالحاق يجيني ع المعهد
؟
لازم تطلع قبول مشروط وهذا الي سمعته من اخوانا المبتعثين ,, يعني تجيب قبول معهد لغه+ جامعه = اضمن الحاق بالبعثه.
ترى الفلوس ما تدفعها كاااش,, بس رسوم الطلب" ابلكيشن " وماتتعدى 50 دولار الى 100 فقط.
المعهد حسب نظامه تدفع كل شهر بشهر او كل شهرين مره.
واذا درست تدفع كل ترم في ترمه ,, للجامعه
اعتقد كذا غطيت كل اسئلتك
http://www.mbt3th.us/vb/forum60/thread204493.html
بالتوفيق