موضوع مشربك

السلام عليكم

موضوعي مشربك شوي و حبيت استشير أهل الخبرة. ركزوا معاي:

• أختي مبتعثة و موجودة تدرس بأمريكا حالياً بدون مرافق.
• وأنا قررت مؤخرا اني اسافر كمرافق و التحق بالبعثة
• ما اقدر اقدم على البعثة من هنا لأني متخرج من معهد الادارة قبل 6 سنوات
  
• عندي زوجة و بنت عمرها سنتين
  
• انا مقدم من اول قبل لا اقرر اني اروح كمرافق على فيزا سياحية لي و لزوجتي و بنتي و الموعد في القنصلية بعد اسبوعين
• احنا بنسافر لأختي ان شاء الله في ديسمبر
• عندي ضمان مالي بـ32 ألف دولار
• عندي دبلوم من معهد الادارة و مخلص 45 ساعة من جامعة البترول بس ما كملت
  
• ماعندي توفل ولا IELTS
  

وش تنصحوني اسوي بخصوص الالتحاق بالبعثة؟

أبغى اكون ملتحق بالبعثة و تصرف لي مخصصات لي و لعائلتي اذا امكن (يعني مو بس مرافق)

السؤال هو هل أقدر اخلص هالامور و انا هنا و خلال 3 شهور؟ و اذا لا وش الحل البديل

اتمنى اني ما طولت عليكم و بانتظار آرائكم

شكرا جزيلاً.

يسمحون لك بالدراسه بفيزتك السياحيه دوام جزئي او محدد بكم بشهر

اذا بتكمل دراسه انصحك تحاول تغير نوع الفيزا و تدخل بقبول دراسي في امريكا واتابع اوراقك بشكل طبيعي

خذ الساعات و الدبلوم معاك يمكن يعادلون لك شي

اخوي ماركو شكرًا لك على الرد بس محتاج شوية توضيحات اكثر
أنا شهادتي من معهد الادارة من 2005 يعني صار لها ست سنوات فهل هالشي يضعف موقفي؟
طيب اذا غيرت نوع الفيزا الى فيزة مرافق هل اقدر أني لما أوصل التحق فالبعثة على طول ولا لازم ادرس على حسابي اول؟
يعني لما اروح كمرافق و بيكون عندي I-20 من اي جامعة ان شاء الله هل قبولي كمبتعث مضمون؟

أفيدونا الله يرحم والديكم و كل عام و أنتو بألف خير*

اللهى يوفقك ويوفقنا

بخصوص موضوع تخرجك عام 2005 عادي ما يهم كثير
لكن انت احضر لهم قبول مهخد و قبول جامعه او قبول معهد و جامعه سوى و روح كمرافق و ادرس بيقولون ادرس في المعهد واذا انهيت اللغه نعتبرك مبتعث مستقل لكن انت ارفع طلب التحاق من اول ما تبداء دراسه و حاول فيهم من هنا ومن الرياض و راح تمشي امورك ..

كثير التحقوا بالبعثه بنفس الطريقه ..

بالتوفيق

شكرًا اخوي على الرد

مافيه شيء اسمه فيزا مرافق للاخ .. اذا تبي تدرس لازم تكون فيزتك دراسية اف ون ... الفيزا السياحية تسمح لك بدراسة دوام جزئي لغة فقط .... بالنسبة للانضمام للبعثة يلزمك قبول نهائي يكون في نفس المدينة الموجودة فيها المبتعثة

اقتباس:

---

المشاركة الأصلية كتبت بواسطة mazencom

اخوي ماركو شكرًا لك على الرد بس محتاج شوية توضيحات اكثر
أنا شهادتي من معهد الادارة من 2005 يعني صار لها ست سنوات فهل هالشي يضعف موقفي؟
طيب اذا غيرت نوع الفيزا الى فيزة مرافق هل اقدر أني لما أوصل التحق فالبعثة على طول ولا لازم ادرس على حسابي اول؟
يعني لما اروح كمرافق و بيكون عندي I-20 من اي جامعة ان شاء الله هل قبولي كمبتعث مضمون؟

أفيدونا الله يرحم والديكم و كل عام و أنتو بألف خير*

---

شكرًا اخوي soul food على الرد
طيب لو ماجاني قبول في نفس المدينة وجاني في مدينة او ولاية ثانية وش الحل؟
وبالنسبة للفيزا اللي اعرفه ان المرافق تكون فيزته F2 ويقدر يدرس فيها؟ ولا لا؟

فيزا F2 ما تكون للأخ! تكون للزوج لو زوجته مبتعثة أو للزوجه لوكان زوجها مبتعث وكذلك الأبناء , أما المرافق لو كان أخ,عم،خال,أو الوالد ما يطلع الا بفيزا سياحيه أو إذا كان عنده قبول من معهد أو جامعه يطلع على فيزة طالب F1 ..