اخواني اعضاء ملتقى امريكا .ان شاء الله طالع على حسابي لكن محتار في افضل ولاية للدراسة

تحيه طيبه للجميع

الحمدالله بعد اسشارة اخواني في هذا الملتقى لقيت منهم التشجيع ورفع معنويات , طلعت جواز السفر وترجمة اوراقي بالجامعة , وانا اريد اكمل ماجستير على نفس تخصصي علوم الحاسب الآلي ,

ومحتاج مساعدتكم في افضل ولاية من جهة رخص المعيشة والسكن ويقل بها العرب لأنني اريد ادرس اللغة

بعد البحث عن افضل ولاية (هذا اجتهاد شخصي) ولاية اوهايو - ولاية يوتا - ولاية arkansas هذا اللي طلع معي

وش رايكم في هذه الولايات الي ذكرتها؟هل وفقت في هذه البحث ؟ اذا كان هناك افضل لا تبخلون علي

انا واقف على الولاية اللي تناسبني لاني على حسابي طالع . والله العظيم محتار في الولاية المناسبة , لا تبخلوني علي في هذا الموضوع

في انتظاركم

ولاية كنتاكي حسب ماسمعت انها رخيصة

أبحث عنها وتأكد ......بعدين الاهم من ذلك شوف تكاليف الدراسة في المعهد

وهذا تقرير عن الولاية والمدينة بالذات http://www.mbt3th.us/vb/forum39/thread17456.html


واعذرني عن القصور

ولاية أوهايو رخيصة بالمعيشة والسكن ولكن تأكد من اسعار المعهد بكلومبوس..

ولاية أركانسس الجامعة إللي بلتل روك مرة رخيصة ولكن عيبها تصنيفها .. الجامعة إللي بفتافللي ممتازة ولكن غالية ..

ولاية يوتا ما أعرف عنها شيء..

اعرف جامعة رخيصة ..

هي جامعة نورثرن ألباما في فلورانس والجامعة تصنيفها ممتاز .. ولكن معهدها ما يمدحونه..

تقدر تدرس بمعهد جامعة جورجيا تك بأتلانتا يكلفك 27000 ألف لسنة .. أو معهد جامعة جورجيا سوثرن في ستيتسبورغ أرخص وعلى كلام الأخوة مستواه جيد .. طبعاً من غير السكن .. ستيتسبورغ أرخص من أتلانتا ولكن اتلانتا افضل من عدة نواحي..


وتقدر بعد تلحق بالبعثة بس تقدم أوراقك وتكون كاملة قبول معهد وجامعة حتى لو طول الإلحاق بس راح يكون عندك فرصة للإلحاق بما أن تخصصك حاسب آلي ..

وبالتوفيق لك أن شاء الله.

Bandar_VIP , مرحبا يالغالي

ولاية كنتاكي بعد ردك بحثت عن الجامعات المعترف فيها على التخصص ومرحلة الماجستير ,طلعت 5 جامعات معترف فيها. لكن حاولت ادخل على معاهد الجامعات اشوف اسعارها ومعلومات عنها ما قدرت .وتأكد لي اخي بندر هل افضل من الولايات اللي ذكرتها ؟ والقبول بالجامعات فيها غير معقد؟

الله يعطيك العافيه على سرعة الرد وابد يالغالي ما في قصور , ولا استغني عن امثالك


Ahlam.m.d , مرحبا يالغالية

ولاية أركانسس الجامعة إللي بلتل روك مرة رخيصة ولكن عيبها تصنيفها

وش قصدك بالتصنيف؟

ولاية جورجيا اريد معلومات عنها اكثر؟ من جهة الاسعار المعيشة والسكن , هل يكثر فيها السود ,
معهد جامعة جورجيا سوثرن في ستيتسبورغ ه, اريد اسعارهم .
اسئلتي كثيره لكني تحمليني . وانا الان اخلص قبولي بالمعهد اللغة حتى انظم بالبعثة وبعدين خلال دراستي باللغة ابحث عن جامعة غير معقدة بالقيول ادرس الماجستيرفيها . وش رايك

الله يعطيك العافية على هذه المعلومات وفي انتظارك , وبقية الاعضاء

بصراحه الرخص افضل

اقتباس:

---

المشاركة الأصلية كتبت بواسطة mauser

Ahlam.m.d , مرحبا يالغالية

ولاية أركانسس الجامعة إللي بلتل روك مرة رخيصة ولكن عيبها تصنيفها

وش قصدك بالتصنيف؟

الجامعات في امريكا تدخل في كذا تصنيف على مقايس معينة تفاضل بينها ..فيه تصنيف عام على مستوى امريكا فالتي تحصل على المراكز الأولى تكون افضل وتعتبر من الجامعات القوية والأخيرة تكون اقل وهكذا ..وفيه تصنيف على مستوى التخصصات مثلاً افضل مئة جامعة في تخصص علوم الحاسب وتلقى قائمة باسماء الجامعات الافضل في هذا التخصص وهكذا .. المهم بالموضوع هو ترتيب الجامعات .. فأذا كان يهمك ترتيب الجامعة بحيث تدرس بجامعة قوية .. شوف الموقع هذا

Education Center - US News Education

ابحث عن الجامعة إللي تبغاها وراح تعرف قصدي..

ولاية جورجيا اريد معلومات عنها اكثر؟ من جهة الاسعار المعيشة والسكن , هل يكثر فيها السود ,
معهد جامعة جورجيا سوثرن في ستيتسبورغ ه, اريد اسعارهم .
اسئلتي كثيره لكني تحمليني . وانا الان اخلص قبولي بالمعهد اللغة حتى انظم بالبعثة وبعدين خلال دراستي باللغة ابحث عن جامعة غير معقدة بالقيول ادرس الماجستيرفيها . وش رايك

ولاية جورجيا اعرف عن اتلانتا معهدها اسعاره مناسبة مثل ما قلت لك ولكن المعيشة شوي .. الاجارات مرتفة شوي بالنسبة لي أنا ..يختلف الموضوع من شخص لأخر .. بالنسبة للسود ومشاكلهم فيها طبعاً ولكن الطلبة إللي هناك ما اشتكوا من هذه السالفة لأنهم يبعدون عن مناطق تواجدهم ويحدون من خروجهم بالليل .. ولكن افضل مميزاته جوها المعتدل وجود المساجد فيها بكثرة .. والمدينة تعتبر كبيرة يعني تتوفر فيها كل الخدمات واماكن الترفية والمنتزهات الطبيعية.. شوف هالموضوع ..جميل جداً.

.معلومات عن اطـلا نطـــا (atlanta ) - الملتقى السعودي


بالنسبة ساوثرن جورجيا الحقيقة توني اعرف عنها ولكن كل المؤشرات من ناجية هالمدينة ايجابية يكفي رخص الإيجارات ومستوى المعيشة فيه موضوع لأحد الاعضاء عن هذه الجامعة واتوقع سعر السمستر في معهد اللغة 3100 بالإضافة للكتب 300 يعني في النهاية السنة تقريباً 26 ألف ريال مو بعيد عن معهد جورجيا تك باتلانتا..
شوف هالموضوع..

http://www.mbt3th.us/vb/forum8/thread211835.html


بالنسبة للقبول حاول تجيب قبول جامعة قبل ما تسافر حتى ما تتأخر في الإلحاق بالبعثة لأنه مهم يكون ملفك محتوي على قبول معهد وقبول جامعة .. إلا اذا كان عندك رغبة بدراسة اللغة أولاً حتى تتمكن ويكون عندك مبلغ كافي يغطي مصاريفك للسنة كاملة بس لا تنسى تعمل حساب 9 ساعات للماستر..

الله يعطيك العافية على هذه المعلومات وفي انتظارك , وبقية الاعضاء

---

وبالتوفيق لك أن شاء الله ..

عزيزي عطني رابط الجامعة الى تبي معلومات عنها

واذكر لي المعلومات الى حاب تعرفها

احلام , بالنسبة لولاية جورجيا ....
اسمحيلي سبب تأخر ردي محاولاتي الفاشلة بالموقع اللي ذكرتيه ,

university of arkansas at little rock , ذكرتي انه تصنيفها ضعيف , لكن بعد دخولي على موقع الوزارة لقيت انها معترف فيها على تخصصي ماجستير فقط , وش رايك ,

بالنسبة للمعهد , هو اللي محيرني زيادة , دخلت على موقع الجامعة لقيت معهدها اسمة ELS وبحثت عنه لقيت محد يمدحه وبعض الجامعات متعامله معها , وش رايك وكذلك في هذه النقطة اريد ردود بقية الاعضاء

صدقيني 95 % جهدي في بحثي عن اولاية والمعهد المناسب والجيد لكن 5% المسوغات التقديم ما شيل همها .الله يسمع منك ان شاء الله تتيسرالقبول بالمعهد والجامعة اكيد يكون مشروط, بعد الله ثم انتم اخواني الاعضاء

alhol , حياك ربي , اكيد يالغالي

Bandar_VIP : انا محتاس , اريد معلومات من واقع تجربة عن الولاية بحثت عنها في قوقل ما في نتيجة , اذا انت تدرس فيها او تعرف احد لا يردك شي ,
الجامعات بالولاية 5 جامعات ,اريد اعرف شروط القبول ( معدلي 1.80 من 4 يعني جيد ) وسعر درجة الماجستير . والشي الثاني المعهد (السعر - السكن لازم مع عايلة - وقوة المعهد (رايك) , ومتى يبداء التقديم والدراسة.
kentucky state unversity
northern kentucky university

في انتظاركم

^

أبي أدخل على الجامعة واوجه أسألتك لهم مباشرة وان شاء الله يردون على

وأعطيك خبر

اقتباس:

---

المشاركة الأصلية كتبت بواسطة mauser

بالنسبة للمعهد , هو اللي محيرني زيادة , دخلت على موقع الجامعة لقيت معهدها اسمة ELS وبحثت عنه لقيت محد يمدحه وبعض الجامعات متعامله معها , وش رايك وكذلك في هذه النقطة اريد ردود بقية الاعضاء

---

معهد تجاري ولا يفيد الطالب ولا انصحك تدخل فيه نهائياً

الافضل لك تدخل معاهد تابعة للجامعات على شان تأهلك أكديمياً