جميع الأخوان والمستشار والعياف وأهل القلوب الرحيمة

السلام عليكم ورحمة الله :
اخواني واخواتي
بعد ما راجعت الوزارة امس بخصوص أمر الإركاب حولوني الى وكالة الوزارة للبعثات بحي الغدير واعطوني رقم المعاملة اراجع فيه..السؤال هل أمر الإركاب يتم اصداره بمثل هذا الإجراء أم لا..
يا أحباب ما أبغى اتمرمط وانحاس ويتأخر الحاقي
لأنني رب أسرة وخسرت كل فلوسي في الأسهم يعني الوضع أبداً ما يتحمل اي حوسة أو تأخير
ولا أستطيع تركهم واذهب لحالي ادرس ولو مؤقتا.
فزعتكم ولو بمعلومة صغيرة ولكن صحيحة وجزاكم الله خير
أخوكم ومحبكم / مقدام

صارت تصريفة ماشية مليون

انا جربتهم 4 مرااااات

وهذة تصريفتهم الذهبية (مايقول لك لا) عشان تروح تشوف رزقك . بالعكس يوعدك ويقول لك ابشر

وللاسف ان اوراقك واوراقنا في اقرب زبالة (الله يعز السامعين) .


يارجاااال من الاخر عندك واسطة بتلقى خير .. ماعندك مالك الا الدعاء .

بالتوفيق

ما اقول الا انا لله وانا اليه راجعون
الواسطة مهمة ، اذا كان الوزير وهو الوزير ما يتعين الا بواسطة

بالنسسسبة لي اول مره اسمع كذا يقول رقم معاملة < رقم معاملة على امر اركاب ؟؟؟؟؟؟؟؟؟؟

اخوي مقدام بالنسبة لي انا اشخاص قالوها لي قبل لا اطلع لامريكا كنت ناوي اخذ امر اركاب وقالوا معك واسطة رح مامعك واسطة لاتتعب نفسك < وانا حجزت عن طريق النت وقلت قبل ما امشي بيوم باروح واشششوف ورحت للوزارة الي على طريق التخصصي وطلعت للدور الثالث شؤون المالية وحصلت المطيويع الله يوفقه دنيا وآخره وقلت له ابيك تفيدني هل استطيع الحصول على امر اركاب ولالا ماكان واقف معه الا انا لحالي ضحك بوجهي وقال ابشر بامر الاركاب وجلست عشر دقايق عبيت بياناتي في ورقة وطبعو لي امر الاركاب وقالو رح قص التذاكر من حي الغدير ورحت قصيته ومشت الامور

الله يجزاك خير يالغالي موفق يارعد
بس حبيت أسأل الله يسهل أمورك :
الكلام هذا من زمان ولا قبل فترة قصيرة
وظنك أروح للرجل وأحاول معه
لأنني قلق على نفسي وأسرتي وما أبغى انحاس

ياشباب حبيت أستفسر أنا طالع على حسابي هل يعطوني أمر أركاب ولا