لاهل الخبره..بخصوص السفاره الامريكيه
ياخوان انا ابي استفسر بخصوص استخراج فيزة طالب F1
وش هي متطلباته اثناء المقابله الشخصيه بالسفاره
اللي اعرفه
1_ اجيب وصل تسديد رسوم تسديد الفيزا من بنك سامبا
2_ شهاده البنكيه =الضمان البنكي + كشف حساب لمده 3 شهور
الضمان يكون باللغه الانجليزيه وموضح فيه,, من يدفع لك حق الدراسه+ اسم المعهد او الجامعه الي انت رايح لهم
السؤال المهم ... اذا كان الشهاده والضمان البنكي باسم امي هل فيه مشكله..؟
لان الوالد متقاعد.. والمطلوب بشخص يكون على راس العمل اللي هي الوالده
وهل فيه مشكله اذا كانت بحساب ابوي..؟
والسؤال الثاني اعتقد السفاره راح يطلبون صور كاشف الراس صحيح او غلط..؟
وياليت اذا معلوماتي فيها شي غلط او فيه نواقص تصححون لي
رد: لاهل الخبره..بخصوص السفاره الامريكيه
هلا اخوي ,,
انتا لما اخذت موعد مع السفارة , في ورقتين لازم تطبعها مكتوب فيها كل الأرشادات والطلبات اللازمة عند المقابلة
1- لازم تجيب اوراق الأبلكيشن حق السفارة الي عليها صورتك الشخصية
2- نسخة من قبول الجامعة
3- نسخة من السيفيس
4- وصل الرسوم من سامبا
5-الأصل من ورقة قبول الجامعة
وصور شخصية لك
هذي كل الطلبات على ماأعتقد
وطبعاً ماتجيب معاك شنطة ولا جوال ...
اذا طبعت الأوراق الي جتك لما اخذت الموعد بتلاقي كل شي موجود فيها
اي خدمة ثانية انا حاظر ,,
رد: لاهل الخبره..بخصوص السفاره الامريكيه
حبيبي بالنسبه للضمان المالي ماعليك من الكلام الكثير سوو زيي افضل طريقه تمشي ومحد يقولك شي
حول مبلغ لحسابك ومن بكرا توجه للبنك وقلهم ابي شهاده بنكيه بالمبلغ اللي عندي بالدولار ولايحتاج اسم جامعه ولا راس العمل ولا ثلاث شهور
ريح بالك ترا موضوع السفاره سهل جدا
رد: لاهل الخبره..بخصوص السفاره الامريكيه
مشكوورين يااخوان ع الاجاابات الشافيه
والله ريحتوني الله يريحكم ويطمن قلوبكم ..
رد: لاهل الخبره..بخصوص السفاره الامريكيه
السلام عليكم
ياشباب انا محتاج فزعتكمـ باسرع وقت
انا موعدي كان في السفارة الامريكية الاثنين الي فات وقالو لي ان الفيزا مقبووله انتظرت اسبوع كامل وجاتني رساله منهم
وهذي هي
Dear sir,
We need all your previous passport numbers.
Thanks.
This email is UNCLASSIFIED
وانا والله مدري وش اسوي وش الحل بالله فزعتكم
وش اسوي الحين ..؟
رد: لاهل الخبره..بخصوص السفاره الامريكيه
اقتباس:
المشاركة الأصلية كتبت بواسطة مرحبتينـ
السلام عليكم
ياشباب انا محتاج فزعتكمـ باسرع وقت
انا موعدي كان في السفارة الامريكية الاثنين الي فات وقالو لي ان الفيزا مقبووله انتظرت اسبوع كامل وجاتني رساله منهم
وهذي هي
Dear sir,
We need all your previous passport numbers.
Thanks.
This email is UNCLASSIFIED
وانا والله مدري وش اسوي وش الحل بالله فزعتكم
وش اسوي الحين ..؟
عزيزي هم طالبين ارقام جوازاتك القديمه
يعني اذا عندك جواز منتهي او قد ضاع لك جواز يبون ارقامها عشان يشيكون على سفرياتك
عندك واحد من حلين
ياترسلهم ايميل وتكتب فيه ارقام جوازاتك القديمه
او تروحلهم وعند الباب تلقى واحد يتكلم عربي تشرحله الموضوع وتعطيه الارقام
واذا ماكان عندك ارقام الجوازات القديمه تروح للجوازات ويعطونك ارقامها
اذا ماكان عندك جوازات قديمه اساسا وهذا اول جواز لك بس ترد عليهم وتقولهم ماعندي جوازات قبل كذا
بالتوفيق
رد: لاهل الخبره..بخصوص السفاره الامريكيه
الله يسر امرك وامرنا وامر كل مسلم