استفسار كيف يتم تفتيش اللاب توب

فيه احتماليه يفتشونك وفي احتماليه لا
طبعا يقصد بالتفتيش البرامج اللي بفلوس مثل الويندوز / برامج الحمايه / برامج المايكروسوفت
وطبعا يعرفون ان الويندوز اصلي من الكرت اللي تحت الجهاز
ولهم طريقه ثانيه يدخلون فلاش بجهازك ويعرفون وش اللي فيه منسوخ
وبالنسبه انك تجيب جهاز فيه ويندوز بس عادي مافيها شي بس اهم شي اصلي

مشكور أخوي
بس أنا ما فهمت حكاية الكارت
طيب أنا باشتري لاب توب وباخذ السيدي الاصلي
أخوي قالي قول للرجال انه يحطلك النسخة التجريبية بدون كراك وبعدين تحط رقم الباسوورد الموجود على السي دي على البرنامج بس ما أدري هل تنفع وهل ممكن تبان لديهم
وياريت لو تفيدني وأسف على الاطالة والازعاج
بخصوص هذه البرامج هل هي مجانيه ولا أشتريها من هناك ولا من نفس الموقع البرامج الريل بلير والماسنجر والسكايبي


شاكر لك أخوي والله يعطيك عافيه

تحياتي

اذا كنت بتشتري جهاز جديد اهو افضل حل لك
لان الجهاز الجديد مثلا اذا اشتريته من اكسترا او جرير
بيكون معاه ويندوز اصلي فما تشيل همه واهم يشيكون ع الويندوز من الجهاز من تحت يكون فيه ستكر وفيه رقم السيريال
وغير كذا برامج الاوفيس الوورد وكذا يجي مع الجهاز نسخه تجريبيه مدتها 45 يوم وبعدها تشتري من امريكا اذا جيت
وبالنسبه للريل بلير وبوجه عام برامج تشغيل المقاطع مجانيه
وبرضو المسن وسكايبي مجاني

السلام عليكم
انا ان شاءالله بشتري جهاز
هل اضع فيه برامج مثل الماسنجر و انتي فايروس
والسكايبي ولا اذا وصلت انزلهم ومشكووورين

امممم شايله هم هالموضوع لأن جهازي يعتبر جديد نوعاً ما بس فيه برامج مو أصليه

يعني ألحين ياأخوي عبود بالنسبة لكلامك

طبعا يقصد بالتفتيش البرامج اللي بفلوس مثل الويندوز / برامج الحمايه / برامج المايكروسوفت

هذي البرامج اللي مفرووووض تكون أصليه والباااقي مافيها أي إشكاليه أبد ؟؟!

اخواني

افضل حل بتجنب المشاكل انو تفرمت الجهاز
الشي الثاني لازم يكون الويندوز اللي موجود في الجهاز اصلي والبرامج لازم تكون اصليه
مثلا الماسنجر وسكاي بي وماسنجر ياهو وغيرها من البرامج اللي لها موقع رسمي وتقدر تحمل البرنامج مجانا هذي ماعليها اي مشكلة
المشكلة في الويندوز اذا كان مو اصلي والبرامج برضو اذا مو اصلية واذا كانت مكركة..
البرامج التجريبية ماعليها مشكلة اذا كانت من الموقع نفسه
اما اذا كنت منزلها او ناسخها من شخص ومكركها هذي عليها مشكلة..
الافلام المنسوخه والافلام الاباحيه والمسلسلات هذي كلها ممنوعه وخاصة في الافلام الاباحية اللي تكون تحت 18 سنة هذي اكبر مشكلة وممكن تروح في داهية وتنسجن وتتحاكم عشانها
طبعا سوري على ذكر الافلام الاباحيه لكن وجب التنبيه لانها اول شي تضيع الدين وبرضو تضيع دنيتك وصحتكـ..


هنا في امريكا عندهم زي ماتعرفون حقوق ملكية عشان كذا انتبه من الافلام المنسوخه والبرامج
حتى الهاردسك او الفلاش احتياطا امسح اللي فيه لو كان منسوخ او مكرك

انا عن نفسي مافتشو الهاردسك ولا الفلاش وانقهرت لانو كان عندي اكثر من 250 فلم ومسحتهم
لكن الحمدلله اني مسحتهم__تخيلو لو مامسحتهم وسبحان الله تفتشت وش راح يصير ؟
تفتيش اللاب توب يكون بتمريره على جهاز ومنه يعرفون اذا الويندوز اصلي او لا
فيه ناس فتحو لابتوباتهم وفتشوها وفيه ناس بس مرروها على الجهاز
انت وحظك
لذلك احتياطا خل وضعك في السليم وان شاء الله تمشي امورك..

ملاحظه مهمه: اللي بيفرمت الجهاز حقة يحرص على صاحب المحل اللي بيفرمته له انه تكون كل البرامج اصلية والا قول له لاتركب اي برامج احتياطا


تحياتي واتمنى اكون افدتكم
وبالتوفيق للجميع يارب...