طالب تحويل من كندا لامريكا وابي مساعدتكم

تخصصي حاسب الي والحين ادرس اللغه وخلصت منها 3 شهور ابي مساعدتكم وطالب تحويل من كندا لامريكا ولا اعرف عن جامعات امريكا او مدنها اي شي ياليت تكتبون لي اسماء الجامعات والمدن وتكتبون نصائحكم لي وارشاداتكم ياليت تكتبونها بتوضيح مفصل

اخوي بدر من المستحيل احد يقدر يحصيلك الجامعات لانها 6000 جامعه
وبالنسبه للمدن برضو كثير
انت حدد شي معين فرضن تبي قريه صغيره وقريبه من مكان مشهور
او مثلا تبي مدينه كبيره او متوسطه
ونصيحه لك لاتفكر بالجامعه الحين دبر نفسك باللغه باي معهد وبعدها دور جامعه وانت بامريكا على عشان تكون مطلع ع الجامعات وتكون زرت مدن وشي اكيد بيكون عاجبك شي منها
وبوجه عام اسوأ شي بامريكا الاقليم الجنوبي اما الباقي تقريبا متساويه بالمعيشه والسكان

مساك الله بالخير اخوي عبود ممكن انا غلطت بالتعبير لكن بوضح لك تعرف مدينة فانكوفر وجامعاتها وكلياتها كلها قويه وتعرف المعيشه هناك مره غاليه كل شي غالي بهالمدينه حلو انا درست بجامعه اسمها فانكوفر ايلاند في مدينه اسمها ننايمو تبعد 60 كيلو عن فانكوفر بحر لانها جزيره الجامعه مره قويه ومعهدها قوي ويدرس المستوى الواحد 3 شهور وعدد المستويات 7 واحسن مافي المعهد والجامعه اعطوني قبول مشروط يعني اذا تجاوزت اللغه بمعهدهم ادخل الجامعه عل طول بدون توفل وايلتس هذا بالنسبه للمعهد والجامعه اما بالنسبه للمعيشه من ناحية الفلوس والناس من ناحية الفلوس تعتبر متوسطه يعني نص فانكوفر يعني نشتري كرت الباص مدة شهر كامل في فانكوفر 109 دولار وبننايمو 49 دولار شوف الفرق اما بالنسبه للشعب مره اليف وكل واحد بحاله ولا حصل لي اي موقف ولا شفت اي شي ولا سمعت اي مشاكل انا كتبت المشاركه الاولى كنت متلخبط ولا ادري وش اقول وانا الحين ابي مساعدة الطلاب اللي يعرفون عن امريكا وعن جامعاتها ومدى قوتها انت قلت 6000 الاف جامعه بس بينهم فرق بالشهاده والمهم انا امدينه مثل ننايمو يعني اسعارها معقوله وقبل هذا وش الجامعه اللي تعطيني قبول مشروط بدون توفل وايلتس يعني اخوي عبود انا قريت عن جامعة USF في فلوريدا جامعه قويه ونفس نظام الجامعه اللي كنت فيها بس كلام الشباب اللي فيها الحياه نوعا ما خطره بالنسبه للتعامل مع الشعب اللي ابي نصيحة الشباب بالجامعه والمدينه والشعب الاليف بس واذا قلت هالكلام ممكن تضحكون علي بس من جهل بامريكا وبمدنها وجامعاتها من جميع النواحي

اذكر المدينة أو الولاية وان شاء الله الاخوان مراح يقصرون في

أفادتكــ أخي بدر ولو بحثت في المنتدى كان تحصل معلومات كثيرة

عن الجامعات والولايات

بالتوفيق لكــ

مساء الخير اخوي بندر والله بحثت عن الجامعات والولايات لكن راسي انقلب اللي يمدح واللي يسب واللي يخوف مثلا فلوريدا قريت عن جامعتهم USFحلوه بالدراسه والنظام بس الناس اللي بالمنتدى يخوفون منها من الشعب الولايات الله يعطيك العافيه ولاية اهايوا ولاية فرجينيا ولاية فلوريدا يعني الولايات الشرقيه او سياتل

جزاكم الله الف خير ومشكورين وبيض الله وجيهكم على كل حال اللي كتبوا واللي زارو ولا كتبوا واسف على ازعاجكم

القبول سهل وانا نقلت من كندا لامريكا بس الفرق اني مخلص اللغة في كندا

كل الي عليك تجيب قبول اكاديمي ما يشترط اللغة وتقدم طلب التحويل وتحول بدون اي مشاكل وتذكر اسباب النقل

بالنسبة للجامعه الي فيها تخصص حاسب يا كثرها في امريكا لكن الحاسب في مجالات كثيرة

اي مجال انت حاب تلتحق فيه عشان نقدر نساعدك

الى الحين ماقدمت طلب تحويل انا بالسعوديه الان لان السفاره الكنديه كنسلوا فيزتي والان المحامي ماشي في اجراءاته معهم ولكن لي اسبوعين مارد لي خبر فقلت اختصار للوقت بقدم على قبول بجامعه في امريكا عشان الفيزه الامريكيه تاخذ وقت ومحتار اول ماكتبت الموضوع ما اعرف اي شي عن الجامعات وقوتها بامريكا انا تخصصي حاسب الي نظم معلومات انا عكسك اخوي انا ما خلصت من اللغه الا ثلاث شهور باقي وقت طويل ابي الجامعه ومعهد تابع للجامعه ويعطون قبول مشروووط
الله لايهينكم وبيض الله وجيهكم وجزاكم الله الف خير

ال USF جامعة حلوة ومتعرف فيها ومييييييييييييين قال لك إن الحياة خطرة !!!

آخوي في كل مكان وفي آي مدينة فيه آماكن وآحياء خطرة الواحد لازم يتجنبها

يعني آنا آعرف بنات عايشيين بنيويورك لحالهم وماشي الحال بس آهم شي إنت تعرف وين
تروح ومع مييين هذي شغلة

بالنسبة لفلوريدا وبحكم إني عشت فيها وفي غيرها هذي الولاية من آحلي الولايات وناااسها
آكثر شي فريندلي وتامبا مررره جيده وفيها جامعتين معترف فيهم
نصيحني مو آي شي ينقال يعتبر مقياس

مشكوره اختي على مرورك ونصيحتك على راسي من فوق ومقبوله