الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
سلام كيفكم انشالله طيبين
اتخيلو ايش صار معاية ومع زوجي على اساس اننا طالعين على حسابنا الخاص وجبنا قبول لغة وجامعة وطلعنا الفيزا
وحجزنا واشترينا التذاكر وكمان كانت رحلتنا يوم المجعة الموافق 29/10/2010
المهم
امس اكتشفنا انو دراست زوجي حقت المعهد تبدا في يوم 4/10/2010 يعني بداية الشهر اللي نحنا في واذا ما حضرنا في نفس الموعد نقدر نحضر بعد الموعد باسبوعين ودحين عدت الاسبوعين وزيادة والاي توني انتهى يعني يبغالنا اي توني جديد ايش الحل
واذا طلعنا اي توني جديد لازم نطلع سيفيس جديد وفيزا جديدة يعني راح نخسر من جديد نفس المبلغ اللي خسرنا في الاول المهم بالله ايش اسوي والله مرة تعبت يعني اتخيلو موقفي ايش بتسو
ممكن تساعدوني ايش الحل لانو الاي توني هو اللي بندخل بيه امريكا يعني لازم يتجدد والحل ايش
الله يجزاكم خير
ساعدوني قولولي اي شي جهزت كل شي وسيبت دراستي عشان نسافر ودحين شوفو ايش حصل الله يسهل الامو
ايش الحل؟؟؟؟؟؟؟؟؟؟؟؟؟؟؟؟؟؟؟؟؟ظ
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
وعليكم السلام ,,
مووعد الدراسة له الان 20 يوم ,
الحل انكم تطلبون موعد دراسة جديد , لا ماتطلعون فيزا جديدة ,
بس ان شاء الله هذا الموضوع يفيدكم
http://www.mbt3th.us/vb/forum16/thread133543.html
بالتوفيق لكم وللجميع يارب :)
دعواتكم ,,
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
السلام عليكم
مثل ما تفضل أخوي ابو سعود
تجديد الاي توني مايحتاج استخراج فيزا جديدة
يعني تطلبون من المعهد يرسلون اي توني جديد بموعد دراسة جديد
بس اهم شي لا يتغير رقم السفس
حيث انكم تطلبون من المعهد الاي توني يكون بنفس رقم السفس
وإلا تدخلون موال طويل ماله آخر اذا تغير رقم السفس مثل ماصار لي والحمد لله على كل حال
وموفقين خير
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
شكرا على الرد المفيد بس بستفسر عن موضوعك ايش اللي حصل معاك بالضبط اذا ما عندك مانع تقولنا
لانو انا اصلا الاي توني حق زوجي من فلادلفيا معهد كابلن ونحنا بنحول انشالله على معهد قلوبافي ولاية منيسوتا مدينة منيابلس بس دحين راح نطر نروح لفلادلفيا ونجلس شهر عشان المعهد بعدين نحول على الولاية التانية والمكتب قال لزوجي لازم تدفع رسوم دراسة مقدما تقريبا 14 الف ريال سعودي لمعهد كابلن بصراحة انا ما ارتحت لهذا الموضوع من جد على اساس نسافر خلاص مرة بس ايش المشكلة دي اللي طلعت مرررررررررررررررررررررررررررررررررررررة عكنت علية عيشتي وربي شوية واتحطم
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
اختي ابداً مافيه مشكلة ولا شي أنتم ماعليكم غير ترسلون ايميل للمعهد وتطلبون I-20 جديد بدون تغير رقم السيفس "انتبهوا"
وصلى الله وبارك ......وأن شاء الله كل تأخيره فيها خير وتوصلون بالسلامه
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
طيب المكتب هو اللي جاب القبول يعني لازم المكتب يخاطب المعهد ولا كيف
بعدين اذا طلبت اي توني جديد مع رقم السيفيس القديم كم الرسوم اللي ادفعها
شكر للجميع
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
^
تستطيعين ترسلون المعهد بأنفسكم مافيه مشكلة وممكن أيضاً تروحون
للمكتب وتخلونه يراسلهم وهذا الأفضل بصراحة
مافيه رسوم ابداً ولا تعطون أحد شي حتى لو المكتب بدأ يتفلسف عليكم قولوا مافيه دراهم
وصلى الله وبارك
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
المعهد ماياخذ مبلغ مقابل التجديد
ممكن المكتب يأخذ مقابل الارسالية
هذا اذا كان المكتب يأخذ
اما مشكلتي طويلة واتمنى ما أحد يقع فيها
عندي قبول في معهد جامعة ولاية أركنساس
ولما الملحقية وضعت المعهد في قائمة المعاهد المقفلة
اضطريت اني اغير لمعهد جديد
وطبعاً تغير رقم السفس في الاي توني من المعهد الجديد وهذا المعهد في مدينة " بوسطن "
خاطبت المعهد اللي في اركنساس قالوا لازم تغير الفيزا
اتصلت بالسفارة قالوا مايحتاج تغير الفيزا
المفروض تطلب من المعهد اللي في اركنساس ينقل رقم السفس الى المعهد اللي في بوسطن
خاطبت معهد اركنساس لكن رفض بحجة ان الاي توني انتهى ولازم اجدد الاي توني ولا فيه سمستر جديد الا في يناير
ولاني ابغى ادخل امريكا قبل يناير طلبت منهم يرسلون الاي توني حق يناير لكن رفض بحجة ان المدة طويلة
وهذا مهو عذر بس السبب لانه فهمت الادمشن اللي راح اسويه فرفضت انها تجدد الاي توني او انها تنقل السفس
وقالت لازم تجي تدرس عندنا ونسوي لك ترانسفير وبعدين تروح للمكان اللي تبيه
والحين كنسلت الفيزا القديمة وقدمت على جديده وانتظر الفيزا توصل
هذي مشكلتي حاولت اختصرها لكن ماقدرت :)
واتمنى أنه ماحد يقع فيها
تحياتي العطرة ،،،
رد: الاي توني انتهى واحنا ما ندري وقطعنا التذكرة بليز ساعدوني الله يسعد قلوبكم
ابشرك بس يبغالك حوالي 500 ريال حق ارساليه الاي توني الجديد عبر الفيدكس وماراح تحتاجي لتغيير الفيزا لانه نفس المعهد ولان رقم السيفيس ما راح يتغير بالتوووفيق